ليـــــــ whayــــه

احبتي اعضاء ومشرفي
غرابيل

ليـــــــ whayــــه الحزازيه اشوف المشاركات توصل عند بعض البنات
لاكثر من صفحتين واذا كان اللي كاتب الموضوع ولد صفحه وحده وتخب
اول كنت احسب المشكله هذي عند الاعضاء مو عند بعض المشرفيين والادريين
لكن اشووووف بعض الاداريين والمشرفين ردوووودهم لمشاركات البنات اكثر من الردود
لمشاركات العيال اتمنى من الجميع ا يشاركووووني حل هذه المشكله


ملاحظه
وربي ماكتبت هذا الموضوع ان حاقد على بنت ولا شي لكن اشوف ان اكثر اللي يشاركون في المنتدى من العيال يجي كم يوووم وبعدها يختفي ليه على الردود عند البنات اكثر من العيال
واضرب لكم مثااااال واقع في المنتدى

وان كان مشاركه هنا نقلها لنا عضو ردودها ثلاث او اربع
بعدها باسبوع تجي بنت وتنقل نفس الموضوع استغرب ان ردوده اكثر من صفحه

ليـــــــ whayــــه
الموضوع ماهو نفس الموضوع ولا لان العضو كتبه بالون الازرق
والبنت بالون الاحمر ولا الزهري


تحياتي
هجوووووووووووله

[align=center]:مدري:

والله غريبه ياهجوله..
صراحه موضوعك غريب ..
وماقد انتبهت لهالاشياء..
مايشدني اسم الكاتب كثر مايشدني عنوان الموضوع..
تحيتي لك ..
هجــوره :خجل:[/align]

عزيزي هجووووووووووله

أسمك لغة كاملة هههههههه

==============

شوف حبيبي
هذي مشكلة تعاني منها جميع المنتديات

لكن أن تكون منتشره وبشكل كبير في منتدى غرابيل
الذي يضم بين جوانبه نخبة كبيرة ورائعة من الأعضاء المميزين
فهذي مشكلة

قبل فترة بسيطة
تحدثت مع أحد الأعضاء المهمين بخصوص هذا الموضوع

تدري وش قال..

قال رد على مواضيع الأعضاء ويردون عليك

معقول توصل الأمور إلى كذا

يعني هل أزور جميع مواضيع القسم العام وأرد عليها وكذلك باقي الأقسام
معقول!!!!!!!!!!!


والمشكلة الثانية ياعزيزي
أن فيه مجموعه بالمنتدى تحس أنهم قاعدة وحده

يعني صعب وتجي تخش معهم

من جد أكلمك
حتى والله فكرت أني أترك المنتدى
رغم اني عارف..لو أتركه ما راح أحد يفقدني

بس قلت راح أفرض نفسي عليهم بمواضيعي
ما أبغى رحمة أو عطف أو مجاملة ( تراي والله أكتب الرد وأنا في قمة الهدوء )

والشكوى لله

هلابك ياهجوله وعندي تعقيب بسيط على الموضوع الي تفضلتي بطرحه فأغلب المنتديات تعاني من نفس الظاهره كما تفضل أخي عزف وقال وأنا في نظري أن الموضوع الجيد يفرض وجوده ويحتم على من يقرأه أن يشارك ...

بعض الأحيان يكون هناك مايسمى الشلليه في المنتدى فتجد مجموعه يكون الرد عندهم بمثابة أقتراض وسداد وإيضاً المجاملات بين الجنسين وصحبة والأخوة والإستلطاف لها دور كبير ...

والموضوع المميز يظهر حتى لو كانت الردود قليله والكاتب المبدع إيضاً يظهر لو أنه مقل وعلى قولتهم مايصح الا الصحيح ...


أشكرك مره ومرتين وثلاث :smile:

[grade="00008B FF6347 008000 4B0082"]أختي هجوولة

أنا أعتقد العكس صحيح معظم كتابنا من الرجال ونحن نتحاور مع المواضيع

التي نشعر أنها تستحق المحاورة

أما المجاملات فهي وإن رد الشخص عليها فمصيرها للذوبان

ولكن أعتقد طريقة العرض من شخص لآخر تختلف

فهناك محاورين جيدين تجده لاينهي موضوعه حتى يرد على جميع المشاركين

مما يجعل المشاركين يسارعون في الرد على مواضيعه لعلمهم أنه يقرأ مايكتب في الردود

وتحياتي للجميع [/grade]

أخــــوي هجــوله

مــاظن الــمشرفيـن ولا الاعضاء كـــذا لــكــن مايــشــدهــم اســم الكــاتـب (كــثر) مايشدهــم اسم الــموضوع









// 7 \\

العزيز هجوله

صدقني ان الموضوع الجيد هو الذي يفرض الردود عليه او القرأه له

بغض النظر عن جنس كاتبه

هجووووله

في البداية اشكرك على صراحتك ... وجرأتك في طرح مثل هذا الموضوع الحساس

كلامك صحيح ولا يختلف عليه اثنين

وانا اعاني من هذا الامر ...ولكن انا الآن لو ادخل قسم فيه موضوعين احدهما لبنت والاخر لشاب


لاخترت موضوع البنت قبل الشاب .... والسبب ليه ... مادري


احتمال رحمة في قلبي .... من باب رفقاً بالقوارير


واحتمال لاني دائم اجلس مع الشباب ... فهم يلوعون كبدي بكلامهم

واحتمال ........<< للاذكياء فقط

عموماً


الاحتمالات الواردة كثيرة ...ولكن مهما قلنا يبقى الطرح الجيد والموضوع الشيق والاسلوب الرائع هم من يفرضون انفسه رغم انف الجميع

ومرة اخرى اشكرك اخوي هجوووله على هذا الطرح المتميز


تحية عطرة

موضوع فيه مغايره للحقيقة

غرابيل موطن الابداع وتنمية المواهب ولا يمكن ان يكون كما ذكرت

اقتباس:

---

نظرة أمل
هلابك ياهجوله وعندي تعقيب بسيط على الموضوع الي تفضلتي بطرحه فأغلب المنتديات تعاني من نفس الظاهره كما تفضل أخي عزف وقال وأنا في نظري أن الموضوع الجيد يفرض وجوده ويحتم على من يقرأه أن يشارك ...

---

اقتباس:

---

الرئيسة
أختي هجوولة

أنا أعتقد العكس صحيح معظم كتابنا من الرجال ونحن نتحاور مع المواضيع

---

هجولة حبيبي

لازم تشارك الناس في مواضيعهم

انت الان غير معروف من مراقبة عامة ومن عضوة رقم عضويتها في الخمسينات ,, يعني ما يدرون انت شنب او بنت

ومع كذا يردون عليك وعنوان موضوعك مبهم


الشله في المنتدى كيف تكونت اخوي ؟

ما فيه عضو يعرف الثاني من خارج المنتدى ,, تعرفوا على بعض هنا ,, وصاروا شلة ,, ليه ماتدخل معهم انت ؟؟

انا ابي المنتدى شله وحدة وما ابي احد يتخوف من الدخول في هالشلة

اما كلامك عن ادراة المنتدى فانا مدري انت ناقل الموضوع او انك تقصد ادارة غرابيل

اذا تقصد ادارة غرابيل فانت ظلمتنا لاني انا نادرا ادخل للغربلة وباقي الادارة حساسة والرهيبة لا ينطبق عليهم كلامك لانهم بنات

يعني شكلك ناقل الموضوع ولا نوهت بهذا الشيء

وهذا يخالف نظام المنتدى العام

على العموم اتمنى انك تتكلم بمصداقية اكثر وبواقعية اكثر ,, وتتجنب التعميم

والله مادري واصلن قسمن بالله كنت اظنك بنت ..:خجل:

عن نفسي مو مهم ولد ولابنت بس الاهم الطرح الرائع والموضوع الشيق هو الي يجذبني :احم:

يسلموو خيو

هجوله

انا مانكر ان الولد يميل لرد البنت والبنت بنفس الشئ

ولكن صدقني اللي يبحث ورا البنات ويرد عليهم مافيه خير لنفسه ولافيه فائده للمنتدى اللي موجود فيه

مازاد الطين البله بصراحه وماخرب البنات علينا هو هذا الأسلوب

البنت لما تكتب موضوع والشباب يردون عليها وتلقى الصفحات اربع او ثلاث هي تظن نفسها انها أديبه كبيره

وأن موضوعها كبير وانها مفكره

وهي بالحقيقه ماتدري عن اللي يردون عليها اصلا وش هدفهم

هذا هو نفس الشئ للشباب اللي يكونون مثبتين انفسهم اكثر في المنتديات

فتلقى بعضهم او بعض البنات يكتب موضوع ويطير بالعالي وهو قد يكون سخيف

وتلقى اخر يكتب موضوع بالصميم ولا يرد عليه احد ,,,

أخوي هجوله

أشكرك طرحك اللي فعلا تكلمت فيه عن مشكله نحس فيها

أخوك

الله يعين الاداره

رضا الناس غاية لاتدرك

كان الله في عونهم :تصفير:

مهاجرة باحساس

انا مادري عن قلوب الناس لكن هذي واقعه
في كل المنتديات

شاكر لك مرروك

هجوووووووله

عزف المشاعر

قال ايش قال رد للا عضاء ويدرون عليك
والاعضاء المقصود بهم (الرجال)
اما النساء فلا

لاترد على مشاركتك وانت ترد عليها
خخخخخخخخخخخخخخخخخ


هجووووووووووله

نضرة امل

وش ينفع اكتب موضوع و اتعب عليه واشقى وفي الاخر رد ولا ردين ولا حتى ثلاث وربي
مايسوى تعبي

قولي لي اذا كان كلامي صدق ولا لا

هجوووووله

الرئيسه

وربي ارجو منك توضيح كلامك
لاني مادري وش تقصدين بالضبط

هجووووووله

B i g B o s s

هذي وجهة نظرك اخوي واحترمها

هجوووووووله

طيف الوله

اي ردود اختي طيف
الردود قبل لاتنكتب اعرفها موضوع حلووو وجميل

بس.......
هذا الرد ياطيف اللي يرونه لارقى كاتب

هجوووووووله

سعود

انت قلتها ياسعود ترد على البنت طيب ليه
ماقلت برد على البنت والولد
خخخخخخخخ

مشكور اخوي على مرورك

هجووووووله

طيف نجد

هذي وجهة نظري وقت تكون
قد اعجبتك وقد تكون لا
ولكن هذا الحاصل


هجووووووله

اهلين

اخوي هجووووله


يعطيك العافيه وطرح حلو جريء

ويعطيك العافيه على كل مجهود تبذله معنا


الشلليه هذا شي شر لابد منه

لكن نتمنى انه مايكون هو الصفه الطاغيه على منتدانا


ومااتوقع انه لما تكون الكاتبه بنت يختلف الوضع

لانه فعلا غالبااااا الموضوع وعنوانه هو اللي يشد


انا عن نفسي ما انكر انه في اسماء اتشوق اني اقرا لهم

في الصرقعه مثلا انت والناي الحزين ولازقه بعلك

افرررررح لما اشوف موضوع لكم

لان يعجبني اسلوبكم

ويعلم الله اني ما اعرف احد معرفه خارج المنتدى


اخوي هجوله


روووووق ولاتندفع مررره

وصدقني ان الانسان الكويس والموضوع الجميل غصب بيفرض نفسسسه


تحياتي

,,المملووووووووووحه,,

عشق ليل

حبيب قلبي عشق انا مو ذنبي اذا كان عضو او مشرف او حتىاداري
مايعرف سواء انا بنت او ولد

وبعدين مو معقوله اني ارد على جميع مواضيع الاعضاء لان المنتدى ولله الحمد في اعضاء كثر

اما كلامك عن ادراة المنتدى فانا مدري انت ناقل الموضوع او انك تقصد ادارة غرابيل

اخوي عشق راجع جوابك هذا لان كل موضوع اخذه من منتدى اكتب تحته منقول
والموضوع هذا ماجطيت الموضوع هذا الى انا كاتبه

واتمنى انا يكون كل المنتتدى يد واحده
وان نكون شله واحده لكن ليس على حساب الحزازيه

هجووووووله

مرحباااااا هجووووله


انا لاحظت هالشي بمنتداكم بس وش اقول ماقدر اقول شي لان هالشي راجع للاولاد انفسهم

من جهتي انا لو الموضوع عاجبني سواء من بنت او من ولد راح ارد عليه على حد سواء


يعني مافي فرق عندي ومايهمني من صاحب الموضوع ولد والا بنت

اهم شي مضمون الموضوع


يسلمو هجوله على طرحك هالموضوع

اتمنى من الاولاد الاستفاده منه ومراجعة حساباتتهم

تشكراااتي



همسه

اخي الكريم هجوله

اولا مسا الخير.. كيف لحالك... عساك طيب؟؟

بالنسبه للموضوع اخوي انا اختلف معاك بوجهة النظر..

كثير من الاعضاء والمشرفين يخطأون في جنس الكاتب صاحب الموضوع فمنهم من يكتب اختي ومنهم من يكتب اخي,, وهذا اكبر دليل على ان من يرد لا يرد على الشخص وانما يرد على الموضوع وهذا ما حصل هنا ايضا.. في موضوعك


بل أن الكثير من الاخوه والاخوات ممن ردوا على موضوعك في البدايه ظنو بانك بنت (ولا مؤاخذه) فلو كنت تعاني م نقص في الردود.. فالسبب ليس كونك ولد.. بل انك تأكدت بأن الكثيرين كانوا يظنونك بنت .. مع احترامي الشديد لك..

وأما بخصوص الردود الكثيره فهي موجوده ولكن ع لى اساس معين.. فلو دخلت الى منتدى الالعاب او الغربله وكتبت موضوع بصيغه معينه.. لوجدت الصفحات من الردود تتراكم... لان الموضوع بسيط وردوده بسيطه.. امامواضيع المناقشه الجاده.. والتي اراك متميزا بها..فأنها وكما تعلم تحتاج الى جهد في الرد والقراءه والكتابه.. مما يصعب هذه الردود على فئة كبيره من شرائح المنتدى..وحتى وأن لم تصعب..فانها تحتاج الى نوعيه معينه من النقاش.. وبعض المواضيع لا تحتاج الى نقاش ابدا.. فتجدها امور حتميه متفق الجميع عليها.. فاما ان يرد الشخص انا اوفقك بالرأي واما ان يقول شكرا جزيلا

وعن الشلليه والمجاملات..

لا اعتقد بانها موجوده.. وان كان هنالك جزءا منها قد تم استئصالها.. ولك ان تدخل اي موضوع من مواضيعي التي سبق وطرحتها في المنتدى العام وعلى فترات طويله.. لترى كمية الردود التي لم تتجاوز عدد اصابع اليد..

انت مشرف قديم ومؤسس وانت افضل من يعرف شخصيات المشرفين وسلوكهم.. واعتقد أكبر دليل على ما اقول.. صفحتين من الردود على موضوعك هذا خلال اقل من 15 ساعه


تقبل تحياتي


اخوك النصاب

اسف للعوده هنالك نقطه اخيره احب اثارتها..لك فعلا بعض المواضيع التي تعجبني ولا ارد عليها بحالات نادره ولك بسبب..

كون اصحاب هذه المواضيع لا يردون عليها...

فلو كتب احدهم امرا وطلب مناقشته ورددت عليه موضحا او متسائلا...

وانتظرت توضيحه او اجابته حتى يختفي الموضوع من الصفحه الاولى لشعرت فعلا بضياع تعبك وردك .. وهنالك بعض الاعضاء.. لا يهمش احدا ولا يتركه بل يرد على الجميع وان اختلفت وتباينت ارائهم بنفس الاحترام...

وسوف اعطيك مثالا في اخي الكريم سعود...

ان كنت ذكرته بأسمه فهو من باب المحبه الاخويه..

هنالك موضوع له في المنتدى العام من فتره طويله وعليه ردود من الاعضاء..

ومن ضمنهم رد لي..

وتصلني يوميا او يوما بعد يوم تبليغ الى الايميل بان الاخ سعود رد على الموضوع.. واذهب الى الموضوع لأفاجأ بأنه رد على شخص واحد فقط.. وفي اليوم التالي يتكرر الامر.. حتى حتى وصلت الى اربع او خمس مرات يحضر في كل يوم او يومين.. ويكتب رد واحد.. ويمشي :)


وهذا الشيء لا يزعج مرتادي الموضوع في الايميل فقط.. بل يجعل الاعضاء يترددون قبل الكتابه في مواضيع العضو او حتى ينفرهم من العوده لرؤية رده على ردودهم.. وهو شيء لا ننشده في القسم العام الذي من المفترض ان يكون كل رد فيه موضوعا

اسف للأطاله

اخوك النصاب

واعتذر للاخ سعود .. ولكني احبه.. واوردت اسمه كمثال والامثله كثيره

الرايقه

شكر لك مرورك


هجوووووله

شيخ الشباب

اخوي انا لاانكر ان هنا من الجنس الناعم لهم كتابات جميله
وكثيرون في هذا الصرح
لكن الغريب ان تجد كاتب كبير له رد او ردين وتجد بنت جديده وردودها تكاد تصل الصفحتين
هذا اذا لم تصلها


مشكور اخوي على المرورو والتعليق

هجوووووووووله

وه ياملحي

اشكرك على مرورك
لكن اختي كم واحد ترك المنتدى ومامضى عليه الى اسبوع
وناس اعرفهم وجايبهم انا قلت لهم ليه تركتوا المنتدى
قالوا جواااااااب اسكتني صراحه

قالوا تبينا ندخل باسامي بنات ندخل قلت ليش
قال منتداكم ادخل موضوع وتدخل معاي وفي نفس الوقت بنت موضوع
واجي بكره مالقا الا رد او ردين والبنت صفحه ليييييييييش

هااااه المملوحه هذا شي مايخلي الاعظاء الجدد يتركون المنتدى

هجووووووله

اخوي
انا عن نفسي يشدني الموضوع اكثر من الكاتب او الكاتبه
ماانكر انا لازم اعرف من الكاتب / هــ بس مو مو ضروري
يكون شاب ...
وانا عن نفسي الموضوعات اللي بكتبها ماألقى رد كثير عليها
مثل ماتقول من يوم ماجيت للمنتدى ماعمري كتبت موضوع والرد عليه صفحتين
يمكن يكون العيب بموضوعاتي أو بأسلوبي ادري بس لو مثل ماقالو الاخوان
ان الشباب بكلامهم ومدحهم يعلون من شأن الوحده وهي تحسب نفسها
أديبه أو مفكره كان حصل معي والشله صدقني بينا البنات بتكون عن طريق
المنتدى واذا كثرت التلفونات يمكن الشباب بينهم مقابلات بس أساس الصداقه
بالمنتدى (((((((( وجهة نظر مع احترامي للجميـــــــــــــــع ))))))

مرحبا هجووووله انا عضو لم تكتمل مشاركاتي 30

اي انني جديد ولاكن كل مايشدني هو الموضوع

ولم انضر الى اسم صاحب الموضوع

وعند دخولي الى المنتدى

وجدت ترحيب غير متوقع

مما جعلني اتمسك بالمنتدى

واحاول ان اعطي كل ما أستطيع


وانا أختلف معك


الودعاني :ياهو:

همسة

شاكر لك مرورك وتعليقك

هجووووووله

النصاب

اخوي كلامك حلو وفيه من الصحه الكثير
اشكرك على هذه النقاط اللتي سرتها في هذه الصفحه


شاكر لك مرورك والتعليق

هجووووووله

بسمة امل
واما اقصد من لب الموضوع الدعم المعنوي
يعني اذا كان العضو جديد ارا الرد على البنت اكثر من الولد
بعنب العدل

شاكر مرورك والتعليق

هجوووووله

الودعاني

حبيب قلبي انا ماقصد عن الترحيب اول ماتدخل المنتدى
لان ترحيب غرابيل معروووووف
وانا افتخر اني اكووون من اعضاء غرابيل
انا اقصد في المواضيع

شاكر لك مرورك

هجوووووووووله