@@ ذكريات الديــــــــره @@
اهدى لهذا الصرح الشامخ بشموخ اعضائه هالأبيات المتواضعة
و إن شاء الله تنال اعجابكم
[poem=font="Simplified Arabic,5,black,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
يرحم الله ذكرياتك ياربوع الديره = يوم كنا نجتمعبك في حماجدانى
كل شىٍ فيك مبطى بان به تغييره = واكبرو كل الصغار وماتوالشيبانى
يرحم الله السنين الماضيه والخيره = واجتماع الاهل والاقراب والعربانى
مشهدٍ يعجز خيالى ياعرب تصويره = تقصر الابيات في وصفه وكل الحانى
لاذكرته ياخذ الخافق معه تخديره = ولايصحيني منه ياكوددمع اعيانى
في عيون صغيرٍ يقصر فضا تفكيره = مادرى ان الحياه ابها شقا واحزانى
ذكريات يجمعن طعم الشهد والشيره = أثرت في شخص رجلٍ يحكم القيفانى
شاعرٍ ماقد خذل حرفه ولاتعبيره = لاكتبها يقهر الاصحاب والعدوانى
ذكرياتك يوم اجيلك يقبلن مغيره = عقب مااقول الزمن هو والبطا نسانى
يرحم الله العوادة طيبين السيره = مكرمين الجار والخطار واللى عانى
علمونا الدين ثم المرجله تقديره = واحترام كبار الاقراب والجيرانى
وعلمونا لاتهاون في حقوق الجيره = ولايبور بحفظها الا منسب الرديانى
وانجبلنا للمكارم والعمار صغيره = مستمده من علوم وسيرة الشجعانى
ويرحم الله بيت ناسٍ فأول الدحديره = فيه زبدة ذكريات الحب والخلانى
يوم كنا عند بابه نلعب الدوًيره = وابتدا درب الغرام بلعبة الورعانى
نجتمع صبح النهار ونفترق بعصيره = ون تفرقنا وعدنا بالنهار الثانى
يوم كان الاختيار الها فقط لاغيره = ومن طرفها الاختيار محمد الحمدانى
كنت ابادلها الشعور وزايدة بالغيره = من جميع اعيال ديرتنا وحتا اخوانى
ثم دارت دورة الايام سير وسيره = وافترق لعب البنات ولعبت الصبيانى
وابتدا حب الطفوله بالنظر تمريره = والرسايل والقصايد ترسم الاشجانى
ويوم نعنع عودها المبري بدا تأثيره = انفرض لبس الحجاب بسنة العدنانى
وابتدا المشوار فاللوعات يقرع زيره = وابتدا شوقي لشوفه بالحشا يصلانى
وابتدا حلم الزواج مع الامل تصبيره = مير ربي ماكتبها والبلا عمانى
ويرحم الله الغرام اللي بدا بـ منيره = وانتهافي عرسها وابتدا الحرمانى
هاذي اروع ذكرياتك ياربوع الديره = واعذرينى لوقصرت ولوحصل نقصانى[/poem]
