×× ولد البدو ×× مصافحه اولى
ولد البدو
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من عشق ولد البدو عزي لحاله=يجعله ما بين نار وبين فيــــــــه
واشهد اني من عرفته قلتها له=ضايعه ما بين ذي وبين ذيــــــه
ذوب الخافق وانا كلــي حلاله=عايشه من دون قلبي مير حيه
آتجاهل كل شي ٍ قد مضالـــــه=لجل ما يزعل ويهجـــرني شويه
إختلاف الراي ما يعني جهالـــه=وإعتراف الذنب ما هو بالخطيــه
ما يصدق واشي ٍ فيني حكى له=كيف يتبـع عاذل ٍ نفسه رديــــه
هزني بواقع حياته من خياله=وهزته مني مشاعر أوليــه
ان زعل قلت الهوى مالي وماله=وان رضى شفت العمر دنيا هنيه..
في حضوره جدد الشوق بوصاله=وفي غيابه ماني والله بالقويــــه
ذا حبيب الروح من يقدر يطالــــه =ببقى له طول العمر ويكون ليـــــه..؟
حتى نفسي ما تبي شخص ٍ بداله=صرت انا ودقات قلبي له عطيــــه..
كل ضلع ٍ من ضلوعي انحنى له=وكل ما صديت صاح الشوق بيــه..
ضاع عمري والمحبه كلها لــــــــه=طول وقتي والمشاعــر هيه هيـه
استحاله شوف غيره استحااااااله =ما حــد ٍ يرقا غلاتــه في البريـــه..
ويل حالي حتى قلبي ويل حالـه=ضايـع ما بين نار وبين فيــــــــــه[/poem]
بذرة غلا
