رمشٍ وخد وعنق والروج رصاص**خصرٍ ونهد وردف والثوب مرصوص
نقشة الخوص
[poem=font="Simplified Arabic,4,darkblue,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
قال الذي جاب القوافي على آص=موجز من الابيات منهاه بالاوص
من هاجسٍ في بدع الامثال مفراص=يسبح على بحر الصعيبات ويغوص
أجبر عسير القاف لو كان لي عاص=من منهلٍ بالجاش يزمي ومبخوص
ماني مع اللي يكتب الشعر بخراص=وقصايده تسمع بها زود ونقوص
لي مع هل المعنى تعاليل وقناص=والشعر بحر وبه صواريم وقنوص
وياراكبٍ من عندنا وارد الشاص=شد الوكاله ماجلبناه مفحوص
جديد لونه ويتمقرص تمقراص=وخطه يشادي نقشة الورد بالخوص
يعجبك يامنه على النايفة حاص=آخر مديل بميزة الياي مرصوص
ولياضرب عثعث غرازٍ ومغواص=يجبر هراد القاع ويعيد مبحوص
والكامل الله كامل مابه انقاص=جيبٍ جديد وحق رزات وشخوص
عليه سبع اسباع بالازمة خاص=ومن عند دله بالشهادات مرخوص
سواق فني ماتعلم على الباص=فهيم مايحتاج بالصعب له توص
للشاعر البيطار من عندنا ناص=بشكوى غرام الحب يمشي ومخصوص
جادل ياأبو عادل له القلب رقاص=ومسكين قلبي بين الأضلاع مقلوص
غطروف غروٍ للمعاليق قراص=عمهوجةٍ له نابض القلب مقروص
الخود من زينه تجي ربع وأنصاص=منها يغار الطير والخشف والصوص
رمشٍ وخد وعنق والروج رصاص=خصر ونهد وردف والثوب مرصوص
شربة من سم الغلا كوب وقلاص =وحبل المواصل بيننا صار مقصوص
ياشاعرٍ فاهم لبيب وبخاص=ننطر مردك بالتعابير منصوص
تمت وصلوا عد ماجث خناص=واعداد ماركبوا على ضمر العوص
صلوا على المبعوث في دين وخلاص=شفيعنا عن كل تقصير ونقوص [/poem]
وسلالالالالالاالامتـــكم
قنديل راع الشعلا