المشاركة الأصلية كتبت بواسطة حامد الجهني
[poem=font="Simplified Arabic,6,darkblue,normal,normal" bkcolor="transparent" bkimage="backgrounds/8.gif" border="none,4,gray" type=1 line=0 align=center use=ex num="0,black"]
صحاري مجدبه كانت .. سنيني مزنها بيديـك
روتها ضمت كفوفـك لكـف المتعـب العانـي
بعد مال الزهر فيها .. تزاحم مقصده يرضيـك
أشـوف اليـوم بارقهـا مـن الفرقـا تعدانـي
بعد عودتني أروي ظمايه بالعسـل مـن فيـك
بعد نسيتني أهلي.. وناسـي ..وكـل خلانـي
حرام إنك ترجعني على الماء تقول ذا يرويـك
حرام إنك تخليني ..أعيـش العمـر وحدانـي
ألا ياصاحبي بدري علامك وش حصل وش فيك
وش اللي غير طباعـك تملمـل يـوم تلقانـي
حبيبي كانها الفرقا قدر مكتـوب مـن واليـك
أنا بصبر على الفرقا وأعيش بدوحة أحزانـي
وبسأل شمعة أفراحي متى ليل الوصل يضويـك?
ومتى ليل الحزن يطوى ?متى ياصـاح ينسانـي?
عسى يومي قبل يومك عسى في يـوم ماأبكيـك
لعلك يـوم تذكرنـي ..ورحمـة منـك تغشــاني
*****************
أبـــــــــو تركـــي[/poem]
