مرثيه بوالدي رحمه الله؟؟؟
[align=center]السلام عليكم ورحمة الله وبركاته
اعزائي رواد هذا الصرح الشامخ بنجومه
اعود لكم بعد غياب اعتبره طويل بالنسبه لي
ولكن حكم الظروف اجبرتني على هذا الانقطاع
كما لايفوتني ان اتقدم لكم بالشكر الجزيل لكم جميعاً
على صادق الاخوه بيننا والتي اثبتتها لي الظروف وهذا من طيب اصلكم
اتمنى من الله العلي القدير ان لايريكم مكروه..
وهنا اعود لكم بقصيده مرثيه بوالدي رحمه الله
عسى ان تنال على رضاكم[/align]
ولكم تحيااااتي وتقديري،،،،،
[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
الله من قلب تخالف طواريه = تقبل وتقفي به هبوب الشمالي
لاراح ثلثين(ن)من الليل يسريه = لاطاب نوم اللي من الهم سالي
تدك به في حلو نومه وتوذيه = بين الضلوع العوج يصلاه صالي
من حر مايونس تضكه محانيه = واهيم من همي على كل عالي
ضاقت بي الدنيا من الهيه للهيه = كني على وجه البسيطه لحالي
شربت مر الوقت ماذقت حاليه = واصفق يديني باليمين الشمالي
متذكرٍ غالي ولانيب ناسيه = راح وغدن به مقفيات الليالي
اي والله ابكي والمناعير تبكيه = ويبكيه من همه سوات الجبالي
ويبكيه من ضيع زمانه مراويه = ويبكيه مضهودٍ حموله اثقالي
ويبكيه من جاله من البعد ناصيه = وتبكيه شبت نارها والدلالي
شيخٍ يقوم بحق ضيفه وعانيه = والجار عنده في حساب الموالي
ويجزع الى شاف الخطا مايدانيه = حر تعلا فوق روس الطوالي
واليا اعتزوبه كاملين المشاريه = يحل شرك مشربكات الحبالي
وان امكروه اهل الوجيه المكاريه = يحتال في حيلاتهم مايحالي
لاطاوله عي الآوادم يداويه = يصبح كفيفٍ من سوى العقل خالي
مامله اللي في طريقه يخاويه = بعيد سدٍ لامشى مايبالي
وان كبرت القاله كبارٍ هقاويه = تعدها عند الرجال الرجالي
يارب عبدك مومن(ن) رافع يديه = يطلبك عفوك لاغدى العظم بالي
يالله يارحمن يالله تنجيه = من هول نارٍ تصطلي باشتعالي
نور له المنزل وثبت مواطيه = يوم النشور ويوم رد السؤالي
يارب من كل الخطايا تنقيه = كما ينقى الثوب ياذا الجلالي
دربٍ مشاه وكل مخلوق ماشيه = مها يكون الوقت والعمر طالي
ماحدن بها الدنيا زمانه مخليه = دنياً تدور وخاتمتها الزوالي
لو راح من عمر الفتى كثر باقيه = ماكن باقيله من العمر تالي[/poem]
[poem=font="Simplified Arabic,5,crimson,normal,normal" bkcolor="transparent" bkimage="backgrounds/11.gif" border="none,4,gray" type=2 line=0 align=center use=ex num="0,black"]
مابقى بالوقت ذرّة أمل والعمـر ضـاع = تزرع الايام زرع(ن)وترجـع تصرمـه
ماسلم من شرّها قلب مفطوم الرضـاع = كل ما دارت ظهرها تجي لـه مضرمـه
توهم الجاهل وتنوى الخديعـه والخـداع = كم عزيزٍ(ن) من عزيزٍ تمنّا تحرمـه
ضامرات بطون حمّل خبرهن ما يشـاع = فاتنات(ن)ساحـرات القلـوب المغرمـه
كاسيات(ن)عاريات(ن) بهن كل الطبـاع = ذاكرات(ن)ناكرات اللئيـم امـن اكرمـه
من خذنّه في هواهن لقـى لـذّة متـاع = لاطلـع فـوق الثّريّـا يهـدّن اهرمـه
لو وقف وقفة شجاع(ن) يبارزله شجاع = تسبق العـذل المنايـا بيمنـن مجرمـه
واينع الراس العصامي ولـوّح بالـذراع = وابتدت فيه المواجـع وجالـه هذرمـه
عقب ماكانت دروبه على رجله وسـاع = صارت اضوق من دروب الخيوط المبرمه
انتهى وقت الوداعه وجا وقـت الـوداع = الكريم اللـي عطاهـا خذاهـا بكرمـه[/poem]
