ما يطلبه المغربلون ,, اتصل واطلب اللي تبي (( الحلقة الثانية ))
إخواني أعضاء منتديات غرابيل عاشق .... تحية طيبة
يتجدد اللقاء بكم مع الحلقة الثانية من برنامج (( ما يطلبه المغربلون ))
مخرج البرنامج بحار الخليج مسوي شغل مضبوط في الحلقة هذي ومغير الديكور
,,, المرة هذي خلا المذيع المتألق المرجوج يوقف على جبل وجنبه جثة أسد ميت :(
( يعني حلقة في الهواء الطلق ) ,,
أما معد الفقرات الأستاذ المقلع حاط فقرات أقل مايقال عنها ( وش يبي ذا ) أقصد حلوووة :)
===================
بداية البرنامج
المرجوج منسدح على باله يتصرف طبيعي قدام الكاميرا ,, طبعا الوضع مااعجب المخرج بحار , وطلب منه يعدل جلسته
, المرجوج ما قصر حط رجل على رجل وقال عناد فيك ماني معدل جلستي , هنا انضغط رفع بحار الخليج ( رفع ضغطه يعني )
وحاول الاعتداء على المرجوج لولا تدخل سلطات الأمن ( طبعا أنا نصاب ما فيه لا سلطات ولا مقبلات ,, الرجاجيل حبوا خشوم بعض
وانتهينا )
1
2
3
أكشنننننننننننننننننننننن ننننننننن
المرجوج
إخواني حياااااااااكم الله معنا في برنامجكم ما يطلبه المغربلون ( طبعا فيه ناس منخشين ويصفرون ويصفقون ويقولون هيييييييييييييييه ) < يمديكم
نستقبل اتصالاتكم على هاتف البرنامج 12345 باقي رقمين كملوها واتصلوا , وإذا ما عرفتوها اتصلوا على أي رقم في راسكم ونرد عليكم <ببرضو
< برضو يمديكم :)
نستقبل أول اتصال
أبو نوال
ألووووووووووو
المرجوج
يا هلا أخوي
أبو نوال
أما عاد !
المرجوج
وش اللي أما عاد ؟!! :(
أبو نوال
أنت أخوي ؟!
المرجوج
أكيد لا ,,, معقول أكون أخو واحد زيك
أبو نوال
برررررررررب
المرجوج
تيييييييييييييييت ..... هيه أنت تعال وين رايح ؟!!
أبو نوال
لا بس والله حسبتني في الماسنجر :)
المرجوج
أخلص وش تطلب من الفقرات ؟
أبو نوال
أبي أممممممممممممممم
أبي أمممممممممممممممممم
امممممممممممممممممممممممم مممم
طوووووووط طوووووووووط ( قفل الخط بخشته )
المرجوج
خل ( أمممممممممممممممم ) تنفعك الحين
======= مقطع من مسرحية ( سديت نفسي ) بطولة غوار إمام ... ومهاوش ضب
المرجوج
معنا اتصال ثاني
البتال
السلام عليكم
المرجوج
وعليكم السلام .... تفضل اطلب
البتال
عطني شاورما لحم بالكتشب ... وعصير بردقان :)
المرجوج
خخخخخخخخخخ أقول اطلب زي الناس بلا بياخة عاد
البتال
عندكم مباراة جيبوتي والهند عام 1955 م
المرجوج
لا ,,,, ما عندنا ,, هم عندهم كورة أصلا
البتال
طيب الله يرحم والديك ,,, حطوا لي أغنية ( شفني بعد فرقاك قمت اتعشى زين ) للمطرب ( قدر فول )
المرجوج
لا يا شيخ .. أجل قمت تعشى ... قل آمين
البتال
آمين <<< على نياته
المرجوج
جعل تلفزيونكم يخرب <<< من زين دعاته الحين
البتال
تسلم يا الغالي << برضو على نياته
======== مقطع لفيلم وثائقي عن طائر الديك الرومي <<< أموت ويجيبون مرة حسب ما يطلب المتصل :(
المرجوج
نستقبل مكالمة جديدة
المملوح
مساك الله بالخير
المرجوج
يا هلا
المملوح
كيف الحال ,, طال عمرك
المرجوج
بخير ..... اقلط ( قصدي تفضل اطلب )
المملوح
ياخوك ما شفت لي مسلسل قديم اسمه ( أصابع القطو )
المرجوج
أها قصدك ( أصابع الزمن )
المملوح
إيه .... إيه...... إيه
المرجوج
وراك مستانس كذا
المملوح
لا بس ماني مصدق إني لقيته
المرجوج
ليه منت مصدق ؟؟؟
المملوح
يا كثر اسئلتك .... وش رايك بعد تقول وين بيتكم بعد ؟!!
المرجوج
خخخخخخخخخخ طيب وين بيتكم الله يرجك <<< طبعاً يمزح
المملوح
تعرف طريق الـ.... عند الإشارة الثا............ طوووووط طووووط <<< لو ما قفلوا الخط بوجهه كان وصف بيتهم صحححححح
المرجوج
ما صدق ذا إني سألته عن بيتهم ...
========= مقطع من مباراة جيبوتي والهند 1955 م << عناد في البتال :)
المرجوج
نستقبل آخر مكالمة
دموع الورد
الو
المرجوج
هلا أول وحدة تتصل علينا بعد التماسيح اللي راحوا
دموع الورد
الله يخليك عندي سؤال بس
المرجوج
تفضلي أختي
دموع الورد
فيه مسلسل ( عندك خبر )
المرجوج
لا ما عندي خبر
دموع الورد
هههههههههه لا هذا اسم المسلسل ( عندك خبر )
المرجوج
طيب وش فيه ؟!
دموع الورد
ممكن أعرف الحلقة الأخيرة وش بيصير فيها ؟
المرجوج
ليه
دموع الورد
لأني اليومين هذي مشغولة ما أقدر أتابع المسلسل
المرجوج
أنا أقولك وش بيصير ,, البطل بيتزوج البطلة وأبوه بيموت واهله بتشردون ,,
دموع الورد
بس المسلسل ,,, كوميدي ,, يعني الأبطال ما يموتون فيه خخخخخخخخ
المرجوج
طيب آسف ما دريت
دموع الورد
مشكور أخوي
المرجوج
يا هلا فيك <<< من غير نفس بعد ما طيحت وجهه
====== مقطع المسلسل المكسيكي المدبلج ( فرناندو راعي الأبل )
إلى هنا نصل إلى نهاية الحلقة الثانية
على أمل أن نلتقي بكم في حلقات أخرى
المرجووووووووج
طبعا الناس المنخشين ناموا ,,, ولا أمداهم يصفرون ويصفقون :(
======================
سهم المنايا
انا باتولى الرد على المتصل بدل المرجوج ويسامحني
الو... نعم ...انا المرجوج... شكرا على اتصالك اول (حاقه) طبعا مصري انا قبت اسم العيله من كلمتين المر....... وطبعا كلكم عارفين ايه هوه المرررررر.... جوج وادي التانيه رحت المغرب وجبتها من هناك وطبعا ما بتعرفوهاش .. جوج اةلا تقرب لعائله مزيان بالزاف واعتئد كمان ليها صله بالعيلة الكبيره في تونس باهي برشه وتعني اللي هي ((جوج)) يعني ...
يعني.....
يعني...
يعني ...
لايروح بالكم بعيد ........
يعني......
الرقم (2) اتنين
واصبح اسم العيله ((( المررررررررررر جووووووووووج))
هاه وش رأيكم .. بعدين الحته التانيه من السؤال يا ( طططط)) الو....
الو... يخرب بيت الاتصالات الخط اتقطع......
اللي بعده وسلامتكوووووووووووووووووو وو
