ليا منك فرحتي وانشرحتي ...... خذي قلبي بكفك وارقصيبه
[poem=font="Arial,7,black,normal,normal" bkcolor="transparent" bkimage="backgrounds/7.gif" border="groove,10,purple" type=2 line=0 align=center use=ex num="0,black"]
بكيفـك حبنـا مـا هـو غصيـبـه=ترى راع الهوى حظه نصيبه
اذا قلبـك تخـلـى عــن هـوانـا=انـا للحيـن قلـبـي مــع حبيـبـه
احبـك لـو تقـول الـلـي تقـولـه=ولـو تدعـي علـيّـه بالمصيـبـه
أحبـك ثــم احـبـك ثــم احـبـك=جرحت القلـب داوه يـا طبيبـه
الا يا زيـن كـل النـاس حولـي=ولكن غير زولك ويـش ابيبـه
انــا مـانـي بـحـي الله واحـــد=لجاله ربـع مـا يبغـى رضيبـه
انــا مــا دام حطيـتـك بقـلـبـي=ابيـك اليـوم مـن قلبـي قريـبـه
ليـا منـك دخلتـي فـي فــؤادي=عسى الدنيا تجيب اللي تجيبـه
حبايـب قلبـي اللـي مـا بعدهـم=ورى يرضون للعاشق غليبـه
يجازوني على وصلي قطاعه=واجازيهم على الحرمان طيبه
إذا كـان ان عذروبـي هـوايـه=لـك الله حـب عنتـر مـا يعيبـه
الا يــا الله يـــا عـالــم خـفـانـا=يا رازق ف الخلا شاته وذيبه
ويا عالم بمن ف البحر عايش=ومن ف البر واقف ويعدي به
ويا عالـم جمـوع النمـل حتـى=وهو تحت الصفا تسمع دبيبـه
تلـيـن قـلـب محبـوبـي عـلـيـه=ولـن عيـا تـراك انته حسيبه
انا والله تعبت من المحبه=عجيبه صدق هالدنيا عجيبه
ألا يا بو جدايل كاسياته = عليك القلب زايد في نحيبه
ولا يابو رموش(ن) يوم اصفها = كما صفة عساكر في كتيبه
ولا يابو شفاة(ن) من حلاها = وحمرتها كما خمرة زبيبه
عليك القلب يا الغالي تفطر = وشبت فيه من نارك لهيبه
لك الله ما ذكر بالوقت عاشق = ينام الليل وجروحه عطيبه
لكن انتي تملكتي فوادي = فداك اليوم بيعي واشتريبه
ولامنك فرحتي وانشرحتي = خذي قلبي بكفك وارقصيبه
انا بدعي على خل(ن) ضلمني = وابلقى للدعا من يستجيبه
الا يا الله لامنه تركني = وصارت بعده الدنيا عصيبه
الا يا الله لا حي(ن) يزوره = ولن زاره يشوف اللي يريبه
ومن عزّه عسى الله لا يعزه = ولو انه يكون اقرب قريبه
ومن صانه عسى الله لا يصونه = ومن ثآبه عسى الله لا يثيبه[/poem]
