كلي حلى = سنجــــوبه = بريطم = زورو ,,
السلام عليكم ورحمة الله
كيفكم ياحلوين ,,
بصراحه حبيت اكتب موضوع اول لكم في الصرقعه هنا وقعدت احوس واقلب في بنات افكاري لين جبت لهم القلق ووجع الراس بعدين تذكرت الخيزران اللي مهددتني فيه كلي حلى وعلى طول جتني الفكره ركض وهي سالفه قديمه عن كلي حلى وسبب حبها لزورو وانا اقصد السبب الحقيقي مو الاسباب اللي قالتها وشاني وبسكوت تمر وعلك ابو طبعه والكلام هذا المهم هاكم السالفه ,,
يحكى ان فيه بنت لطيفه وحبوبه ووش زينها اسمها كلي حلى وكانت شهرتها في الحاره سنجوبه وسبب تسميتها سنجوبه ان فيه اثنين من سنونها الاماميه العلويه :biggrin: ( عنوان صار ) بارزه مره وشكلها صاير زي صدامات اللومينا الدوريات وبراطمها ماتنطبق على بعضها من قوة البروز وكانت قانعه بحظها ومتحمله كل التعليقات اللي تجيها من عيال الحاره سنجوبه راحت سنجوبه جت ,, لا وفوق هذا كانت تحب ماوكلي وسنان وهايدي والبنت مسالمه مره وفي يوم من الايام كانت راجعه مع اهلها من سفر عن طريق البر وفجأه طع ودش دش دش انفقع واحد من الكفرات ووقفوا ولا الكفر منصلخ غيروا الاستبنه ومشوا ونصف ساعه وطع دش دش دش دش بخ وانصلخ الكفر الثاني وقفوا هالمره وانتظروا لين جاهم ابن حلال وسحب سيارتهم لين أقرب محطه ,, كل هذا وسنجوبه نايمه وفاقه اثمها غصب عنها بحكم ظروف اسنانها الصعبه ويوم وقفوا بالمحطه وجا اليماني راعي البنشر واجهتهم مشكله ,, سنجوبه صحت على الاصوات ونزلت بحكم اللقافه تستكشف الوضع ,, المشكله كانت ان المحل مافيه الا كفرات مقاس 15 والجنط مقاس 16 يعني مايركب عليه ,, :ranting2:
لكن اليماني طلع ذكي شوي وقام شب له نار وصار يحط الكفر من بعيد على النار ويقعد يمغط الكفر عشان يكبر حجمه شوي وجلس حول ساعه وهو يمس بهالكفر ويتعافر معاه لين ركبه على الجنط غصب من ورا خشمه ( الله من النشاط في ابويمن ) كل هذا وسنجوبه تراقب الوضع ومنبهره بالفكره الذكيه اللي سواها اليماني وقعدت تفكر طول الطريق في هالحركه وكيف تقدر تطبقها على براطمها وسنونها لان براطمها كانت مقاس 7 واسنانها 9 ولاكذبت خبر واول ماوصلت البيت وتاخذ لها ولاعه وتصير تمط براطمها وتشب تحتها وتقعد تمس وتشد فيها ومره البرطم اللي فوق ومره اللي تحت وركزت على البرطم الاعلى بحكم قربه من موقع العمل المهم ونفس الشيء ساعه ولاهي مغطت براطمها لين صارت مقاس 10 يعني زادت بدرجه وحده عن اسنانها طالعت بالمرايه ولا البرطم متهدل شوي قالت ماعليه الزود ولا النقص اهم شيء ماعاد يقولون سنجوبه :rolleyes: لان الاسنان اختفت لاول مره في حياتها من خارطة وجهها هههههههههههههههههههههههه ولاعرفت تنام من الفرحه وتنتظر بس متى يجي الصبح وتطلع تستعرض بالحاره وتحرق كبودهم لان مافيه مجال ابد يقولون سنجوبه :كلوش: ومن اصبحت وهي واقفه بالعاير وتتحرش بالرايح والجاي وجا واحد يقال له مصرقع كان دايم مصافق معها واول ماشافها قال هلاااااااا بريطم يالله حيها الحمدلله عالسلا .. ولاامداه يكمل الا وبريطم لاشطته بخيزران معها الحين تفتك من سنجوبه وتطيح في بريطم هذي والله النشبه وتجيها حاله نفسيه :ranting2: وتجلس في البيت ماتطلع ابد وبس مقابله التلفزيون وطايحه في الفشفاش ومن كبر البرطم كانت تصف الفشفاش كله فوق برطمها وتسحبها وحده وحده وفي الفتره هذي تابعت زورو وطلعت فكرة الانتقام في راسها وقررت تنتقم من الكل وادهرت فيهم بالسكاكين والسيف حق زورو :swords: وانتم عارفين باقي القصه .
وسلامتكم
ههههههههههههههههههههههههه ههههههههههههههههههههههههه ه
* كلي حلى : :mf_leia:
لاتزعلين ياحلوه تراها سوالف ولا انتي كلك حلا وملح وقبله وسنجوبه وبريطم بعد وعلك ابو جني وخدود بنات وسكر نبات :biggrin: ,, يله من قدك ؟ بعدين جيت اسوي مثلك وقعدت احط ايقونات قال لي ضف وجهك انت مكثر الأقواس مدري وش مير ازعل واشيلها كلها ههههههههههههههههههههههههه ه
يبيلي اتعلم منك وزنيتها .
مصرقع
