الحقني يا حليب السعوديه (1)
[align=center]بسم الله الرحمن الرحيم
في يوم من الايام( اكيد من الايام اجل من الليالي) <<<<<<< اقول اخلص بس المهم ولا تزعلون
في يوم خرج ابو جهل من عند ابو سفيان حيث كان يتقهوى عنده.... وامتطى صهوة سيارته
البورش موديل 570م السبورت... المهم فتح السقف وصار يفرفر بشعاب مكه ويقزقز بنات الحي
وهن عائدات من جمع الحطب .... وهاتك يا دوجه في مكه وبينما هو كذلك دق جوال ابو جهل
شغل السبيكر فاذا به امية بن خلف ... قاله وينك قال ابو جهل عم بتمشى... قال مرني ... المهم
راح له ابو جهل ونقز معه اميه بالسياره.... قال امية عمت صباحا ابا الحكم ... رد عليه ابو جهل
عمت صباحا ابا صفوان... كيف حال ام صفوان... فرد امية ..آآآآآآآآه ... فنقز ابو جهل ... ولللات
والعزى لتقولن ما بك يا ابا صفوان... انت سيد مكه... قال ادري بس هالحريم غثونا وانا ما ني
قادر اسيطر على الوضع بالبيت .... ام صفوان ثكلتها امها ... لاتنفك صياعة في المشاغل
النسائيه والاسواق .... وراميه كل البيت على العبيد.... انا بصراحة قد نفد صبري ... شوي
وبرق من نافوخي يطير بسببها.... فرد عليه ابو جهل الحال واحد يا امية ... ان اردت الحقيقه
انا الراتب كله يروح للسوق ومصاريف ام الحكم.... لا السنه هذي ناويه تروح تصيف باليمن
تقول فيه مهرجان تسوق وانا محتار وشلون اوديها... فقاطعه ابو صفوان شف اللي يشر
على الخط وقف له خل نتسلى معه ونوصله..... المهم وقفوا لي وركبت معهم وانا كنت رايح
مكه ... عندي مراجعه هناك... المهم صبحت عليهم ردوا علي ... عمت صباحا ... شكرتهم انهم
وقفوا لي .... فقال لي ابو جهل من اين انت يا اخ العرب... فقلت له انا اخــــلاق من الرياض
فقال لي اوكيه ... من اليمامه انت... فقلت له نعم...فسالني امية وما اتى بك هنا .....
قلت له قصتي... فتعاطف معي كثيرا ... وقال لي ان ابنه عمرو يشتغل هناك واعطاني
كرته على ورقة من جلد... فشكرته.... المهم وقفنا عند بقاله ... قال ابو جهل وش تشرب
قلت له اي شي... قال وش رايك ناخذ نبيز(نبيذ) قلت له اوكيه... اما امية قال لا انا بدي
( جعه)وبايسن... نزل ابو جهل وجاب لنا .... وحنا نشرب صرنا نتجاذب اطراف الحديث
وكان ذو شجون.... المهم سالوني البيك ما فتح عندكم باليمامه... فاجبتهم بالنفي
فاطلق ابو جهل ضحكة مدويه ... قال انتم مساكين يا اهل اليمامه ليس عندكم البيك... قلت
ودنا بس ان شاء يفتح قريب... والله انا بالنسبه لي مشغول بغرابيل ومنسيتني اي شي.. قال اه هذي المنتديات.... قلت ايه .... قال حاولت اسجل بس اللاب توب حقي خربان.....
قال ولا يهمك سا اعزمك الليلة انت وامية هناك .............. المهم سوالفهم كانت
زينه( ونحول) وكنت حريص اعرفهم من هم..... سالتهم من انتم بالله.... فقهقه اميه بصوت
جهوري وقال من لايعرفني ...ا نا امية بن خلف سيد هذا الوادي وعضو المجلس البلدي الدايم
وهذا ابو جهل من اعيان البلد والمشرف العام على .... ما خليته يكمل وقلت هذا ابو جهل
عدو الله .... يالخايس انت ابو جهل والله ستحل عليك اللعنه.... فردعلي ابو جهل ويحك
لعنتك اللات والعزى ...
المهم سفط السياره... ونزلنا نتدابج واخذ العقال واموصره!!! بس هجم علي امية من ورا
ومسك يدي ... وصرت بلشان بينهم ..... الا شوي جاي واحد ما اعرفه .... ويفزع معهم ...
انا حسيت اني بتصفق.... حاولت اضرب اللي اقدر عليه... وما اسمع الا ثكلتك امك .... ويحك
وعينك ما تشوفش الا النور... بغمرة الضرب انا صرخت الحقني ... يا حليب السعوديه...وشوي
والا حليب السعوديه هاجم عليهم زي البرق ومفرق جمعهم .... وبرد سبدي بابو جهل الخايس
دبجه بقس بين عيونه ولحقه سيبلوكس خلفي على كيفك.....
المهم انا سلمت على حليب السعوديه وشكرته... قام هو يستعرض عضلاته زي الدعايه...
قلت انا لاتخلي احد ياخذ منك حليب السعوديه... المهم قال خذ سيارتهم ورح ما عليك منهم
.... جيت ابي اركب السياره وانا اطيح من السرير .... واقوم من النوم.... يالله كان حلم
ما حصلش.... المهم انا مستغرب ان كرت ولد امية عمرو معي ....<<<< بدا يستحلي النصب
هههههههههههههههههههههه
القصه من تاليفي ارجوا انها تكون اعجبتكم وما اكون طولت عليكم.....
اخوكم/ اخــــــلاق[/align]
