...؟؟؟... العوانس

مرحباااااا

ياكثر هالعوانس اللي ناشبين بحلتز أهاليهم هالأيام ..

وبأسرد لكم سالفة عانس تدعى حصه رويت بلسان صاحبتها




تقول حصه :

كنت قاعدتن عند التلفزيون اتابع مسلسل مدبلج وداخله معاه جو حتى اني فحزت البطله وصرت محله وانا في نص انسجامي اسمع الي تنادين ,,,

حصووووووه يمال العنقز الي ينفض عضامتس انزلي <--- امي تحب تدلعن

واجر نفسي من غرفتي بالغصيبه وانزل اسحب رجليني ,,,
نعم يمه ناديتين

ايه يمال الصقه روحي شخصي والبسي كل الي عندتس بيجونا حريم اليوم كود احد يعطيتس وجه ويخطبتس ويضفتس عنا



هي قالت هالحتسي وانا قلبي قام يقول طربق طربق وتطقن الهواجيس والحلوم واتخيل شباب الحاره وهم يجرجرون بشت ابوي يبون يخطبونن ,,,


وأنقز لغرفتي أكبكب هالمكايج بخشتي لما صرت قمر تخسى عتاب عندي <---تسمع بالذوق ..واهبط بهالشوشه عيت تهجد وانا في قمة صراعي مع شعري يدق جرس الباب وانزل ماشيه مليون بغيت اتكرفس من الدرج والمشط مازال ناشبن بشعري ابلحق افتح الباب ,,مير تمسكن امي مع هالمشط الي يتدودل وتسحبن ,,,

وين انتي رايحتن يالخبله ,,,

ابروح افتح للخطاطيب ,,


هالسرع حطيتيهم خطاطيب وش تبينهم يقلون عنا بنتهم مطفوقه روحي انزلعي للمطبخ لما اناديتس تجيبين القهوه,,,

رحت للمطبخ وقعدت اطل من خرق الباب ابشوف حموات المستقبل,,يوم دخلن تقل احدن كافخن مع وجهي كل وحدتن اشين من الثانيه تسان عيالهم مثل خششهم عزالله هونت مابي اعرس
واسمع امي تنادين من المطبخ ,,,

حصه جيبي القهوه ,,

وراجع روحي واقول يمكن العيال طالعين مزايين مثل ابهاتهم<---عاد الي شايفتن ابهاتهم واشقل قهوتي وافق كشرتي وادخل اسحب رجولي والعب بجدايلي (بزعمي انوثه الحين ) ,,,
ويقعدن هالعجز على هالقهوه لما شفطنه كله ,, وتنغزن امي اقوم اجيب قهوه ثانيه ,,المشكله مااعرف اسوي قهوه واروح امطرسلهم اياه واجيبه ,, واشوى كل وحدتن اخذت فنجال وعجزت تكمله الظاهر انهم رويانين بس لعانه خلون اسوي جديده,,,,,,,,,,,,,,,,,,


عقب ماقضو حش وتقطيع بجلود الخلق قامت كل وحدتن تدور شنطته بتمشي ,, والله هالعجز المتمدنات .. كل وحده معه شنطه ماخبرت العجز يشيلن شنط حدهم مقطع به جيوب يدحونه حلاو وعلوتس ويوزعن علينا وحنا بزارين (ايه هذا عجز اول ياحلالي ) ,,, مهوب الحين شاقلتن شنطتن وش كبره عشان تحطبه جوال والبلى ماتعرف تشغله اذا وحدتن دق جواله ابتلشت ماتعرف من وين تفتحوه ,,,,ولا العبايات مخصره وهم مهنا خصر تسان تبي كروش فيه ,,,

المهم نرجع لسالفتنا ,,راحن الحريم وانا طول هاك الليله بس اتسدح عند التلفون أحتريه يرن وتكلم وحدتن تخطبن والتلفون سكتم بكتم تقل مدعي عليه هاك الليله وخامتنلي زمزمية زنجبيل وبس ادردبه ابيه تسلك صوتي عشان اذا زهم احدهم يصير صوتي ناعم ,,,,,
قعدت على هالحاله لما اذن الفجر ,,, قامت امي تصلي وتشوفن منتصه بالصاله مابوه الا عيوني يلمعن تقل بسه وتبداء امي بممارسة هوايتها المعهوده بالدعاء علي ,,,

وش الي مسهرتس لما هالحزه قومي يمال ****** <----الدعاء مشفر من قبلي اخاف تقولون امين

واروح لغرفتي وانا اجرجر ذيول الخيبه ( وينك عن ياسوسو) <---امون على سيباويه قبل اللطش منوه حتسي
و أخم وسادتي واحلم بالخطاطيب مالي الا الحلم ،،،

معهم حق العيال ما يخطبون من هالطلبات الله لا يوريكم
ومن زين الخشه مشان يتشرطون ( اللهم لا شماته )



وانتهت يوميات حصيصه .. ولنا لقاء في الحلقة القادمة لوووووووووووووووول

رووووووعة بكل ما تعنيه الكلمة من معانٍ جميلة.

والله معاناة هالحصة هذي، مسكينة، مقرودة حظ، معنفشة الكشة، متعرفطة الجبهة،

كل الصفات لا يقة عليها، والله من الهواجيس اللي بتهوجسها تالي الليل من القهر،

وتحري الخطاطيب، وين يجونه وهم لاهين بالسفريات والتمشيات، حدهم شوارع الأربعين والسبع طعش والتسعين، أما الخطبة والزواج ما فكروا أبد، الواحد وصل عمره الثلاثين وهو يقول أبستمتع بشبابي، الله يعين مثل حصة وشبيهاته.

أخي/ الجروح العظيمة:

سرد جميل، ونكهة البسمة ظاهرة في موضوعك،

وحكاية للمعاناة بأسلوب جميل، وإن اعتمد على أسلوب المبالغة إلا أنه يحكي كثيراً

من الواقع الأليم لكثير من أخواتنا وبناتنا ممن ألجأهن العنس والانتظار إلى القبول بأي كشرة قادمة، حتى ولو كان من المتردية والنطيحة، وليس هذا بسببهن فقط بل يرجع اللوم إلى آبائهن والشباب الذين لم يحملوا هم غيرهم.

تقبل شكري وتقديري على هبتك البسمة لمحيانا.

أخوك/ فهد.

طيب سعال

عمرك شفت عانس راضية عن حالها ؟؟؟

بتقول لي لا بقول لك ايه

حزر فزر مييييييييين


انا |4|

اما حصة يا حليلها مأساة

المهم نرجع لسالفتنا ,,راحن الحريم وانا طول هاك الليله بس اتسدح عند التلفون أحتريه يرن وتكلم وحدتن تخطبن والتلفون سكتم بكتم تقل مدعي عليه هاك الليله وخامتنلي زمزمية زنجبيل وبس ادردبه ابيه تسلك صوتي عشان اذا زهم احدهم يصير صوتي ناعم ,,,,,

فقعني ضحك المقطع هذا سكتم بكتم ههههههههههههههههههههههههه هاي

مسكينه لاحقة على الشقا خليها تتهنى في بيت اهلها |4|

<<<<<< ما تنصح بالزواج خليكم عنس احسن لكم |4|

سوسي

هلا وغلا

همس المشاعر اشكرك على التواصل واشكرك مرة اخرى على مناقشة الموضوع مافيه من معاناة واسر لحرية البنيات ايه ايه ياحزم الضامي راحت عقبك حزووم

>>>>>>> جالس في بيت شعر ويشرب قهوه بطاسه ( مخربها )

حساسه مشكوره على التواصل الدائم والف تحيه لك

بعدين ليه تجاوبي عني :D

اكيد بتكون انتي من هالزقاير اللي تشربيها |4|

ههههههههههه والله يعين اللي يتجرئ ويتقدم لك ...

بس مهم يكن ويطول الامد فيك وتشربي عصير جزر وتاكلي بقدونس

تبقى حساسه الروح الطيبه واخت عزيزه علينا

>>>>>>>>>>>>>>>>>>>>> جروح:cool: <<<<<<<<<<<<<<<<<<

احممممممممممممممممممممممم مممممممممم

على فكره

انا اضم صوتي الى صوت حساسه

ترى انا وحدتن ماحب ابتلش برقاله

احب اكيف واتشقلب على كيفي

ومحدن يشاركني خرابيطي

بكيفي

ثانكيو

السلام عليكم ورحمته الله وبركاته


يعطيك ألف العافيه
يا لجروح العظيمة


بصراحه قصه رائعه جدآ


يسلمووووووووووووووووو

هلا وغلا


هاااا يالله كثروووو اللهم زوووجهم

هذه بعد هيام الروح تضم صوتها

اجل راح يقل نوعنا وتنفى البشريه

مثل الدينصورات

مايصير ياهيام الروح لازم تغيري رايك ولا تصيري انانيه لازم واحد يشارك حتى لو كان شاااايب وماله الا ضرسين اهووو نعمه من ربنا


ومشكور ياخوووي بحار الخليج على التواصل
وانشالله دوووم ولا ننقطع من تواصلك الدائم


وتحياتي للجميع

جروحي|2|

ابدااااااااااااااااااا انا مصره

لاتحاول تترجاني

امبوسيبل

لا لا لا ...لاتحاول ...اوف قلت لك لاتحاول

ماأقووووووووول الا {ظروفهم صعبه} ههههههههههههههههههههههههه

ههههههههههههههههههههههههه هههههه

روعة والله

ومن اجمل ما قرأت في الغربلة

وتوني ادري ان عندنا كاتب مبدع بهذا المستوى

وما اقول الله يعين العوانس ,,, واحيان يكون بيت اهلهم احسن لهم من زوج داج :)


وعلى فكرة ابيك من اليوم تسجلني من المتابعين لمواضيعك

تقبل تحياتي

هيام الروح لا تقولي امبوسبيل ماامبوسبيل

هي على كيفك والله يسلام مخلينك طول الوقت على حلة شعرك لا مااااعاد فينا خلاص
انا ابي اناقش موضوعك مع شيبان غرابيل يشوفو لك شايب يقدر الحياة الزوجيه ولا تخافي مستقبلك مضمون

المملوح مشكور اخوي على التواصل ايه ضروفهم صعبه مو مثلك مملوح وتحصل بدال الوحده الف ... مسوي حاج متولي ههههههههه

مشكور ياعشق الليل على الكلام الرائع ويشرفني انك من المتابعين لي

اخوكم

جروح

ما اقول غير مرارجيج واجتمعوا في جسلة شاي

ذلحين البنت ودها تتزوج وانتوا نازلين تقطيع علي ظهرها ...ارحوا من في الارض يرحمكم من في السماء ......يازين الفلسفة وانت من جنبها

بالعكس العنوسة عند الرجال اكثر من النساء .....قولو ليش


لان البنت ممكن تكون الثانية او الثالثة او الرابعة ......متأمل يوصل لذي المرحلة

اما الشاب واحد وبس وكلة على ظهورنا حنا الضعاف ..... غير عن كذا انا اشوف ان البنت المفروض تجي تخطب الشاب .....بقولكم ليش

عشان تختاره شين ...فبالتالي ولا بنت ثانية تعطية وجهه ...... من زين الحلاوة ابو مصاصه (((قديم))



يسلمواااااا جراحة المنتدى تخصص أسنان

هلا وغلا

مشكور وخيي جوادوووه على مرورك الكريم الا تقول اولى وثانيه وثالثه

الله يرزق اربع يخلينك شلون تكون جواد من قلب قول امين

تحياتي
جروح

[ALIGN=CENTER]حسحس


اللي يشوفتس ياحظي يقول طاقة الاربعين




مالت عليتس


والله لو انتس انا ورهيبووووه كل وحده رازة خشتها بجهه وحده تبيع بالبسطه على امل احد يحن عليها ويضفها مع البسطه 00 ان شاء الله يضفها ويخلي البسطه لي :p



وانا ياحظي كل يوم رايحه جايه لهالمدرسه السنعه وفاتحه الخشه اضحك اربع وعشرين ساعه ابي احد يعبرني ومحدن عبرني 00

:rolleyes:


المهم انا تحطمت




صي يوووو


|4|[/ALIGN]

ههههههههههههههههههههههههه هه


الله يرجك مخاوف قولي امين

وش تبغى بالمدرسه اتركيها وطيحي في المساير على الجيران والله احسن انوع القهوه وبعدين كذا تكبر معارفك وتظبطي عمرك في اخره ههههههههههههه

تحياتي لك

جروح

حقيقة لم أكن أعلم أن لدينا روائى ينافس شكسبير فى أدبه العنقليزي يومه يتغزل فى جولييتا بنت دحيم |544|

كلش ولا بشت وبيها ذالى يسحبنه هل الحارة يخطبون فيها

اقول ياجروحن عظام وش جايك اليوم على البنى هاه

بس بالفعل قصتن أليمتن حيلن حيلن |204|

ولقد وقضت في قلوبنا أثر العنوسة والتناحة المنحوسة في كشراتنا ولكن ويش السواه ياولد العم |292|

وكلش ولا ولا ولا رد جواد هذا لحاله موضوع وجت فكرته براسي

اجل صدقتا ياوخي البنى ممتكن تصير ثانيتن ثالثتن رابعتن بس بلاك الولد وش بيصير؟|172|

نشوفك فى موضوعن جديدين ياوخي وتسلم على هيش جصة