الذيابة تفهم عواها الذيابة
السلام عليكم ورحمة الله وبركاته ......... صبحكم الله بالخير جميع .... أضع بين أيديكم هذه القصيدة المتواضعة وأتمنى إنها تحوز على بعض من رضاكم .
الزلابة / هو الرجل إللي مافيه خير ولا منه فايده .. يعني وجوده مثل عدمه >> توضيح للي أول مرة يسمع هذه الكلمة .
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الـزلابـة والله إن يقـعـد زلابـــة=وإن تلـبـس بالتكـبـر والمـهـابـة
عاقـة(ن) مايعـرف دروب المراجـل=علـة(ن) فـي كبـود ربعـه والقرابـة
الردى والطيـب فـي عينـه تسـاوت=كلهـا فـي سلمـه الضايـع تشـابـة
مـا يحـسَـب للمشـاريـة ولأهلـهـا=ياعسـى ربـي يعجـل فـي ذهـابـه
لو تبي تنصحـه أبـداً ماأنتصـح لـك=راكـز(ن) خشمـه ولا للنصـح يآبـه
شيـن نفسـه مايجـي غيـر القرايـب=وللأجانـب مخطـر(ن) يهـدي ركابـه
عند الأجناب حـر وحصـان ومسـرح=وعند ربعـه مـا يسـاوي لـه ذبابـة
خرقة(ن) مـا تنركـز لـو يـوم رزت=عزتي لمنهو أحتزم بـه وأعتـزى بـه
جعلـه فـدىً للـذي للطيـب منصـى=معطر(ن) ذكـره ومحمـود(ن) جنابـه
منـه الخملـة حـرام مــا تـطـرى=وإن نطـق مـا ينطـق إلا بالـذرابـة
مدتـه جزلـة وضربـاتـه عطيـبـة=مزبـن الجانـي إلا منـه ألتجـى بـه
شروى من يقرأ عسى عمره طويـل(ن)=ويا عسى إللـي مثلـه يخـرف شبابـه
وأنـا مااقـول القصيـد إلا آتهـيـض=ولا يهيضـنـي غـنـاة ولا ربـابـة
مـا يهيضنـي سـوى أطيـاف خلـي=لا حضرت كني وحيد(ن) وسـط غابـة
لـو ينادينـي رفيقـي ماالتفـت لــه=ينقطـع صوتـه وأنـا ماأقـول جابـة
كني فـي دنيـا عـن الدنيـا وأهلهـا=بس أفكـر كيـف وشلـون اللقـا بـه
كيف ألومـه لـو لقيتـه عـن غيابـة=وإن حضر قمت أمدحه وأنسـى عتابـه
وكيف أضمه لو لقيتـه وسـط صـدري=ضمة(ن) منهـا الشقـي ينسـى عذابـه
وكيف أحط أصابعي في مـوج شعـره=وكيف نابي يشتبـك مـن خلـف نابـه
و كيف فـي لحظـة غـرام مستميتـة=................................. ......
وإن صحى خوفه في لحظة ثم نشدنـي=يـا محمـد الحيـاء مـن ويـن بابـة
بقـولـه إن الحـيـا بـابـه مقـفـل=( والقفل ياخيش مدري مـن غـدا بـه)
واصلي جعل الزلايـب حـذو رجلـش=اللقـا لحظـات خلينـا نهـنـى بــه
ياللي حبك ساكن(ن) في وسط صـدري=وشايخ(ن) في سهول قلبي وفي هضابـه
مـن أبـاح لعينـك النجـلاء عذابـي=علمينـي إن كـان فـي بالـك إجابـة
وأرحميني من عنـاك و مـن عذابـك=وأدري إن الله شديـد فــي عقـابـه
**********************
ولأجـل ماتطـول قصيدتنـا وتسمـج=مبتدانـا بـالـردي والمنتـهـى بــه
وآنـا بنصحكـم وأجـري عنـد ربـي=والذيابـة تفـهـم عـواهـا الذيـابـة
الزلابـة مـن بلـي بــه فيتصـبـر=الشكـوى لله الله إللـي قـد بلـى بـه
مـا يتعـدل لـو تعـدل ميـل ضلعـه=والـزلابـة والله إن يقـعـد زلابــة
[/poem]
وســـــــــــلامتكم ..
محمد العرجاني
