[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صاحبي وإن غبت عني ثواني =القلب عارض في غيابك وندّد
لأني بدونك يا حبيبي أعاني=وأطيح في جمر الحزن وأتمدّد
حبي لك أكبر من كلام الأغاني=ما هو محدد لو تشوفه محدّد
تدري وش أصعب شئ يجرح كياني=لا شفت حلمي في غرامك تبدّد
يا كثر ما خليت بعض الأماني=ألا أنت حبك في خفوقي مجدّد
ويا كثر ما طيفك حبيبي دعاني=وأجيك من دون العذر وأتودّد
الله على دربك وحبك رماني=لا ما علي إن كان حظي تلدّد
تعال خذني يوم حبك خذاني=قلبي معلّق فيك وأنته تردّد
الحب نعمة والمشاعر معاني=والخاسر اللي في المشاعر تشدّد
يا أجمل غلا عشته وعاشه زماني=كم عاذلٍ غاظه غرامي وهدّد
أرجوك لا تسمع كلامه عشاني=لو يجمع أحقاده علينا وسدّد
عيني وقلبي والشعر والمحاني=شواهدٍ فيها غرامك تعدّد
ما غير يلهج في وصوفك لساني=لا غبت عنّه بأصدق إحساس ردّد
وينك فقدتك يا حبيبي ثواني=شف خافقي عارض غيابك وندّد[/poem]
القصيدة بالصوت ... هنا ..
