الرجال وما ادراك مالرجااال بس ونهوبوه؟؟ <<ادخل وتعرف
السلام عليكم جميعاً
هاي انااا :ياهو:
الرجال واه منكم يالرجال <<<يبيلكم كتاب مو موضوع
المهم نستعرض لكم انواع الرجال عند الاشارات المروريه
النوع الأول/
وهو الي يستغل وقته ويرتب سيارته ويفتح دروج سيارته ويعفط في هالفواتير ويرميها في الشارع وفجأه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب) وتنفتح الاشاره والاخ مشغول في التنظيف!!
النوع الثاني <<ياكثرهم /
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف) وشوي ويقص اظافر يده وماتدري الاوهو مرفع رجله يقصها هذا اذا كان معاه مقص اظافر واذا ماكان موجود فالحل موجود طبعا يقص اظافره بواسطه اسنانه (قمه النظافه)!!
النوع الثالث/
وهو اكثر واحد يفرح اذا وقف عند الاشاره علشان يبدأ يستعرض ويرقص ويردح هو واخوياه ويرقصون السياره معهم !!
النوع الرابع/
وهو عكس الي قبله وهوالي يشغل شريط خالد عبدالرحمن وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!!
النوع الخامس/
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه) ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!!
النوع السادس/
وهو الي يستغل الوقت ويجلس يشخص ويرش عطر وشوي الايحط روج ومشغل شريط (سيلين ديون) مسوي جو اجنبي وانواع القز في السيارات الي جنبه!!
النوع السابع/
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!!
النوع الثامن ./
وهو اللي تحس انه ماعنده وقت ابد ودايم بزي ولابس نظاره وخاتم ومبحلق في الجريده ومسوي زحمه في الشارع والي جنبه طفشان ومشتغل مسجات بالجوال !!
النوع التاسع/
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم)) معه عشان يكون تبديل الملابس اسرع عند الاشاره حتى البطانيه جايبها وماخذها معاه تعرفون الجو متقلب!! <<<هههااي حللللللللووووه
النوع العاشر /
وهو اذا كان سواق طبعا الضعيف متعلق فى الدركسون والابداع يكون وراه عند المدام واخواتها وانواع السواليف والحش ولما يكونو توهم طالعين من السوق كل وحدها تطلع مقاضيها وتوريهم شوى الاوهى متحمسة وصاقعة السواق برجلها الاخت معذورة جالسة تقيس الجزمة الجديدة :نأ:
اتمنى تعجبكم االلطشه :قوي:
::
ولو انه مغبره شوي
بس مزاجي هاليومين منغلق
ومالي خلق اكتب :خجل:
سنعود اليكم مجداً فانتظرونااا :redface:
تحياتي
,,المملووووووووووووووحه,,
