°°·.¸.• ماعاد بآقي علي إلا انتحر وأمـوت لأجلك.. حسبي الله عليكـ•.¸.·°°
السلآم عليكم ورحمة الله وبركآته ..
مسجآت منـووعه مني لكـم يالغآليـن..
اتمنى تعجبكم .. !!
http://www.sfsaleh.com/vb/uploaded/msms.gif
:
:
في زمانك محد يشيل همك
لاحبيبك لا أخوك لا رفيقك
ماتهم اللي يهمك
لو بغيت تعيش صح
صل فرضك وأقضب أرضك
وخلها للي عيونه ماتنام ونام
₪
أبكي قصيده وأشبك البيت بالبيت
وأشكي قوافي الليل من كل ضيقه
وأدخل في بحور الشعر لامن تجليت
وأغوص في وسط البحور العميقه
في حبكم لاني بحي ولا ميت
كني كسير الطير ماله طريقه
₪
صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر
₪
وعذابي كان لي نفس صحيحه
خيرت مابين صدك والمنيه
أن نويت البعد ضاقت بي الفسيحه
وأن بغيت القرب خان القرب فيه
كيف بخفي الحب وجروحي صريحه
كيف أحجب الشمس ياخلي بيديه
كيف أداوي علة النفس الجريحه
وين أودي دمعة العين الشقيه
₪
من مواني الليل لعيونك سريت
ودمعتي تحلف علي أهلها
كم بكيت بداخلي لو مابكيت
كبرت همومي وقلبي شلها
كم تناسيتك ولكن مانسيت
لو تغيب الشمس يبقى ظلها
بأنتهي بك مثل مافيك أبتديت
وماسوت عزة زماني وذلها
₪
أنا بدوي وبعيشتي ماتنعمت
ورمز البداوه سيف وللكيف دله
محبوبتي صحراي في حبها همت
أعشق سهلها والرجوم المطله
يكفي إني من البداوه تعلمت
إن الركوع لغير ربي مذله
₪
أنا الذي من شوف الأحباب محروم
والله يكافي شر زلات الأقدام
قبل أمس مع ربعي سواليف وعلوم
واليوم طاويني هواجيس وهيام
أضحك ضحى قبل أمس وأبكي ضحى اليوم
ياسرع دورات الليالي والأيام
₪
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه
₪
يامرحبا أعداد ما لاحت بروق
ترحيبة المؤمن بحكم الشريعه
رسالتن جتني من أعز مخلوق
ومن كان مثلك طيب مانبيعه
ياطيب الجدان من جذر وعروق
أفعالهم كل الخلايق تذيعه
₪
من يوم ماذوقتني حر فرقاك
واليأس والحزن في حياتي غرسته
شريت لي ثوب على شان لقياك
والثوب راحت موضته ما لبسته
وشريت عطر مازهاني بلياك
أربع سنين بعلبته ما لمسته
₪
الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق
₪
مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه
₪
كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي
₪
غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق
₪
وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
₪
زينه على كل المخاليق غطى
عقل وجمال وخف دم مخلوطي
عمره صغير وجاهل توه ماتغطى
ولاغيره أحد يخيط قطوطي
غرون على عرش البنات أيتوطى
قطع على الزينات كل الخطوطي
ياليل قلبي على قلبي أخطى
حط القدر بيني وبينه شروطي
₪
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
₪
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
₪
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني والله ما أظن
₪
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
₪
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
₪
ولعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
₪
ليتك تعرف أن الهوى سهم ذباح
وقلوب عشاق المحبة رقيقه
وليتك تعرف أني ليا شفت رقمك أرتاح
والقلب يسعد يوم يلقى رفيقه
أنا الحزين وباقي الناس بأفراح
وأنا الأسير وخلق ربي طليقه
₪
أنا الذي من بدة الناس أغليك
وأنا الذي عينه تراعي خيالك
وأنا الذي لو تزهمه ماتعداك
وتطلبه في كل حزه عنالك
يالعنبو دنيا تهمك وتشناك
موتي ولا شيء يكدر مزاجك
هذا كلام اللي يعزك ويفداك
ماهو كلام اللي يدور ضياعك
₪
سيدي بالحال رد النظر
وأرحم محب حياته بين يديك
إلى متى يازين وأنا أنتظر
صبري قضى والعمر منك وإليك
الناس طلعت على سطح القمر
وأنا معك ماقدرت أوصل إليك
ماعاد باقي علي إلا أنتحر
وأموت لجلك حسبي الله عليك
₪
ليه يا دنيا تعزين الرخوم ؟
والشجاع يعيش عمره في نكد
تطرحينه كل ما حاول يقوم
كل ما يبني يفاجأ با الهدد
والخبل جظه ورى ذيك النجوم
عالي مرتاح دايم في سعد
والشجاع تحاصره سود الهموم
وان تخلص من نمر طاح بأسد!
₪
لاتسأليني عن سبب كتم الآحزان
بس اسأليني عن غيابي وحضوري
لاتسأليني عن سبب دمع الآعيان
بس أسأليني عن دواعي سروري
لاتسأليني عن تصاريف الأزمــان
أجامل أحبابي وربعي والأخـــوان
جبر الخواطر صار معنى حضوري
أعطيهم الفرحه وأنا وسط الآحزان
وأجبر كسور الغير وأهمل كسوري
₪
الوقــت قـاسي والليــالي بها هــم
والقلب يشــكي ومالقيــنا مداويـــه
والعــين تبــكي دمعــها صـار به دم
والجرح يــنزف يــشتكي جور غــاليه
وش حيــلة الي لابغــى شــي ماتــم
سود اللـــيالي فـي طـريـقة تعـنيــه
₪
بسمتك عندي إلى من ضقت تكفيني
وكلامك معي عن الأحزان يرفعني
أسمى العلاقات تربط مابينك وبيني
يالي عيونك أن ضاق الكون تاسعني
لك احترامي وحبي والوفـــا فيني
وفيك أروع الحب مايخطي ويخدعني
₪
أنا حالي كذا يوم عرفتك وإبتديت أهــواك
عشقت الحرف و العزله وصمت الليل يغريني
أحبك.. كيف ما أحبك ؟
أحبك ! ماقدرت أنساك
وإذا شايف بقولي شك تعال وناظــر بعيني
حفظتك في وسط عيني (عزيــز) والهدب غطاك
أبقهـر من يشوفونك وأتجاهــل من يناديني
₪
ودي اني بين البشر خالي مشاعر
لاحب لاهم والقلب مرتاح
وأكون بالدنيا مثل انسان عابر
وابتعد عنك واقول هم وانزاح
ودي ولكن عنك ماني بصابر
عمري بدونك غايبه عنه الافراح
₪
تعالي واحظنيني من بعد فرقا وطول غياب
تعالي واسقي ورود الغلا من دمع فرحاتك
تعالي نترك الماضي ونفتح للأمل أبواب
وننعش باقي الأيام في همسك وضحكاتك
واذا غبتي ولو لحظة
أهيم بعالم الأسباب !!
أدور للخطــا فيـني
سبب يدعي لغيـباتك !
₪
. يمكن أقول :
أن الوداع بداية الرحلة معك
ويمكن أقول :
أنه شراع واقف بعيد يودعك
محتار قلبي في صراع
هو يتبعني .. والا يتبعك ؟
دامك معي بدنيــا الضياع
(( يا تجمعه .. يا يجمعك ))
₪
. إنــهِ الغــرام وخل كل ٍوفالــه
وجرحي مع الايام تكــفى تخلــيه
أنا جريح الوقت والحال حالــــه
والهــم ناداني وأنا قلــت : لبيـــه
ماهــو قصوورٍ فيك راعي جمــاله
لاشك قلبــي ماقدر يبـيَن اش فيــه ؟
₪
لو غبت عن عينك فانا معك موجود
اقرب لعينك من كحل سود الاهداب
حبل الوصل لاصار بالحيل مشدود
لويرتخي ماينقطع بين الاحبـــاب
ان جيت تلقى الدرب مفروش بورود
وان رحت انت الورد ياكل الأحباب .
₪
أن حدتني عن مشاهدتك ظروفك
ماترد الشوف بعيون الخيـــال
أتسلى من فراقك في طيــوفك
والتســـلي للغريب أكبــر حــلال
وماهو الســؤال :
إني أشوفــك أو ماأشوفك ؟
وش تســبب شوفتك هــذا الســؤال ؟
₪
. ياليتهم لو دروا هالجرح ياكبــره !
ماكان مالوا علي مع ميلـــة أقداري
غابوا ولابه ســوى حـزني وهالعـبره
ومن يوم غابوا غابت أجــمل أخبأري
مامت لكني زهقت وطــالت الحســره !
₪
تحيآتي :
فيفو غــربولتي :خجل:
