النااااااااااايفه **** أرحبي ثم أرحبي

[frame="7 80"][align=center]السلام عليكم

أسعد الله أوقاتكم بكل خير الجميع أعتذر عن أنقاطعي من الجميع والعذر من الله ومنكم

أتمنا أن تكون المحاوره مباشره أذ رغبت النايفه .. ماعليكم غير تحديد الموعد .. [/align][/frame][poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="solid,4,gray" type=2 line=0 align=center use=ex num="0,black"]
أزهمولي حضرت النايفه يالغانمين= ودي أخذ مع لطيف الحشاء فركت قدم

أن وصلتي لأزم الخافي الليله يبين = العرب تفهم هروجك مهي ترك وعجم[/poem]

,
,

هلا بك يابدر أكثر

والنايفة ( الزعيمة) أشوف كل من جا يحاور طلبها!!!!

على العموم

ننتظرها لو كان لها رغبة وإلا ينزل الميدان من يرغب في حال أنها لم ترغب في محاورتك...

هلا وغلا ياابدر

وانا في صفك ياابدر خل الزعيمه وصفهاا يقعدووون

حيالله بدر المعيصري




ننتظر الزعيمة وانا بصف بدر هالمرة

اقتباس:

---

أزهمولي حضرت النايفه يالغانمين= ودي أخذ مع لطيف الحشاء فركت قدم

أن وصلتي لأزم الخافي الليله يبين = العرب تفهم هروجك مهي ترك وعجم

---

المعيصري حياك الله واستلم

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

نايفة
مرحبا يا مرحبا بالكبار الغايبين=جابهم ربي عسى ما تولاهم ندم
لا بغيت الخافي اليوم فالخافي يمين=شف يمين الملعبة صفّوا إخوانك طقم [/poem]

السليس انتبه على صف رفيقك

ابوعبدالرحمن وجودك بالمحاورة شرف

امل عبدالعزيز لايهمك وانا اختك الزعيمه بتبقى زعيمه

لا بغيت الخافي اليوم فالخافي يمين
شف يمين الملعبة صفّوا إخوانك طقم


الله الله يالزعيمة تستحقين هالصفة

صح الله السنتك جميعا

لا بغيت الخافي اليوم فالخافي يمين
شف يمين الملعبة صفّوا إخوانك طقم

<<<<<<<<<<<<<<< خارج تشكيلة الطقم

ههههههههههههههههههههههههه هههههههههههههههههههههههه

بدر يالبنااخى

اخوى يا اخوى

عليك بها البنت يشهد الله انهاا دااهية فالشعر حسبي الله عليهاا

بدر المعيصري
ونايفة شمر
ومحاورة للابداع والاستمتاع

اقتباس:

---

المشاركة الأصلية كتبت بواسطة محمد السليس

لا بغيت الخافي اليوم فالخافي يمين
شف يمين الملعبة صفّوا إخوانك طقم

<<<<<<<<<<<<<<< خارج تشكيلة الطقم

ههههههههههههههههههههههههه هههههههههههههههههههههههه

بدر يالبنااخى

اخوى يا اخوى

عليك بها البنت يشهد الله انهاا دااهية فالشعر حسبي الله عليهاا

---

ههههههههههههههههههههههههه ههههههههههههههههههههههههه هه
ابو علي : الديرة اللي وصفتها لك البارح زرتها وإلا لا ؟؟

الله الله عليكم باداع

اشوف الربع كلهم مع بدر

النايفه معكـ وأنا اخو بـ عض الناس ^_^

[align=center]النايفه أقري الأسم زين كان شوفج ماهو اظبيعي


أستلمي أستلمي[/align]

[poem=font="Arabic Transparent,5,black,bold,normal" bkcolor="transparent" bkimage="backgrounds/19.gif" border="double,4,gray" type=2 line=0 align=center use=ex num="0,black"]

البقاء ياراعي الطرف والصوت الحزين= كل دوله مستقله لها رمز وعلم


العرب ماهم على حسب ماانتي تشتهين=مابعد صارو علايق ولا صارو خدم[/poem]

اقتباس:

---

المشاركة الأصلية كتبت بواسطة أمل عبدالعزيز

,
,

هلا بك يابدر أكثر

والنايفة ( الزعيمة) أشوف كل من جا يحاور طلبها!!!!

على العموم

ننتظرها لو كان لها رغبة وإلا ينزل الميدان من يرغب في حال أنها لم ترغب في محاورتك...

---

************************************

أمل عبدالعزيز

هلابك أكثر وأكثر


وشاكر لج مرورج طال عمرج


تحياتي

بدر المعصيري

محمد السليس.. أرحب طال عمرك مدامك في صفي أزهلها وأزهل راعية الغنم لاهنت يالسليس



أبو عبدالرحمن.... حياك الله ولاهنت الحضور وأتشرف أنك في صفي يالقرم



الطيار ... حياك الله شكر لك على الحضور ولأاهنت يالقررررررم


محمد السبيعي ... حياك الله وشكر لك على التواجد ولأهنت يالقرم


محمد الدغيري ... حياك الله وشكر لك على الحضور ولأهنت يالقرم



شكر للجميع وأسف على التأخير في الرد


تحياتي لكم

اخوكم

بدر المعصيري

الطيار حياك ربي ومتابعتك شرف

السليس انت بتصير في التشكيلة قريب بس تولم

الدغيري تسلم على المرور

بدر اعتذر يالغالي عن الخطأ وبعدين انت ماشفت غيري كلهم غلطانين في اسمك

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدول ماعليها عقب صدام الحسين = كان رمزٍ للمعالي تحطم وانهدم
وانت يا اللي مسوي اليوم فيها فطين = ماسمعت النصيحة .. بس تبطي عظم[/poem]

الله يكفينا شرك يالزعيمه

وعسا السيل مايبطيبه كبره ان شاء الله

وانت يا اللي مسوي اليوم فيها فطين
ماسمعت النصيحة .. بس تبطي عظم

يااسلام يااسلام

وينك يالبنااخى

صح قلبك يابدر


ولازلت في صفك وبكل قوووووة

جيتك جيتك يالسليس

أبو عبدالرحمن حياك الله والله لايهينك على الحضور وعلىوقوفك بجانبي يالقرم


نايفة شمر العذر مقبول يالشمريه ..... >>>>>>من الزعل ماشاف غير خطاءك يالنايفه

هههههههههههههههههه

مير مسموحه أنتي ومن اخطاء في الأسم المهم القاف لايروح سدا


أستلمي أستلمي



[poem=font="Arabic Transparent,5,black,bold,normal" bkcolor="transparent" bkimage="backgrounds/19.gif" border="solid,4,gray" type=2 line=0 align=center use=ex num="0,black"]
لاتلفت ياأدعج العين وأسمع كلمتين= أقسمو بالله برطمك عايب وأنشرم


العصور الأوله والرجال الأولين= قالو أن الذيب ماهاب من برق الغنم [/poem]

انا اشهد ان البدع والرد جميل لكن انا في صف النايفه دايم

استلم

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خذ كلامي وحطّه لزقةٍ فالجبين=لا عطيتك مشورة قل تمام وعُلم
لازم إنّا نحطك وسط كيس الطحين=لاجل نرقع فتوقك كان فيها نسم[/poem]

اقتباس:

---

المشاركة الأصلية كتبت بواسطة بدر سهران

انا اشهد ان البدع والرد جميل لكن انا في صف النايفه دايم

---

تسلم والله يابدر والله يقويك

خذ كلامي وحطّه لزقةٍ فالجبيـن
لا عطيتك مشورة قل تمام وعُلـم
لازم إنّا نحطك وسط كيس الطحين
لاجل نرقع فتوقك كان فيها نسـم



صح لسانك

قوه ومتانه مثل مانتي



بدر صح لسانك .. ولاهنت


امتعتونا بجمال المحاوره

ضيووومة وينك عني حبيبتي صفي بلا طعم بدونك

[poem=font="Simplified Arabic,4,#FF99CC,bold,normal" bkcolor="transparent" bkimage="" border="double,4,#FF99CC" type=1 line=0 align=center use=ex num="0,black"]
خذ كلامي وحطّه لزقةٍ فالجبيـن=لا عطيتك مشورة قل تمام وعُلم
لازم إنّا نحطك وسط كيس الطحين=لاجل نرقع فتوقك كان فيها نسـم [/poem]


الله الله عليك يالنايفة

صح لسانك وقلبك

معك في الصف على طووول

:ندو:

[align=center]شكر للجميع على التواجد والحضور وبيض الله وجهيكم

أعتذر على التأخير من الجميع .. النايفه صح السانك مسك الختام عندك [/align]
[poem=font="Arabic Transparent,5,black,bold,normal" bkcolor="transparent" bkimage="backgrounds/19.gif" border="double,4,gray" type=2 line=0 align=center use=ex num="0,black"]


ماتوحا في عرب ناقصه دنياء ودين= من تسلقاء تالي الوقت يابنيه حلم

شمريه ضلعها أعوج ماهو ضلع(ن) متين=كل من جاها تساولها بشوك السلم [/poem]

بدر السهران حياك الله ياااالسمي بس ليه ماأنت في صفي ماهي الأسباب هههههههههههههههه


ظيم الزمان أرحبي حياج الله وصح قلبج يااابنت الأجواد


حساسه أرحبي حياج ربي .. الله يالدنياء قبلي في صفي واليوم ضدي ههههههههههه ماعليه


شكر لكم جمعيا


أخوكم

بدر المعصيري

بدر المعصيري

نايفة شمر

انا اشهد بالله انكم كفوووو

ابليتم بلاء حسناً

ولقيت محاوره تمتع وتنعش الروووح

كل الجمال في بدعكم في نقضكم

لاخلينا من المتعه واهلها

بصرااااااحه وبدون مجامله رااااااائعين كلاكما

لاهنتووووووووووووو

الناااااااااااااااااايف

الأخ العزيز \النايف
شرف طال عمرك لي أني حزت على شهادتك الكريمه
وصح بدنك ولاهنت
أخوك
بدر المعصيري

تحياتي للشاعر

بدر المعصيري

والشاعره

نايفة شمر

شكرا على المحاوره الجميله

واقول تو الليل ماسرى






اخوكم

بداح العازمي

انا وبكل صراحة اعجبتني قصائد بدر

لانها بمعنى قوي ومحفور ما يفهمة اي واحد

واعتقد ان النايفة فهمت القصيد

على العموم ابدعتم كليكما

ولاهنتم





تقبل تحياتي بدر


نبغى الكلام الثقيل

والله انك شاعر تعجبني كلماتك

صــح السنتكم بسراحة محاورة فيها الاثارة من قبل الطرفين

ولكن بدون مجاملة الاقوى كانت النايفة ولاقصورا بالشاعر بدر

شاعر كبير لة بصماتة وأعجبتني محاورة النايفة ::

الدول ماعليها عقب صدام الحسيـن
كان رمزٍ للمعالـي تحطـم وانهـدم
وانت يا اللي مسوي اليوم فيها فطين
ماسمعت النصيحة .. بس تبطي عظم

تقبلوا تحياتي اخوكم::




الجنـآزة

الأخ العزيز / بداح العازمي
شكر لك على الأشاده الكريمه
وأسعدني تواجدك ماعندي مانع من اكمال القاف الرد عند النايفه أخر رد كان مني لها
دمت بكل خير
أخوك
بدر المعصيري

الأخ العزيز /أبو أحلام
شكر لك على الأشاده التي أعتز بها
وسعيد في تواجدك العذب
دمت كما أنت شامخ
أخوك
بدر المعصيري

رحمك الله ياطلال الرشيد
الأخ العزيز/ الجنأزة
شكر لك على مرورك العذب
واطرائك الجميل ...دمت بخير
أخوك
بدر المعصيري

[align=right]النايفه / شاعرتنا المبدعه

شاعرنا المبدع /بدر المعصيري

ابدعتوا وامتعتوونا

<<<<<<<<<< معكـ يالنايفه ،،،

الله يسعد ابوك ...جاب بنت مثلكـ ...وياهنااااااااانا بك


معك الراحة بسكــــــــــــــااات[/align]

تسلمين حبيبتي راحلة والصف يزين بوجودك

وكل الشكر لمن انار المحاورة بوجوده

اخوي بدر

انا انحذف لي ردين بعد ردك الاخير والبركه في ابوعلي ومقصه مشان كذا اعتذر عن الاكمال هنا تقدر تفتح محاورة جديدة
نايفة

راحلة بسكات
شكر لك على مرورك الكريم
والنايفه شاعره لايشق لها غبار تستاهل المدح
أرق التحايا لك .. أخوك /بدر المعصيري

الشاعره /النايفه
والله انا لم ارى لكي رد بعد ردي أنا .... أبو علي شاعر قدير وأعتقد أنه أقدم على ذالك لي أسباب هو اخبر مني بها
على كل حال أنا وصلت الى ماكنت أصبو ليه في محاورتي هذي وأكتفيت أما أنتي أن أردتي محاورتي اطلبي التنسيق من المشرفين لي تكون المحاوره مباشره ((((حاضر بحاضر))) شكر للجميع ... أخوكم . بدر المعصيري