أَلا لَيْتَ الطُفولةُ تَعُودُ يوماً
مسيكم بالخير حبايب قلبي وقلبها
ها = ضمير متصل يعود على بنت خالتي ديم :نيني:
المووووووووهم
اليوم انا وياها جالسين نسترجع طفولتنا البريئة
و احداثها الرائعه
من تصفيق و تكفيخ و هبال ما يطرى على البال << يمديكم بس على السجع
و قلنا مين يا ربي يتحمل مغثتنا و سوالفنا
مافي الا اعضاء غرابيل و النعم (( لزوم التمصلح بس ))
مرتووون من المرارييت
كانت ديم (( الله يرجها :قلب: )) راجعة من المدرسة (( مسوية كبيرة و هي ما عندها الا الدجة ))
كانت في ابتدائي يا قلبوش عليها الحين شوفوها يا كبرها جنبي :شاطر: تخرع اللي ما يتخرع
(( من ديم الى حسوسة : اوريك بعدين نتفاهم :سعد: ))
عندي احساس انكم مو فاهمين شي :مدري:
المووووهم
انتو اسمعو السالفة وبس
المهم كانت راجعة مع باص المدرسة
و فجأة :واو:
توقفت الحافلة (( تراها هي اللي تقول وانا اكتب و الا انا مالي في دجه العربي ))
و نزلت الفتاة و الدموع تتحدر من مقلتيها (( بالله اذا في مدرس عربي يطلع لها الاخطاء علشان انبسط ))
و تصرخ ذيك الصرخة (( هذه من عندي لزوم الملح والبهارات ))
نرجع لديم برب
جلست بقرب عتبه الباب و هي تبكي و تبكي و تبكي (( ما صارت دموع هذه ما تخلص ))
ثم جاءت الفزعة (( قلبت البنت عربجيه )) واحد من عيال الجيران (( خوي اخوها ما عليكم منها ))
و علامة استفهام مرتسمه على وجهه (( رجعت فصحى و ترى توهقت وانا اكتب مرتسمه ))
ما بالك يا فتاة لماذا تبكين قطعتي قليبي (( ايه هذا الكلام الصدق مو ما بالك ولد الجيران ما عنده الا شهادة الروضة و تخب ترى امزح يا كبره ))
و بشفاهٍ مرتعشه :يمه: ردت راعي الباص
زاد فضول ولد الجيران (( خبركم لقافة شباب )) ما باله راعي الباص
اهئ اهئ اهئ (( هذه الخبله تصيح و تصارخ )) قتل الفأر الصغير (( على بالها في ديزني مع ميكي ماوس ))
عاد هنا ولد الجيران ما عرف يضحك ما عرف يسكتها (( في قلبه يقول وش ذا البلوى ))
و قام يقول لها معليه يا بنت الحلال كلنا بنموت و بتشوفين الفار بعدين
و قامت هي عاد من زود الغباء صدقت و سكتت و قالت طيب متى بموت
(( توهق ولد الجيران )) قال يا طويلة العمر لما راعي الباص يدوسك (( في قلبه يقول اليوم قبل بكره ))
المهم
خلصت سالفة هالمزيونه
شوفو سالفتنا الثانية
عندنا قدام بيت جدي ارض كبييييييييييييييييييييرة (( لزوم المبالغة ))
هذه مسوينها لنا علشان نلعب فيها
و هم ما يدرون اننا مسوينه مقبره لحيواناتنا
قطاوة على عصافير على ارانب اللي تبونه
حتى الفيران (( بس اتحرش فيها هي وفارها ))
انا كنت احب الارانب (( تعرفون ناعمة )) و هي تحب القطاوة (( انا قايله لكم عربجيه من يومها ))
(( من ديم لحسحوس : حرام عليك (( قالها مثل الدنيا لحظة )) )) خلصت الاقواس انا اليوم
ما علينا نرجع لموضوعنا
بما انت خالتي ام ديم مطوعة و امي ما عندها الا الدجه
كنت ماخذتها قدوة لي مع اني اكبر منها بس المخيخ الله يهداه مفشلني
المهم يوم كان يموت عندنا حيوان
رحنا كلنا واصطفينا و نحفر له و ندفنه و نحط له عصا علشان نعرف ان الحيوان هذا مات هنا
و بعد ما ندفنه نصلي عليه صلاة الميت (( مدري من وين مخترعينها ))
لا و ازيدكم من الشعر بيت لا حجاب و لا عبايه و نسجد له و نركع له و ديم الخبله هي الامام (( امحق بس ))
لا و من زود الدلاخه
اذا جا احد يمشي فوقه نجلس نصارخ لا لا لا لا لا لا (( للمخدرات ))
و نسوي زحمه والطريق فاضي
نقول لهم حرام تدوسونه بعدين تضيقون قبره
<<< ما قلت لكم دلاخه
و هذه سالفة من ايام المراهقه (( مراهقتي انا كنت انا العب عليها و هي تصدق (( دلخة عادي )) ))
انا افصل و هي تلبس
مرة امي كانت مسافرة و قلت لها وش رايك تجين عندي و نسوي عشاء
قالت يلا ما عندي مانع (( لا تجيبون لنا طاري الاكل ترى نقوم عليكم ))
المهم و سوينا ذاك الاكل اللي مدري من وين طلع الفن (( الله يخلي كتب الطبخ ))
و بعد ما خلصنا
التفت يمين و يسار
مافي احد في البيت الا حنا
قلت بس كملت الخطه
و احط الاكل على الطاولة
واطفي الانوار
واشغل الشموع
واشغل موسيقى تايتنك
و اقول لها تخيلي ان انا العريس وانتي العروس و هذا زواجنا
و نجلس نرقص
و ندور
و الحمدلله لك يا رب على العقل
و قلت لها دقيقة واروح اجيب كاسين عصير واقول لها انتي زوجي يعني تشربيني اول
و بعدين قلت ابي كيك بس مافي كيك
رحت و جبت حبتين ورق عنب
حبه لي و حبه لها (( هذه الكيكه ))
و شوي من الجوع تهاوشنا يوم جينا نأكل بعض
كل وحدة فينا تبي تبدا قبل
و على هواشنا تطيح الصحون و تنكسر (( شي عادي دلوخ وش تتوقعون منهم ))
و تهاوشنا و تصافقنا و اخرتها طلقنا بعض (( يا حرام ))
و الاكل ما اكلناه مسوين متزاعلين
ايه صح
تذكرت
اول يوم كنا صغار
كان عندنا شي اسمه الذل
كل واحد لما يروح بيت الثاني يذله
مرة جت ديم بيتنا
و تهاوشنا انا وياها وا خوي
قمت انا اقول لها رجعي اغراضي اللي عطيتك اياهم
لا تلعبين بالعابي
و تطلع الحوش
و يجي اخوي يقول لها لا تمشين على حوشنا و لا على ارضنا و لا على ترابنا
قالت وشو اطير يعني
لا و ناخذها و نقول لها اطلعي برا كيفنا بيتنا
مسكينه عذبناها
هذا الجزء الاول
انتظرو الجزء الثاني
من مغامرات محبوبة و مبروكة http://www.miss-sensitive.com\mhbob.gif
