لازاااانت القيفااان.. للناااااايف
متواضعه أتمنى أن تحوز رضاكم
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لازانت القيفان غنيـت لـي قـاف=أطـرب لقيفانـن تجينـي شرايـد
اجمع شرايدها على كـل محـراف=أرقى بهـا معنـى وفكـر وفوايـد
أسبح بحرها وأعبره دون مجـداف=أختار من زيـن الجواهـر قلايـد
أدزهـا للـي عزيزيـن وأشـراف=اللي لهم فـي سلـم المجـد رايـد
يابو مناحـي جـاك قافـن لنيـاف=قافـن نقيتـه مـن بيوتـن فرايـد
لولاك غالي مابديت الـك مشـراف=قصرت حرفي عن بيوت القصايـد
الناس فيها أشكال واجناس واصناف=متعدديـن شعـوب قـوم وبـدايـد
فيهم رجال وفيهم اربـاع وانصـاف=وفيهـم بلاهيًـنْ وسيـع البنـايـد
يستر خمال خبول ربعه بالاطـراف=زيزومهـا لا جـاء نهـار الشدايـد
وفيهم حكيم الرأي بالقـول عـرًاف=راعي وفاء ماهـو براعـي نقايـد
وفيهم خباث طبوع ونفوسٍ إضْعَاف=أهل الدسايـس والحيـل والمكايـد
ياجعلهـم للـي لـلارواح قصـاف=نصف ٍ فراش ونصف ٍ آخر وسايـد
لي شوفة ٍ وحده وغيري له اشـواف=ومن ضاع دربه قيل له رونق سايد
والراس ماهو شيء من غير الاكتاف=لو ما تعنز الـراس جـاك متحايـد
وترى الحياة ديون وردود وأسـلاف=والناقصـه مـا ثمنوهـا بيـزايـد
ومن قدم الأثنين لاينظـر اخـلاف=قدمـه ثلوثـه فـي قيـوده يقـايـد
وصلاة ربي عد من حـج واطـاف=واعداد ماتطبـع حـروف الجرايـد[/poem]
الناااااااااااااااااااايف
