وش تبي تهدي عقب هاك الجمر؟؟؟
[poem=font="Simplified Arabic,6,crimson,bold,normal" bkcolor="sienna" bkimage="backgrounds/23.gif" border="solid,4,darkblue" type=4 line=0 align=center use=sp num="0,black"]
((( وش يبي تهدي عقب هاك الجمر )))
جيت تسألني عن الجرح الجديد
وأقدم جروحي نزيفه مستمر
***
ما تشوف الجسم عظمٍ (ن) مع وريد
ما تشوف العين ماها منهمر
***
ليه جيت ألآن وش عندك مزيد
وش تبي تهدي عقب هاك الجمر
***
ما عرفت الوقت لذاته تبيد
والفناء آخر محطات العمر
***
جيت تسألني وأنا أدريبك أكيد
جيَتك لولا التشفي ما تمـر
***
لا تزيد الجرح تكفى لا تزيـــد
خاف من له مسلمينه تعـتمـــر
***
وأذكر إني كنت أكتب بك قصيد
وأذكر إني قلت لك خي القمــر
***
وأذكر إني قلت شوفك يوم عيد
وإن طلبت الشيء قلت آمر أمر
***
وأذكر إني قلت لك في يوم سيد
سيد كل البيض مع كل السمر
***
ليه جــيت اليــوم تسأل عن جديد
وأقدم جروحي نزيفه مستمر
*************************
الجهـــــــــــــــــــني[/poem]
