[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=2 line=0 align=center use=ex num="0,black"]
الثلاث اللي صدفني يوم شديت الرحال=علمني كيف أساير منهج الدرب الطويل
علمني كل شي ٍ وإن بدا لي به مجال=ما أتنازل عن مجالي لين أولع بالفتيل
مالهن بالخير نية يوم قالن لي تعال=ساعة ٍ وإبليس عندي من طواريقه يشيل
ماتركني لين ذبيت العمامة والعقال=قال يالله؟ قلت يالله خل واديها يسيل
يوم غاب اللي عليهن يفتل أطراف الحبال=مابدا للكيف صار ولا علي من الوكيل
إنعزلنا والسوالف من تصاريف الخيال=لين صورنا الصباح اللي بدا بعيون ليل
إبتدينا بالجزال وإنتهينا بالجزال=ولا يدنق للهزيلة غير أبو شف ٍ هزيل
كانها بالطيب فيها طيب من طيب الرجال=وكانها بالدين والله ما ورد فيها دليل
ماورد فيها حرام ولا ورد فيها حلال=والله أعلم بالنوايا والعيون و ما تخيل
وأنت يا قارئ قصيدي لا يغرك بالمقال=كلمتين وفي حشاهن مركز المعنى الثقيل[/poem]
