سافرت واللي بقالي بأختصار = مغترب ادري ولا ادري وش يصير !!!!
مساءكم سكر :
ليت لي قدرة بتنفيذ القرار
..........................كان ماضيعت بالعمر الكثير
وكان ماوافقت هذا الاختبار
..........................في يدين اللي بتعذيبي خبير
وكان ماشيدت في قلبي ديار
...............................للهنوف اللي لها الدنيا تسير
كانت اجمل يوم ماكنا صغار
..............................والزمن حتى الزمن أول مثير
لانفاق ولاخداع ولا احتقار
.............................قبل وقتٍ رجع الاول أخير
من على يديها غدى للحب نار
..........................ومن سجد في ظلها الثوب الحرير
سوَت بقلبي كماسووا التتار
........................دون ماترسل على قلبي نذير
جمعتني من شتاتي بإقتدار
...........................وشتتني وأصبح الواقع مرير
ودمرتني أجمل ألوان الدمار
...........................وعينتني لدولة الغربة سفير
وسلمتني للتعب والإنكسار
........................ولاعطتني حق تحديد المصير
(علمتني أخر الحب إنتحار)
....................وإن حبل الود بالدنيا قصير
مشكلتها كل مالوقت إستدار
....................زادت جروحي وأنا بعدي صغير
ولاعرفت شلون رد الاعتبار
....................لاغدت أمامي السهل العسير
ليت ماللوقت لحظات إنتظار
........................وليت مابالحب تأنيب الضمير
لاجل تدرك اني من طبعي أغار
.........................وإن بين ضلوعي الحب الكبير
سافرت واللي بقالي بإختصار
.......................(مغترب) أدري ولا ادري وش يصير
