المشاركة الأصلية كتبت بواسطة السُّلمي
سمورة لا والله انا ماعاد اركب القطار وهذة الاشكال التعبانه . هههههههاااااااااااي ماهو خوف خايف على حياتي بس هههههه
بصراحه اللي يسمع نصيحه ولا ياخذها يستاهل . مرة جاء لي احد الاصدقاء ومن الاعزاء على قلبي بس طلع بيسوي فيني مقلب
وقال لي شكلك طفشان قلت اي والله طفشان بقوة قالي لي اجل فيه شيء بيطير الطفش قلت يالله بنشوف بروح معك لو تبينا
نطلع سطح القمر اخذني على اكبر الملاهي الموجودة في ذاك المكان وقال يالله وش رايك نطلع في هذا القطار قلت تم رحت اسوي
زي ناصر القصبي تم تم . اخذنا التذاكر قلت بالله ندفع هذا المبلغ ونطلع فوق ممكن واحد منا يطيح او تصيبه حاله عاد الملاحظات
مكتوبه عند الاستقبال كان معه واحد من اولاد عمه اول مرة اشوفه قال هذا مايموت ماعليك فيه . ونحن نتشاور وبنتاخذ القرار
للصعود جاء الينا واحد قطري قال والله يالسعوديين إنكم انذال شوفوا وش مصلحين فيني اكل المقلب المسكين قلت والله القرار اتخذ
وبنجرب مثلك . المهم ربطنا حزام الامان والمشكله انا وهذا العزيز البلوة على قلبي كنا بالمقدمه وولد عمه بالخلف . قلت تشهدوا
لشفتوا شيء مو زين . ويفكوها ضحك . والله طلعنا ونزلنا اخر مرة اقول وين الجوال بتصل على الدفاع المدني شكلها ماعاد توقف .
المهم نزلنا تحت والقطري ينتظرنا وجاء وقال مانصحتك انا وماقلت لك لاتطلع واحنا قالبينها ضحك مو ضحك بس الله يستر والله العالم
شكن فينا وبالذات في اخذته خويي ومشينا قلت شوف والله انا عارف وسامع عنها قبل اليوم وطلعت في اشياء مو بذي بس
تقدير لك وللي معك طلعت معاكم بس يا مرة ثانيه تجيني وتقول بنروح للعن ابو شيطانك .
ونصيحه يااخوان تراء فيه واحد طاح من المقص ومات لا عاد تتعودونها هي مرة في العمر وخلاص . هههههههه
سمورة ناويه تفقدينا من الشباب والله حرام . هههههههههااااااااااي تحب النذاله شكلها .
وماعليش كنت فايق وكتبت هالخرابيط اللي صارت علينا .
وللجميع فائق التحايا ,,
اخيكم السلمي
