بسم الله الرحمن الرحيم
أحببت أن أشارككم بهذه المتواضعة .. علّها ترقى لذائقتكم ...
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اشتقت لأيامك عجزت أتحمّل =فراقك اللي حطّم القلب تحطيم
والدمع من طول المسافات همّل =والحزن والأشواق عندي معازيم
والجرح في بعدك تفاقم ودمّل=وأنت الطبيب اللي يحّل الملازيم
تكفى طلبتك يا حبيبي تجمّل=أرسل لي علومك على مركب الغيم
وإن كان قلبك في عنا البعد صمّل =الله يعين القلب في سكة الضيم
ما غير أعاين في البشر وأتأمل=واطلق عنان الشعر لاجلك ترانيم
شملّت والخافق معك غصب شمّل=ما للغلا يمّك حدود ومراسيم
من كان مثلك لا حشا ما يهمّل=أنت المعزّب داخل الروح ومقيم
كم واحدٍ منّى خفوقه وأمّل=ودّه غرامك والمحبة مقاسيم
قلبي مشى درب المحبة وكمّل=سلّمت لك روحي مع الوقت تسليم
ما قد خبرت الشوق في القلب خمّل=ملامح الأشواق فيني تقاسيم
ما لوم جسمي لا ذكرتك ونمّل=أسامر أطيافك مع الليل وأهيم
واشتاق لك لكن عجزت أتحمّل=فراقك اللي حطّم القلب تحطيم
وإن كان ما تقدر حبيبي تجمّل=يكفيني إني اشوف طيفك مع الغيم[/poem]
وسلامتكم
للجميع أطيب تحية ..
لـ سماع القصيدة
