الأغـــبــيـــاء . . ؟؟؟

[align=center]بسم الله الرحمن الرحيم



مسّاكم الله بالخير


هذه قصيدة

أعتقد أنها

لا تحتاج إلى مقدماااااات



إليكم


الأغــبــيــاء

(محشومين عن الغباء وبعيد عنكم )

...

..[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,6,gray" type=1 line=0 align=center use=ex num="0,black"]
ذكي ولكنك نسيت تحّسب حساب الأذكياء=
لين أوحلت كل الدروب وصرت في عيني غبي
جيت وتذاكيت بغباء لله در الأبرياء=
تجي لهم ببروج عاج وجيتني زحف وحبي
وانا أدري ان الحكم ثابت بإتفاق الأدعياء=
لكن متى لي تعترف ان الظبع ماهو ظبي
وهذي نتيجة من حياته بالتلاعب والرياء=
يقول حامض قبل مد كفوفه لعال عنبي
والفتنه أشقت قبلنا سيرة حياة الأنبياء=
وأنا ماني معصوم ذنب ولا حكيم ولانبي
لكن خذيت العبره بزلة رجول الأشقياء=
وعرفت كيف ان السعاده ماتجي نهب وسبي
ولوان قاعي تنتظر متى يجي فيها حياء=
والناس تسأل ليش ؟ والا كيف ؟ والا وش يبي ؟
والظلمة اللي سرتها حدتني أمشي في ضياء=
وأنا أدري أنه ماتجي دايم على كيف طلبي
لكن هويت ولاقويت وصارت أحلامي عياء=
وكن الحلوم الاوله قالت لي : اقعد وتهبي
ويافقر حبي كان عزك تحت نعل الأغنياء=
خلك فقير ولا تهقويني على فتل شنبي
والحاجة اللي ذلها مدت كفوف الأقوياء=
تنقص ولا أخذها وانا واقف على حيل ركبي
وبعض الفعايل نفعله تقدير وإيجاب وحياء=
وبعض الفعايل حاسمه تاخذ جهودي وتعبي
و(مزماري) ادري لو رقا !! ما أطرب أذان الأخوياء=
لكن تعالوا من (شمال) وانا بأصير (الأكلبي)
فكانه عزاك ان الخبول أرضوا طموح الأسوياء=
فأنا عقول ا لأسوياء أرضت غروري وعتبي
ومن قبل ريم وقبل جود وقبل سوزان وهياء=
قلي وش اللي بأكسبه لامال ديني ونسبي
وانا ادري ان الصمت يوقد من فضول الأغبياء=
بس ان عودي جودته لاشب وقتي بحطبي[/poem]

[align=center]
وسلامتكم[/align]

اخى العزيز فالح

ابيات عذبه
ومشاعر فياضه
وصح لسانك ولاهنت
ولاعدمناك
تحياتي

والفتنـه أشقـت قبلنـا سيـرة حـيـاة الأنبـيـاء
وأنـا مانـي معصـوم ذنـب ولا حكيـم ولانـبـي
لكـن خذيـت العبـره بزلـة رجـول الأشقـيـاء
وعرفت كيـف ان السعـاده ماتجـي نهـب وسبـي


ياسلااااااااااااام عليك يافالح

شاعر ومتمكن وبجدااارة


وهالبيتين عن قصيدة


صح قلبك وكلك يالجزل


وسلمت اناملك

تحيتي لك

الله الله الله الله يا فاااااااااالح

صححححححح لسانك

قصيدة قرأتها مرات ومرات أقبل أن أرد هنا

لله درّك

وجدت فيها الجزالة والفلسفة والإبداع .. أبيات تحمل شئ من كل شئ ..

بانتظار غيثك القادم ..

لك أطيب تحية ..

أخوي فالح


صح لسانك وعقلك وقلبك...


سلمت على هالإبداع الرائع


لك ودي وبانتظار المزيد من التميز


رشـة عطر

أخوي الغالي / فالح الناهي صح لسانك ولا هنت والله إنك مبدع أبدعتنا بقصيدتك التي فعلا شدت أعيوننا لها كلمات جميله جدا أستطعت صياغت الكلمات بطريقه أذهلتنا بها صدقني أنني مهما قلت فلن أستطيع إلى تعبير مافي داخل قلبي عموما أتمنى وبكل شوق أن أرى لك كل جديد .
أخوك الشاعر : عبدالله محمد

صـــح لـسـانـك وبـيـض الله وجـهـك


ســلــمــت ودمــــت


قصـيده جـزلـه من شـاعـر جـزل


تـقبـل خـالص تحــياتي وتـقـديـري

[align=center]محمد السليس

اخي الغالي

اشكرك على سبقك الكريم

ومرورك العذب

صح بدنك ولاهنت

دمت بخير[/align]

[align=center]ابو عبدالرحمن

استااااذي العزيز

لاهنت يالغالي ولاهانت هالذائقة العذبه

الله يقدرنا على ان نكون عند حسن الظن

تقبل تحياتي وتقديري[/align]

[align=center]مفرح بن مناحي

اخي الغالي

صح بدنك

وصحت هذه الذائقه العذبه


اشكرك على ثنائك الفريد

ومرورك العطر

تقبل تحياتي واحترامي[/align]

[align=center]رشة عطر


صح بدنك اختي

واشكرك على مرورك الكريم

وعطرك العبق

وهتانك العذب


تقبلي تحياتي وتقديري[/align]

[align=center]الشااااعر

عبدالله بن محمد

صح بدنك يالغالي

وقدرني الله على ان اكون

عند ظن هذا العقل الفريد وامثاله

ولن ابخل على الكرماء
لك كامل الحب والتقدير[/align]

[align=center]مهدي بن مسفر بن عليان

اخوي الغالي


صح بدنك

واشكرك على مرورك الكريم

ودمت بخير [/align]

فالح الناهي

صح لساااااااااانك مددددددددد

رااااااائعه.. سعدت بمعانقتها


لاهنتتتتتتتتتتتتتتتتتتتت


الناااااااايف

قصييدة تستحق القراءة والتدبر في معانيها الجزلة

تحوي في كل بيت أكثر من حكمة

لذا جا ءت جميلة وبديعة فأجبرت المتلقي على تذوّقها


صح لسانك أخوي الشاعر : فالح الناهي


وشكرا لك على إمتاعنا بمثل ذلك البديع



دمت بخير

الناهي
ونص يضاهي قامتك الشعريه
وحروفك غير ونصك مميز
صح لسانك ولاهنت
من يوم قرات
لله درك يالسنين القديمه
وجدتني امام شاعر كبير

[align=center]سعيد الشمري

اخي الغاااااالي

صح بدنك

واشكرك على مرورك العذب

وذائقتك الفريده

واتشرف بك وبمعرفتك

ولك خالص التقدير والاحترااام[/align]

وهـذي نتيجـة مـن حياتـه بالتلاعـب والـريـاء
يقـول حامـض قبـل مـد كفوفـه لعـال عنـبـي
والفتنـه أشقـت قبلنـا سيـرة حـيـاة الأنبـيـاء
وأنـا مانـي معصـوم ذنـب ولا حكيـم ولانـبـي
لكـن خذيـت العبـره بزلـة رجـول الأشقـيـاء
وعرفت كيـف ان السعـاده ماتجـي نهـب وسبـي


صح لساااااانك ملاااايين ياشاااااعر .. ابياااااات في الصميم .. ومشكله فعلا ً الغباء في هاااالزمن .. لااااهنت على هالفاااخره .. وتسلم يدينك .. وصح قلبك وفكرك !!

ولك مني أجمل وأرق تحيــــــه

فيصــــل

[align=center]الأخ الغالي / فيصل

اِشكرك على ثنائك الطيب

ومرورك العذب


تقبل حبي واحترامي[/align]