عرض للطباعة
يا زين الرياض هاليومين ..
لا زحمة ولا " شطف " بالسيارة في الشوارع
تروح للدوام وانت مرتاح
والسبه
ربطت هالمراهقين !
إيه .. الاختبارات ربطتهم
ويا ليت ايامهم كلها اختبارات
في الاجازه ناس بترتاح وناس بتطفش
كثيرين من الهاي هاي
ما راح يدرون شي عن الصيفيه
دورهم في شوارع لندن
ومقاهي باريس وبيروت
وناس من الشعب
دورهم في العطله مع الضبان والدخل والقماري
وتلقاهم مبسوطين ومرتاحين .. هنيالهم
وفيه ناس
تلقاهم بين مكة والطايف وابها
كمان مرتاحين
شخصيا ..
محتار !! وش اسوي بالاجازه ؟!
فـ وش تنصحوني به
آآآآآآآآآآآآآآآه لا تذكرني...
<<<<تحب ايام الدراسه لأن اغلب الوقت يضيع فيها...
والحين بعد يوم السبت حأبدأ الاجازة الأبدية..
ووالله شايله هم...ايش بسوي....
اذا لقيت حل..لا تبخل عي فيه...
أختك...ناعسه
اخوي جذاب مشكور على الموضوع .
فالاجازة احيانا تكون مفيدة اذا استفدنا منها واحيانا ياليت ماكو اجازة .
والنصيحه مني حاول ان تكتسب شيء مفيد في هذة الاجازة ولايهمك الناس الفاضيه .
هناك من الناس من يحب الفراغ وهناك العكس .
فالشخص دائما يبحث عن مصلحه نفسه .
محدثك دائما في اجازة.
ههههههههههههههههههههههههه ه :smile:اقتباس:
المشاركة الأصلية كتبت بواسطة ناعسةالطرف
ناعسه ..
ضحكتيني من جد
الله لا يرجك
وش رايك في النوم مو حل !
او لحظه بفكر :افكر:
لقيتها !!
عندي ثلاثة كتب
الأول : حياة في الإدارة " غازي القصيبي "
الثاني : خمس سنوات في بيت من زجاج " بطرس غالي "
الثالث : مذكرات موشي ديان
وش رايك , تستلمينها , و" وتفلينها " في الإجازة , مقابل ثلاثة كتب أخرى من سعادتكم اتسلمها .. وصدقيني راح تدعين لي , لأن هذي الكتب الثلاث ممتعة وتونس .. والله ما اكذب .. هاه وش قلتي ؟!
السلمياقتباس:
المشاركة الأصلية كتبت بواسطة السلمي
مساك الله بالخير
كيف حالك
كلمة " يا ليت ماكو إجازة " كثر منها
لازم اجازه .. لاااااااااااااااااااااااا اازم
في الصيف
في الشتاء
في الربيع
في الخريف
في الوقت الذي أشاء وتشاء .. لازم الواحد ياخذ إجازه
ويا زين هالاجازه , وانت بلحالك - على الأقل بضع ايام من الاجازه - وااااااااااااااو لو تكون عند البحر أو بركه في مزرعه خخخخخخخخخخخ
وسؤال جاد :
كيف انت في اجازة دائما ؟!
بليز علمني .. كيف ذلك
لك حبي ,,
اخوي جذاب ..
مافيه انسان مايحتاج لاجازة طبيعي . بس مادام الاجازة تمضي ليلها مثل نهارها والروتين واحد تمل والله .
وبالنسبه لسؤالك . لكم ماكتب الله . والحمد لله على كل حال اجازة وناسه وخير من ربي .
لك فائق التحايا
اقتباس:
المشاركة الأصلية كتبت بواسطة جذاب
جذاب اشكرك على موضوعك
وايضا على ذكرك لتك الكتب
طبعا انا سجلتها عندي
ولك بعض الكتب
1- التفكير الاجابي........لفيرا بيفر ( عن التفكير )
2-عندما يفكر الرجل.....خولة الغزويني ( رواية )
3-قوة النقد البناء......هندري ويسنجر (طرق توجيه النقد )
ولك تحياتي
[align=center]جذاب ..
وش رايك نروح انا وانت لأبها نصيف هناك واللي عليك بالخير .. وان خمت زرقنا لأندونسيا .. الخ
وخذ الأمور فله ...
ومثل ماقال الشاعر :
فل الحجاج وخل عنك الهواجيس **** كل يموت وحاجته ماقضاها
ولكن لا يمنع كل الكلام أعلاه من ترك الصلاة .. او عدم صلة الرحم .. او تقسيم الوقت شئ للوالدين .. وشئ لجماعتك .. يعني يكون شئ لنفسك وشئ لدينك .
وش رايكم .. كلام شيبان ... >> يعني مايحتاج حكم ..
سلام عليكم [/align]
اذا ماكنت من الهاي هاي ولاتقدر تروح لمقاهى لندن وباريس
خلك محلى جده ابها الطائف ( ولو انها اغلى من لندن وباريس )
واذا عجزت فيها كلها
<<<<<<<<<<< مثل اخوك
لاتشيل هم ولاهم يحزنون
اول ماتسمع الاذان احسن الوضوء ورح للمسجد واقر كم آيه لين تقام الصلاه
وابشر بجنه من الراحه النفسيه فالدنيا وبرحمة الله فى يوم لاظل الا ظله
وتحيااتى
[grade="00008B DC143C 008000 4B0082"]اخواني جذاب وناعسة الطرف إنه لمن المفيد أن نحصل على
إجازة فجسمنا يحتاج الراحة بعد العناء والتعب ولكن
علينا أن نستغل أوقات الفراغ في عمل شيئ مفيد لنا
مع تمنيات ولد البحرين لكم بقضاء إجازة سعيدة [/grade]
أخي / السلمياقتباس:
المشاركة الأصلية كتبت بواسطة السلمي
صباح الأنوار ..
صدقت , الإجازة بروتين واحد ملل , بس نقدر كسر هذا الروتين .. مو صح ؟
وما فهمت اجابتك !!
شكرا لك
دندووووووووووووووناقتباس:
المشاركة الأصلية كتبت بواسطة DanDon
هاي
أشكر مرورك
والكتب التي ذكرتها لم يسبق أن طالعتها , وأخاف أن تكون من الكتب التجارية , وخاصة الاول والثالث , المكدسة في كبرى المكتبات .. فقط أخاف , ولكني سأبحث عنها
شكرا مرة اخرى
والله ابها مو شينهاقتباس:
المشاركة الأصلية كتبت بواسطة مبـــارك
وزرتها العام واستانست شوي ..
بس اندونيسيا ! شي ثاني , ومعارف واجد يمدحونها
وتبي الحق , متردد اروح الها هالسنه , وتدري امريكا حذرت من تفجير فنادق في جاكرتا , وشكلي غربي .. عيون خضر , وشعر أشقر , وبدون شنب ولحيه .. وهذا يخوفني زياده .. شكلي في الصيفيه ببيع جح !
شكرا حبيبي
وقبل ما انسى , ما فيه شي يمنع الصلاة .. كله إلا الصلاة , والله لا يبلانا ..
اخي / محمد السليساقتباس:
المشاركة الأصلية كتبت بواسطة محمد السليس
هنيئا لك
نعمتان مغبون عليها الناس الصحة والفراغ ,,,,
بس انصح اللي يبي يستانس يروح فانكوفر في كندا ......... احلى شي
يعطيكم العافية
ولد البحريناقتباس:
المشاركة الأصلية كتبت بواسطة ولد البحرين
تقبل شكري لمرورك
سعوداقتباس:
المشاركة الأصلية كتبت بواسطة SAUD
يعطيك العافيه
تعنني انك رايح فانكوفر !!
المهم فيد ديره بالمكسيك مو طبيعيه ويمدحونها حيل
انصحك تزورها .. ارخص من فانكوفر
[grade="00008B FF6347 008000 4B0082"]جذاب
الأجازه زينه وشينه بنفس الوقت
يعني لو عرفت تستغل الاجازه زين راح تنبسط وتحس بقيمة الاجازه لكن لو راحت عليك الاجازه
وأنت قاعد محلك سر هذا القهر بعينه
أنا اقترح عليك لو ماتقدر تسافر مثلا أنك تسير على زملائك واقرباك وتصل الرحم لأنه ايام الدراسه ننشغل عنهم
الف شكر لك والله يعافيك [/grade]
سمووووووووووووورهاقتباس:
المشاركة الأصلية كتبت بواسطة سمووره
هاي
طيب اذا كنت اقدر اسافر .. وين تنصحيني؟
وعلى فكره .. ما بديش دوله عربيه !!
من جد افكر باندونيسيا .. وش الراي !