يــا شيــــن الريــــــــــاض
[poem=font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذبيت رجمي ولالي في مخاييله=مابي بروق" تقابس في مواقعها
لامن دعاني هجوسي قمت البي له=واروّض اعتى الفرايد له .. واطوعها
هي لعبته يوم كلن جرّله شيله=يختار أنفس نفيسة من بضايعها
أقولها والخفوق اليوم ياويله=دنياه قفّت وقفّت به مواجعها
الله ياشين الرياض بعيني الليلة=ضاقت عليّه وضاقت بي شوارعها
وزوّد عبادي على قلبي غرابيله=وتقسيمة العود في صدري روادعها
ياخوك تكفى تنشد عن مداهيله=انشد عن الدرة اللي في صوامعها
من عقب نورة ووقتي طايل" ليله=طوّل ولا اشوف فزعة من روايعها
نور القمر لاتوسّط في منازيله=في ذمتي.. نورة احلى من لوامعها
لاواهني من تغذّى من معاسيله=من شفة" ردعة" تشبع جوايعها
كنت احرق ضلوع صدري لاجل اضوي له=وكنت انزع الآه من صدره واضاجعها
من قبل لايقول ودي به .... اسوي له=ودّه منفّذ ولابه من يراجعها
لبيه لبيه ياالحزن ومواويله=لبيه لبيه يالآه ومواجعها
اصبحت اسير الدروب وضاعت الحيلة=يامن يرجّع على روحي ودايعها
يامن يدل الذي ضاعت دواليله=يامن يجيب الصحايف من مطابعها
حب الحبيّب تغلغل في غلاغيله=وقّف مع الروح في جوفي ينازعها
مغير اجاوب حمام الورق ترتيله=لاطوّحت بالصوت غنيت اساجعها
يازين ذاك الغزال وزين تدليله=اللي رعى فيضة زانت مطالعها
اللي شرك له ..تعدى عن محابيله=كنّه بعينه بمشراكه مطالعها
يامن يشيل المكاتيب ويودي له=مكتوبة" بالرسايل من مدامعها
ياسيل ياللي تحدّر بالثرى سيله=مامرّ زرعي .. وغيري جا مزارعها
يابرق ياللي طمعنا في هماليله=ماوسط مزن المصيف الا زوابعها
شروى خوي" بخيل" في مواصيله=لكن يقولون ..( معروفة صنايعها)
ان كانها جاتكم من عندنا ميلة=ابشر بعزك... وعزك في رفايعها
وان كانها بالتغلي زادت الكيلة=ترى غلاكم تضايق به وسايعها
مانشره الاعلى الطيب ونشكي له=والا الردي جعله ابعد من قلايعها[/poem]
وسلاامتكم
