@اخوي لو ماوفالي زين مارحتله@@
اعذروني على طول الغياب
واسمحولي اقدم هذه المتواضعه من بداياتي.
[poem=font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
ممدوح ياصاحبي بالله سو معروف=مابه كلافه ماغير رسالة مرسله
خابرك امين وعلى الشدات مافيك خوف= وابشر برد العوض في ايامنا المقبله
وصل مراسيلي المجمول زين الوصوف= اللي عليه بدون اسباب زاد ازعله
ابو عيون تقول تسل منها السيوف= علي موتي من الطرف الحور ترسله
حبه يتل الضماير تل ركب النكوف= في راي شيخ كسب واغنى فقارى هله
ليته بحالي عقب شي جرالي يروف= وحبه بقلبي من الهجران مايقتله
وان كان ماهوب شفقان بلم الشفوف= اخوي لو ماوفالي زين مارحتله
انا عزيز بنفسي لو تشين الظروف= واجازي اللي علي اخطاء بنفس اعمله
اتعب ويرجع تعب نفسي علي مخلوف= ولااعيش عيش الهوان ولااقبل المهزله
بكرامت النفس من ماض الزمان معروف= بالله ياصاحبي ممدوح علمي قله[/poem]
