( .. ياهي كذا ../.. ولا كذا .. )
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="double,4,black" type=2 line=1 align=center use=ex num="0,black"]
( .. ياهي كذا ../.. ولا كذا .. )
:
لا ماهقيت انك على البعـد تقويـن=مهما يكون خـلاف يانـور عينـي
كنت احسب انك لازعلتي بترضيـن=حيث الزعل روتيـن بينـك وبينـي
وكنت احسب انه يازعل يوم / يومين=ماهو بدايم .. وأن تركتـك تجينـي
بس اتضح لي ماعرفتك بعـد زيـن=وانا الذي كنت احسب انـي فطينـي
اللين شفتـك عـن دروبـي تقفيـن=في وقتها ضاع الأمـل مـن يدينـي
حسيـت بالغربـه وبعـد المحبيـن=ماكنـي .. الاَ .. ميتّـم الوالدينـي
بس اسمعيني دامـك بجـد تنويـن=بالله لحظـه وقـفـي وأسمعيـنـي
هذا قـراري ولا يبـي أي تخميـن=ياللي ملكتي كـل الأشـواق فينـي
ترى حياتي اصبحت بيـن أمريـن=ياهي كـذا .. ولا كـذا .. علمينـي
أما وجودك وأفـرح بشوفتـك ليـن=سيف القضى يابنـت وقتـه يحينـي
وأما أقبريني قبـل لأنـك تروحيـن=مالي حياه بـدون شوفـة ضنينـي
لعلَـك ليـا شفتـي القبـر تبكيـن=ولو هـي ثوانـي بـس تتذكرينـي
واليـا وصلتينـي آمانـه تقولـيـن=بيتين مـن شعـري وثـمْ أتركينـي
لأني عشقتك عشق مالـه موازيـن=ضحيت من شانـه وذبلـت سنينـي
وأني هديتك مهجتـي وقـرة العيـن=وكنت أحسب انك ياغـلا تنصفينـي
هذي وصاتي والرجاء حفظها زيـن=وتكفيـن دامـك مقفيـه سامحينـي
:
مـاجــد بـــن شـاكــر [/poem]
