طريقه جديده في المغازل<< مواقف حصلت لي شخصيا
هذا مير انا الله يسلمكم قلت باطلع لي جوال وألا ابي رقم مميز
يابنت الحلال وش لك بالمميز انا مافيه راكبه في راسي الا مميز
المهم خذت لي رقم مو مميز مررره يعني شبه مميز
واهم شي بعد ماخذت الرقم بأسبووع رن الجوال وارفع
نعم
يرد الاخ ويقوول
نعم انتي ماخذه الرقم اصلا انا كنت باخذه واخرشي انتي تاخذينه
والله ماخليك
كيبوو:: نعم وشتقول مو بكيفك انت على بالك خوفتني انت ووجهك
اقول انقلع بس على بالك تمشي الدنيا بكيفك واصكر بوجهه
الاخ مادري مين: من على بالك تكلمين انقلعي انتي بنات اخر زمن يردون على الرجال
كيبوو: لا عشتوو اقوول انا ماني فاضيه لك
الاخ مادري مين: والله ماراح اخليك وسكر السماعه
وبعدها كل اسبووع رقم
مره انا كنت بالباص جاني رقم غريب
ارفع يصكرون بوجهي ضليت كذا مرتين
بعدها خويتي خذت السماعه
خوتي: نعم
عبد العزيز : ايوا معاك عبد العزيز جوال رجوى
خويتي: لا غلطان
عبد العزيز: طيب جوال من
خويتي: انت وشدخلك
عبد العزيز : ليه انا وشدخلني علشان ابوي ميت وامي راح تلحقه
تسوين فيني كذا :واء: :واء:
خويتي : هذا عقلك انت
عبد العزيز: اقوول اسمعي وبلا هذره انا الحين بأروح اصلي اذن العصر
لايكون على بالك اني راعي خرابيط لا انا يأذن اروح اصلي
خويتي: انقلع
5 دقايق واتصل
شغلنا الميكروفون
عبد العزيز: عن بيب بيب طووووووووووووط
اوووووووووووووو عن عن <<<<<الاخ جالس يفحط
حنا : قفلنا الخط وانواع الضحك
وبعدها ضل فتره يتصل مأرد
جابعد كمن يووم وكان يوم خميس
اتصل الصباح وانا على نياتي نسيت الرقم
كيبوو: نعم
عبد العزيز:: هلالالالالالالالالالالا صباح الخير جدتي
<< منقهرررره وساكته
كيبو: ساكته
عبد العزيز :وراها جدتي ساكته شايله طقم الاسنان وراك ماركبتيه
كيبو<<<ودها تعطيه بووكس ومازالت ساكته
عبد العزيز::اسمعي ترى اذا كان الكلام من فضه فالسكوت من حديد انت وشرايك
طيب طيب خلاص لاتتكلمين تزعجينا بصوتك انا عندي سؤال واحد بس
شالفرق بين برسيم نجد وبرسيم الحجاز
كيبوو :: ساكته
عبد العزيز: طيب خلاص تدرين ليه انا سألتك ذا السؤال لأنك خروف
كيبو وهي معصبه وبنبره حاده:: انا خروف يالضفدع
عبد العزيز: اقول احترمي نفسك وماله داعي الغلط انتي احمدي ربك احد
يخسر علشانك ولا انتي منتي بكفو اصلا ولا واحد مثلي ينقال له ضفدع انتي مو خروف يالكنغر
كيبوو::طوووووووط < قفلت الخط
و ضل يتصل مارديت
ولكن عطى رقمي خويه
كيبوو : نعم
واحد ماعرفه: الله نانسي اخيرا يانانسي ماتدرين انا كيف ضليت
ايام وشهور وسنين وان ادور الرقم تكفين سمعي صوتي انا ودي اسوي معك دويتو
تكفين انا من زمان انتظر هذي اللحظه انتي صحيح زعلتي خويي بس نانسي
انا احبها مأقدر اخاصمهاوش اسوي تكفين انا راح اغني اسمعي
اخاصمك اه اسيبك لا وقوا الروح حتفضل حبيبي الي انا بهواااااااااااااااااااااا ه
هاه وشرايك
كيبوو : ميته ضحك وسكرت السماعه
ويرسل رساله وكان النص كذا
تكفين انا من فتره ادور رقمك ردي علي
وكاتب بين قوسين
( لاتصدقين نفسك انتي فطومه وواجد عليك)
<<< ذا الولد شكله ابله انواع الاستهبال بالله عليكم ذا وجه مغازل
ولا هذاواحد مجنون
مرررررره جاني رقم جديد وانا كنت جنب ابوي
كيبوو : نعم
هو: هلالالالا وينك انتي؟
كيبوو: عرفت انو يستهبل عطيته ابوي وابوي شغل الميكرفون
ابوي: خير من تبي
هو: من انت
ابوي : وشدخلك وشتبي
هو:: وانت وشذا القافه ترد على جوال بنات
ابوي: نعم وشتقول
هو: اقول عطني البنت الي جنبك احسن لك وبلا كلام فاضي
ابوي : قلة ادب
هو : نعم تغلط لأني قلت عطني البنت الي جنبك تغلط بعدين انت شعلى بالك
انا مو ولد حموله تغلط علي
ابوي: لو انك ولد حموله كان مافكرت تغازل
هو: يعني الحين صار اللي يكلم بنت مو ولد حموله تدري انت شكلك انت
موعايش بالعالم خلك على الناقه مالتك احسن لك
ابووي : انواع القهر
ياكلب ياحمار ياقليل الادب
هو :اقول لاتجلس تستهبل عطني البنت من زين صوتك جالس تكلمني ولا تدري انا الغلطان اللي
اردعليك عالعموووم انا باتصل بعدين
ابوي: صحيح اولاد قليلين ادب
<<<اما ذا الولد شين وقوي عين
هذا واحد حساوي
كيبوو : نعم
الولد: صباح الورد << بكل نعومه
كيبو: مين
الولد : باسألك الوقت الحين بالهند ليل ولا نهار
كيبوو : وانا وشدراني<<<على بالها بنت صوته ناعم مرررررره
الولد : لا لأن الطياره راح تمشي وانا مو عارف متى اوصل
كيبو: انتي الحين مكلمتني من الصبح علشان ذا السؤال
الولد : رجاءا انا ولد مو بنت لاتغلطين
كيبو: لاتزهقني مو فاضيه لك<< البنت تنتظر الباص
الولد : انا ماراح اخذ من وقتك غير دقايق اسمعي
انا شاب وسيم من عائله ...... ( طبعا ماراح اقولها) ابوي متوفي وورثت 7 مليون
وامي معاقه وبتموت وانا امتلك نص المحلات اللي بالسويق وسيارتي همرر وماعندي
خوان وانا كل اسبوع اسافر وانتي انا شايفك بالانتر ( الانتر كونتيننتال)جالسه تتقهوين
وعجبتيني<<<كذاب انا الانتر مادخلته
هاه وشرايك تتزوجيني ؟؟
لحظه قبل ماتجاوبين فيه سؤال اهم
انتي سنيه ولا شيعيه سنيه اهلا وسهلا راح اتزوجك اما غير كذا
روحي عن وجهي احسن لك
كيبوو :لاوالله احلف قول قسم
الولد: انتي من وين شكلك موسعوديه ترى انا مأتزوج اجانب تدرين الله يستر عليك
غيرت رايي مابيك
كيبوو: انا صكرت السماعه بوجهه وميته ضحك
رسل رساله
وشفيك امزح مالا داعي تنتحرين خلاص باتزوجك بس المهر عليك
وشقلتي
انا بعدهااااااااااااااااا دوروني ماتلقوني من الضحك
****************
وشرايكم في مواقفي وفي اللي يتصلوون علي مو بلهان
وأغبياء وترى كل ذا صدق مو كذب
باااااااااااااااااااي
كيبوو
