اخر كلامي!!

السلام عليكم ورحمة الله وبركاته

اهالي غرابيل الكرام

اسعدالله جميع اوقاتكم بكل خير

انا اغيب على شان تقولون من طول الغيبات جاب الغنايم هههههههههه

والله مدري هي غنيمه ولا......!

ولكم الابيات واعذرووني لو بها اخطاء تراها وليدة اللحظه.



هب البراد وقامت الروح تشتاق ..

===============للي بعد فرقاه شفت المضره ..

يزورني طاريك لا لاح براق ..

===============ولاهل من مزن المخاييل غره ..

انشهد إن الشوق يابنت حراق ..

==============واللي مثل حضرتك فرقاه مره ..

لك قدر مايخفاك في وسط الأعماق ..

=============لولا غلاتك كان مابحت سره ..

شوقي ماهوب ابيات تكتب بالاوراق ..

============ولاهو على موال حزنك تجره ..

لو جمعوا في داخلي كل الأشواق ..

============تكفي جميع الكون بحره وبره ..

اخر كلامي , كان عزّمت بفراق ..

============إعرف , ترا فرقاك يازين (مررره)



اخوكم:عبدالاله بن مطلق بن نايف الصفحاء القبوري

صح لسانك يا عبدالإله ...
بس ليه ما قلت يزورني طاريه بدل طاريك ؟!!!
والقصيده وافيه ... وانت راع الغنايم ...

تحيتي ...

لذيذ انا افتك من ابن ضاوي وسامي العطاوي تجيني انت ههههههههههههههه

لذيذ طال عمرك الابيات كانت موجه لشخص نفسه ومااظن بها خلل سوا كانت طاريه اوطاريك

والله ماطرت بالبال طاريه جات طاريك وخليتها تسري تباني اعدلها لعيوونك عدلناها ولااقول اعتبرها طاريه .

ترا امزح لايزعلووون مني عباقرت غرابيل وانظمت ساهر ادعووه امزووح تجي وترووح لاتقولووون متى الميانه اعرف ردكم

بس انا تقول سلام اقول هذا اعز صديق لي ونت يالذيذ

صح الله بدنك وكلك وماعليك زوووود

ولاخلا ولاعدم

عبدالاله القبوري ..

صح لسانك ولاهنت

قصيده وافيه وترى ملاحظة لذيذ جيده لان البيت الاول يتكلم عن غايب :)

عبدالاله القبوري

من جد من طول الغيبات جاب الغنايم


صح لسانك ملايين ولايكفون


شاعر جزل ولاتجيب الا الجزل

وملاحظة الاخوآن لاتلغي جمال القصيده

ابن ضاوي


حضورك مكسب وكلام لذيذ على العين والراس

بس الابيات تتكلم عن شخص والدليل البيت الثالث

وماتفرق لوكانت طاريه اوطاريك كل الطرق تودي الى روما

وانت ولذيذ شهاداتكم اوسمه على صدر القصيده

وكملها شيخ القوافي العطاوي سامي لله دره

ومااقول غير صحت ابدانكم وارواحكم

وعساكم عوون للجميع

ولاخلا ولاعدم

صح بدنك شاعر متمكن والشهاده فيك مجروحه

جزله و من شاعر جزل

صح قلبك وكلك

وسلمت اناملك

تحيتي لك

من طول الغيبات جاب الغنايم :)



قصيدة جميلة باحساس وقلب مرهف



دمت بطيبك

اقتباس:

---

المشاركة الأصلية كتبت بواسطة عبدالإله القبوري

لذيذ انا افتك من ابن ضاوي وسامي العطاوي تجيني انت ههههههههههههههه

لذيذ طال عمرك الابيات كانت موجه لشخص نفسه ومااظن بها خلل سوا كانت طاريه اوطاريك

والله ماطرت بالبال طاريه جات طاريك وخليتها تسري تباني اعدلها لعيوونك عدلناها ولااقول اعتبرها طاريه .

ترا امزح لايزعلووون مني عباقرت غرابيل وانظمت ساهر ادعووه امزووح تجي وترووح لاتقولووون متى الميانه اعرف ردكم

بس انا تقول سلام اقول هذا اعز صديق لي ونت يالذيذ

صح الله بدنك وكلك وماعليك زوووود

ولاخلا ولاعدم

---

مرحبا يالقبوري ...
ترى سامي وابو ضاوي موصيني عليك :laugh1:
وتراي ما انتقدت القصيده ... انت شاعر وقصيدتك وافيه اقولها للمره الثانيه ... وانا اتعلم منك ...
وملاحظتي بنيتها على المبدا وهي كذلك ... والبيت الثالث ماله دخل ^_^
ولا عاد تبطي ما نبي الغنايم نبيك انت يالذيب ...
..
سامي ... ترى بلتفت لك هههههه ...

تحيتي ...

اقتباس:

---

المشاركة الأصلية كتبت بواسطة لذيــــــــــذ

مرحبا يالقبوري ...
ترى سامي وابو ضاوي موصيني عليك :laugh1:
وتراي ما انتقدت القصيده ... انت شاعر وقصيدتك وافيه اقولها للمره الثانيه ... وانا اتعلم منك ...
وملاحظتي بنيتها على المبدا وهي كذلك ... والبيت الثالث ماله دخل ^_^
ولا عاد تبطي ما نبي الغنايم نبيك انت يالذيب ...
..
سامي ... ترى بلتفت لك هههههه ...

تحيتي ...

---

ياليل مطوووولك صدق عزالله انا ابتلشنا انا قلت اثنين ومقدووور عليهم جاني الثالث ماقول غير الله يصبرني

تدروون انا بعتزل القصيد وبخليها ختاميه ههههههههههههههههههههههههه ههههههه


لذيذ ياعساك لذيذ انا وشلوون افهمك المووضوع

والله مدري تبي تجاملين وتقول حصل خير ولا نفتح موضوع ثاني

القصيده كانت موجه لشخص على وشك الفراق يعني كانت ساعات من الزمن افترقنا وبنينا هذه الابيات في خلال ربع ساعه
ووبدوون مراجعتها لئني كنت واثق كلالثقه انها كامله والكمال لله

فالبيت الاول كان يتكلم عن فراق ومعك حق انك تقول شي ماضي

لاكن وجهت السؤال لنفس الشخص

وقلت فالبيت الثالث اني اشتقت يعني فيه ترابط بين الابيات

واقصر الشر يالذيذ ولا رجال حدد لي مكانك وخلنا نتفاهم وجهن لوجه وعطني الي في راسك ههههههههههههههههههههه

وانا اعتذر عن الاخوووه الي سبقووووونا بالردووود

ابن قضعان وابوعبدالرحمن وصهيل الصمت

واقووول لهم صحت اروواحكم وابدانكم

واوجه خطاب شكوى الى ابوعبدالرحمن

وانخاه نخوووه انه يبعد عني الثلاثي المزعج طلعووو الشيب في راسي وانا توي شباب

ههههههههههههههههههههههههه ههههههههههههههههههههههه


دعابه دعابه

ابك والله اني اتشرف فيكم رجل رجل وردووودكم توسع الصدر

وتقهر احياناً هههههههههههههههههههههههه

ايه بالله غنيمه.. : )

صح لسانكـ يا عبدالاله..

جميله، لا يقلل من شأنها تغيير (ضمير) الطاري.. فقط ستزيد به على جمالها جمال ^_^



سلمتـ



ننتظر جديدكـ


تحيتيـ

انين ليت الناس كلهم مثلك

بردتي قلبي الله يبرد قلبك ههههههههههههههههههههه

عشان اقهرهم بس


انين صح الله بدنك وكلك والغنيمه وربي تواجدك

ولاخلا ولاعدم

صح الله لسانك عبدالاله

قصيده رائعه اعجبتني كثير

شاعر مبدع ومتميز

ودي وتقديري

راشد


الابداع والتميز تواجدك هنا


وصح كلك يالغالي وماعليك زووود

ولاخلا ولاعدم

يعطيك الف عافيه وصح لسانك لاهنت

كل من مر من هنااااااااااااااااااااااا اااااااااا

صحت ارواحكم وابدانكم

ولاخلا وعلادم