-
...... النـــادرة ......
السلام عليكم ورحمة الله وبركاته ... هذه مشاركتي الأولى معكم وأتمنى أن تحوز على رضاكم ..
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بسم الله أبدأ كلمتي ودعائي=مسقي الفيافي المقفرة بالمائي
من عقب ماهي جرداءً ترجي القطرة=اليوم كنها دوحةٍ غنائي
فالحمدله والشكرله والمنة=جزل العطية صاحب النعمائي
الواحد الفرد الصمد سبحانه=إللي من آدم خالقٍ حوائي
إللي خلق ناسٍ تعز الصحبة=توفي لصاحبها بغير جزائي
فبعض الصحاب لا جاء وقت اللازم =بانت مراجلهم بدون ريائي
وبعض الصحاب وإن جاء وقت الشدة=تقلبوا بعد الغلا أعدائي
والله خلق في الناس رجلٍ فاهم =دومٍ ترى ممشاه للعليائي
والله خلق بعض الرجال بهيمة=ما يعرف العدلة من العوجائي
فسبحان ربٍ خالقٍ أضدادٍ =ماتلتقي لو تلتقي الأنوائي
ياصاحبي والنار فيني شبت =وأستوطنت قلبي وكل أحشائي
بأسباب دنيا غادرة دوارة=فيها الوفاء أصبح كما العنقائي
فيها الوفاء أصبح بضاعة بايع=تجلب ولا يلقى لها شرائي
من عقب ذا يا غايتي وش لك به=أنت الدواء لي وأنت سبة دائي
وأنت الهنا وأنت السعد والراحة =وإن كان لي شقوة فأنت شقائي
لبى جبينك إليا تكاشف برقه =يفضح سناه الغطوة السودائي
و لبى عيونك إلا أضحكت من أجلي=ياأم العيون الخدرة الدعجائي
و لبى جديلك وإن كساني ليله =من وهج خدك أستمد ضيائي
و لبى شفاك وإن أحرقت لي خدي=فثلج الثنايا بلسمي ودوائي
و لبى قوامك وإن أنثنى لي عوده=كني ملكت الكون في يمنائي
لبيك كلك يا عذابي كلي=لبيك من عرعر إلى صنعائي
ياللي غرامك مثل جيش أمريكا=متحكمٍ بالأرض والأجوائي
وأنا غرامي جيش بس هوين=وقدام كثرك وش يفيد إبائي
حطم حصوني ولا تذر باقيها=وحطم غروري وحطم إستحيائي
ورايات نصرك رزها بصدري =وأعلن هزيمة خلك النكرائي
وبيجيك خلك منكس راياته =منقاد لك بالطاعة العميائي
ياللي وصوفك نادرة ماتوجد=بين البنات أنتي كما الجوزائي
ياالنادرة حسنك عسير وصفه=ولو زدت في مدحي وفي إطرائي
ياالنادرة في كل شي حتى= في فن تهميشي و فن إقصائي
قلته وأنا بالحب رافع راسي =لا الحب ولا غيره يجيب أقصائي
فأنا سلالة لابةٍ ما تقهر =أفعالها تذهل عيون الرائي
مجدٍ قديم و حاضرٍ متجدد= صبيان يام ذيابة الهيجائي
وقد قالها ضيدان قبلي وأبدع= في وصف ربعه ضياغم آل عرجائي
إني لمن قوم يعز عليهم =قتل الرعاة ودمعة الحسنائي
وإني لمن قوم تجير دخيلها=وتاقف معه في الضر و السرائي
وإني لمن قومٍ يهاب جنابهم=أهل الفعول الذربة الجزلائي
قبيلة خذت مجد الشرف والشهرة=من ألف باء المجد إلين اليائي
يالله تعز رجال يام كلهم=وتغفر لميتهم و للأحيائي
وختامها صلوا على هادينا =راعي الرحول إللي أسمها القصوائي[/poem]
وسلامتكم
محمد العرجاني
-
[align=center]محمد العرجاني
.
.
صح لسانك وقلبك
بداية جميلة من قلم جميل
أسعد الله صباحك يالغاالي
ولي شرف الرد الأول يالغالي
عساك بـ صحة
أخوكـ/خالد[/align]
-
اخوي
العرجاني
محمد
صح قلبك ودام نبضك وسلم بنانك
على هذه الرائعه
ننتظر جديدك
تحياتي
الرووووووووووووووقي
-
العرجاني
محمد
صح قلبك ودام نبضك وسلم بنانك
على هذه الرائعه
لاهنتتتتتتتتتتتتتتتتتت
الناااااااااااااااايف
-
ا[align=center]للهم صلي على محمد وعلى آلة وصحبه وسلم
أخي محمد العرجاني
صح لسانك وسلم بنانك
ونعم فيك وفي لابتك
قصيدة مفعمه بالحسن والجمال
دمت بخير
أخوك
أسير البين[/align]
-
مرحبا بك أخي العرجاني محمد
ومرحبا بما تفضلت به وهذه المصافحة الجميلة التي تجلى فيها الابداع
لك مني خالص الود والتقدير على روعة تواجدك وحضورك المميز
وأتمنى لك معنا المتعة والفائدة
بانتظار المزيد من بوحك الجميل
دمت بخير
-
الله
الله
الله عليك يامحمد العرجاني
وصح قلبك وكلك
واهلا بك وبقلمك في منتديات غرابيل
وننتظر الكثير والكثير من هذا القلم
تحيتي لك
-
وإنـي لمـن قـومٍ يهـاب جنابهـم
أهـل الفعـول الذربـة الجزلائـي
على نسق
انى لمن قومن يعز عليهم @@ قتل الرعااع ودمعة الحسناائي
صح لساانك ولاهنت ياامحمد
-
هلا يامحمد
وصح لسانك
فكر جميل وتسلسل أجمل
مصافحه دخلت القلوب
لاهنت
أخوك
فهد بن عبدان
.
.
-
[align=center]محمد العرجاني
قصيده رائعه
صح لسانك
تقبل تحياتي[/align]
-
كفو .. يامحمد
وصح لسانك مليون .. وسلمت ودمت ..
محبتي وتحياتي
-
صح بدنك يا خالد والشرف لي ياطويل العمر ولقصيدتي بأنك تكون أنت اول من تفاعل معها ............ ألف شكر لك يااخوي على هذا المرور الجميل
-
صح بدنك أخوي صالح الروقي ,,,, والله لايهينك على المرور الجميل
-
نياف العتيبي صح بدنك ومن قال مايهون ياالغالي ..... تسلم على مرورك الجميل
-
عليه الصلاة والسلام وعلى آله الكرام
خالد الشهري صح بدنك ومن قال مايهون ياالغالي ,, وماعليكم زود ................
-
والبقا بك يااخوي عبدالرحمن والله لايهينك ياالسنافي على كلامك المشجع والجميل والله يطول عمرك على طاعة إن شاء الله
-
والبقاء بك ياابوعبدالرحمن وصح الله بدنك والله لايهينك على المرور الجميل
-
حياك الله يااخوي محمد السليس وصح الله بدنك ومن قال مايهون
-
حياك الله يااخوي فهد بن عبدان وصح الله بدنك والله لايهينك على مرورك الجميل وكلامك المشجع
-
حياك الله يامتعبة عسافها وصح بدنك ومشكورة على المرور الجميل
-
ما عليك زود يا مطلق وصح الله بدنك ياالسنافي والله لايهينك على المرور الجميل
-
أخي الغالي
العرجاني محمد
أسعد الله جميع أوقاتك بكل خير ومسرة
أود قبل كل شيء أن أرحب
بإنضمامك إلينا
و تواجدك معنا .. و بأول مصافحة
رائعة
فأهلاً بك و مرحباً .
* * *
أخي الغالي
قصيدة أولى في قمة الجمال
وجدت بها المفردة القوية .. و المعاني الجميلة
وجدت الجزالة .. و العذوبة
" صح لسانك و قلبك و لا هنت "
لا حرمنا الله تواصلك
سلمت
و في رعاية الله دمت ،،،
-
أخوي ناصر العبدالله في البداية أشكرك على ترحيبك بي وأقول لك الله لايهينك على هذا الترحيب ويطول عمرك على طاعة
صح الله بدنك ياالغالي ,,تشرفت القصيدة بمرورك وبردك الجميل فألف شكر لك على هذا المرور الرائع
