تعالوا شوفوا جدتي شتقول ؟؟
يــــا بعد قلبي قلبج يا جدتي
______________________
جدتي مصدومة تقولي تصدقين اقول حق بنت فلان الفال لج نفرح فيج عروس..قالت لي اميييييييييييين اللة يسمع منج يا رب
جدتي منبهرة تقول وين الحيا وين قطة الراس بالارض؟؟....يا بعد قلبي قلبج يا جدتي صارت موضة قديمة الحيا
احب سوالف جدتي..اهي حرمة كبيرة بس ماشاء الله فاهمة.. ..احب سالفة جدتي اللي مليون مرة سمعتها اشلون تزوجت
تقول تصدقين ماحد قالي انج بتتزوجين...يجيبون لي ملابس واجربها واذا سالت من لة كل هذا قالو
حق مريم بنت عمج..ومن بساطة التفكير والبراءة ما سالت وليش ما تجربهم مريم دام انهم لها؟
قبل عرسها بيوم قالو لها ..تقول:كنت صغيرة فرحت باللبس الجديد والعرس ،زفوني وتحولت بيت الحموله
ساكتة وراضية بنصيبي،اهو اسبوع بس تدللت وما مديت ايدي على شي وبعد الاسبوع ابتدى المشوار
ودخلت بجدول الجناين ..كل يوم وحدة عليها الطبخ ووحدة عليها التنظيف ..
لا شكينا لا تذمرنا ولا تحلطمنا..نزعل ونرضى ولا احد يدري عنا...حياتنا ماشية واذا جا ابونا
معصب وتعبان،خيطت حلجي وسكتت ولا كلمة ارد علية لما يهدا..اذا شد رخيت واذا
شديت انا رخى.....،تتنهد جدتي كل ما ذكرتة واشوف بعيونها دموع ، تدعي لة بكل كلمة
عساااة بجنات النعيم،عزني ودللني عسى ربي يعزة..اييييية هذا الحب والوفا ولا بلاش
يا جماعة انا ادري ان الدنيا تغبرت ومتطلبات الناس كثرت وتعقدت بس مو جنة اول احسن؟
الحين يقعدون وبكل شي يتفاهمون وبادق الامور يتناقشون وبعد الزواج اول صدمه..
اول هوشة..ما يصبرون على طول واللة ماكو نصيب!!
حريم اول غير:فيها صبر ومداراة.. زوجها راس مالها وكل شي بدنيتها
والواحد لا تزوج..بس خلاص حياتة ودنيتة اهم ما فيها هالمرة والعيال
ما درسوا ولا تعلمو ولا دخلو دورات؟؟على البساطة والفطرة توجههم
صراحة القعدة مع العجايز حلوة واستكانة الجاي يصير لها طعم ثاني
اخر نصيحة سمعتها من جدتي:
اول يوصون البنت اذا تزوجت:اذا زعلج ززوجج وطقج واذبحج وخذاج انتي واغراضج وقطج عند باااب البيت...شيلي اغراضج بسكات ودشي من الباب الثاني
اهم شي لا تردين بيت اهلج عيب!!
>>يا حسرتنا...هذي قوية ما اظنتي نقدر عليها :اوبس:
