حــــايل .. ( مصافحه أولى لسمو ذائقتكم )
الســــــــلالام عليكم ورحمــة الله وبركاته
:::
::
:
مصافحه أولى ..,
تعبر عن نفسها ..,
أتمنى لكم ,
قراءه موفقه ,,
[poem=font="Simplified Arabic,4,darkblue,bold,normal" bkcolor="transparent" bkimage="" border="solid,5,darkblue" type=0 line=0 align=center use=ex num="0,black"]
ياموتري .. شد العزم يا أسود اللون=يم الديار اللي ملكنا غلاها
شد العزم يالفرت.. وأبليس ملعون=وأبعد عن النفس الشقيه .. غثاها
أنا اشهد انه صانعك ولد صهيون=تسابق طيور السما .. في سماها
خالد يغني .. والدرقسون موزون=على النوى ., و زين المعاني نواها
سواقك اللي مولّعٍ فيك مفتون=لو تلحقه أمن الطرق ما مداها
جنـّب عن اللي للـفجر مايصلون=يمشي مع اللي ملّـته مانساها
ينصى قرومٍ للكرم مايملّون=حي الديار وحي سامع نباها
ديار ( حايل ) ضيفهم دوم مصيون=ناسٍ تعلمك الوفا من وفاها
ناسٍ توريك الشجاعه ., ضحى الكون=وما كل من يبغى الشكاله رقاها
لي بينهم خلٍ أنا فيه مجنون=انا اشهد انه نور عيني وضواها
لولا الحيا لآبكي مع اللي يصيحون=وما أمسح دموعي لين حزة لقاها
هي الوحيده اللي على قلبي تمون=ومن العذارى غيرها ., ما أباها
ترى العذارى غيرها مايساوون=قي ناظري ,, ما احدٍ يساوي غلاها
يا أم الجديل اللي على الكتف مركون=بالله ,روفي بحالتي يا ضناها
الله يعين اللي من الحب مطعون= عزّاه ., لاهلّت عيــــونه بمـاها
والله ما ألوم اهل الهوى يوم يبكون=وبعض العرب ياناس محرز بكاها
مثل الحبيبه ,لابكت ,أظلم الكون=في وسط عيني ,جعل ربي يحماها
واليوم ( ماجد ) غادي بقلبـه حزون=أزرى يروّض مشيته في خطاها
لاقيل : ( حايل ) , قال : بالعون , بالعون=حي الديار , وحي سامع نباها[/poem]
,,,
,,
,
وســـــلالامتكم
