باكر بموت وانت باكر تبي تعيش = ومابيك تسالني ابد كيف ابموت !!!
مساءكم سكر :
باكر بموت وانت باكر تبي تعيش
ومابيك تسألني أبد كيف ابموت
أسألني مات الحب في خافقي ليش
واصبحت بعده لاملامح ولاصوت
خلقت وأحزاني على مهجتي جيش
( تشبه جيوش الحرب في عين جالوت)
الله ياما أحلى حياة الدراويش
الطيب فيها ماء والتضحية قوت
كانت حياتي كلها (مرحلة طيش )
والحب كفنته لك الله بتابوت
وإن سولفوا بالحب صديت تطنيش
ودي يمر الوقت وأصحابي سكوت
حتى ألتقيتك قلت : ( بشويش بشويش)
عجزت اقاوم للاسف سحر هاروت
من يوم شفتك قلت يافاتنة أيش
اللي يخلي نااااظرك سهمه يفوت
وانته خلقك اللي خلق هيبة قريش
مخلوق ( تُصنع من فمه نكهة التوت )
أموت بالتحديد لاطااااح كورنيش
من عينك اللي كنها ورد بيروت
الفرق بين الموت وياك والعيش
بالضبط فرق العيش وياي والموت
الفرق إنك في سماء روحي تعيش
وأنا الوحيد اللي على صوتك يمووووت
