المشاركة الأصلية كتبت بواسطة فهد بن عبدان
يتجه هذا النص
بكل مايحمل من معنى
الى من أعنيه ...........
[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=350% align=center use=ex length=0 char="" num="0,black" filter=""]
ياللي بصدرك حكي وتلف وتدور=استرسل الله لايهينك وتابع
شيٍ حياك أخفاه .. بدّه على الفور=الحق مايزعل .. ولاله مواجع
ان كان عَنْوك ليه ماضيق وآثور=وراجع اللي قد كتبته وراجع
وأشعل فتيل الشعر بحروف من نور=وأحرق بصاليها قليل الروابع
اللي مع حبيّب وملفي ومستور=قامَتْه .. تتساوى وروس الأصابع
ماهزني حكيه ولاهوب معذور=اللي خذاله في التعالي مرابع
مايدري انّه طايحٍ وسط دعثور=ومن الغبا والنقص والجهل شابع
وأنا اقول لرب الارباب مشكور=وأردها ثاني وثالث ورابع
شاعر ولي سطوه وهيبه وجمهور=بدّّلت احساس الغرور بتواضع
أدري ضعاف النفس بتقول مغرور=لنّي على قدّام وهْم بتراجع
[/poet]
أخوكم
فهد بن عبدان
