مـدري تعاسـة حــظ والا تــوافــيـق ؟ والا عــيـونـي خــــان فـيـهـا نــظــرهـا !!!!
[poet font="MS Sans Serif,4,white,bold,normal" bkcolor="transparent" bkimage="http://mojat.com/images/bag/bg_162ws.jpg" border="ridge,10,white" type=2 line=200% align=center use=ex length=0 char="" num="0,black" filter=" dropshadow(color=black,offx=4,offy=4) shadow(color=black,direction=135) glow(color=black,strength=5)"]
شــمــس الـحـقــيـقــة ؟
.
قال الذي حده زمانه على الضيق = ويلاه من دنيا غشاني خطرها
تأخذني الدنيا على غير ماطيق = وضيم الليال السود حالي دمرها
حلــّـق بي الحرمان والهم تحليق = الى أرتفع نجمي يطيح أبحرها
مدري تعاسة حظ والا توافيق = والا عيوني خان فيها نظرها ؟
عندي تساوى الوقت مافيه تفريق = وأيام عمري قام يسقط زهـرها
طــّوقني الحرمان بالحـزن تطويق = وأضحك وأنا روحي تموت بقهرها
كثر التــوّجد يحرق القلب تحــّريق = غبنه على من زاد عينه سهرها
يحداني الهاجس عسير الطواريق = يوم الهقاوي مابدت لي صـّورها
تسابقن مثل الرماح المزاريق = بيدين عــدوانٍ تزايد سطرها
لا الوقت وقتي والزمن يبّس الريق = وياويل حالي كان هذا قدرها
همً بقلبي فوق هم المشافيق = أحرق خفوقي والمشاعر دمرها
تلعب بي أقداري جنوباً وتشريق = وأشملت لديار الشمال آخبرها
مريتها حافي قدم دون تعويق = حتى حداني بردها عن سمرها
ماجيت أدوّر للحقايق مواثيق = ولاجيت أعــّري زيفها وأحتقرها
جيت بشموخ الطيبين المطاليق = اللي مطاليق اللحى تعتبرها
عـزمي وأعرفه فوق كيد المطافيق = أن ماكسبت الغانمة ماخسرها
شمس الحقيقة كنها النور توثيق = اليا أشرقت غاب الظلام بسفرها
ماهمني من لفــّق الكذب تلفيق = تبطي أعلومه مايـبّـين ثمرها
والشجرة اللي شامخة كنها طويق = لاضاق وقته جالها ويخبرها
لو أحسبوني من حساب العشاشيق = عمر الموده ماشكت من أسرها
مايجتمع قلبين بين المخاليق = الا وحديهن روحه اللي سحرها
أنا هنايه مايجي بالتشافيق = قصة غريبه ماتكــّـذب خبرها
وقعت فيها غصب من دون تبريق = وأضفت علـّي أترابها في حفرها
أن صحت مابه صوت وأزريت لاويق = ومن شاف له صوره تعيسه ذكرها
0
( منصور الرويلي )
[/poem][/frame]
