الاسود الضاريه ... ( بني هاجر )
[align=center]اخواني في غرابيل
هذه قصيده أقدمها هديه متواضعه
لربعي وجماعتي من بني هاجر
ولاقصورن في باقي القبايل
بعنوان
الأسود الضاريه ( بني هاجر)[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أبدى بذكرك يااله المسلمين = ياواحد(ن) من خشيته ننحنيله
يامن خلق ذرية آدم من الطين = فّرقت بين الصاحيه والهبيله
من قدرتك ياعدل بتعز وتهين = يوم الحساب ونفس عبدك ذليله
قبل أمس تالي الليل والناس ممسين = وأنا بعد غافي وحالي عليله
قام الجهاز يرن .. مّره وثنتين = وأخذ على حاله كذا طول ليله
تقريب دق الين وصّل ثمانين = وأنا أتعمد .. حاقره .. ماأشيله
وكاد شلته.. قلت .. ألو .. وبعدين = يغنيك عن كثر اتصالك قليله
لي ذاك صوت(ن) جفّل النوم في العين = وحده .. وقالت .. قاتله .. أو قتيله
أفا .. اموت وتوّني في الثلاثين = ويش السبب .. ياام الرموش الظليله
قالت أنا ويّاك حول اربع سنين = ولي يومنا مدري من أيّة قبيله
ردّيت انا .. حنّا على أعتاب الألفين = واللي مضى روّح .. وروّح بجيله
قالت جعلني ماخلا منك .. ذالحين = أظهر نسبك وسهّل المستحيله
يابنت .. أنا لي لابة(ن) دلّها زين = مايهتني عدوّها في مقيله
هواجر(ن) من ساس جنب القحاطين = ضياغم(ن) ياسعد من نرتكيله
تاريخنا ظفرين وعيال ظفرين = وكل(ن) على ماقال .. فعله دليله
لاثوّر البارود بين الفريقين = واشتب ليل(ن) مايزبّن دخيله
ناتي كما رجم(ن) .. على القاع راسين = مااشفى وليد اللاش منّا غليله
نقهر عزوم اللي لنا خاطره شين = ولو هو يخت خت للردى عزتيله
نعطيه باللي طولها حول شبرين = لاوقّعت في جوفه أدنت رحيله
فـــ مواجه العيّال ماحن مقفين = وشي(ن) طمعنا فيه غصبا نجيله
نحرق كبود الحاشيه والسلاطين = والظالم الجبّار نقصر طويله
حنّا الاسود الضاريه في الميادين = ورجّالنا ياصعب يظهر مثيله
عند الليالي المحق .. يقسى بلا لين = ولاجا نهار الكون عزمه فتيله
ياطرّ جيب اللي لنا عندهم دين = الثار للشغموم .. خلّ وخليله
تشهد لنا الاوجام .. صفوى .. ودارين = والساحل الشرقي كسبنا عميله
ويوم العرب كانوا طغاة ومساكين = كنّا الطّغاة وتشهد النا الحصيله
ويوم انتخى عبدالعزيز البداوين = يبغى بحد السيف نشر الفضيله
ماجابنا له ذلّ .. جينا عزيزين = ندعم هل التوحيد بأية وسيله
سقنا حلاة الروح سوق المجانين = مايردع المصدوع شلفا قبيله
وفي الطيب يااهل الطيب حنّا النقيين = حنّا النوايا الصادقات النبيله
وفي صفحة الأجواد حنا العناوين = اقرب ياراعي الهم .. همّك نزيله
لو الكرم ورده .. افــ حنّا البساتين = حنا العطايا الغانمه والجزيله
قصيرنا يلقى قصير(ن) على الدين = يشتلّ حمله .. لو حموله ثقيله
كنّه أخوه أو من جماعته الادنين = لاغاب راعي البيت يكفي وكيله
وان صار مادون اللّحي غير الايدين = صاح و زهمنا وعض بــ اثمه شليله
ناتيه فزّاعه وناتي مطفّين = بسيوفنا فوق الخيول الأصيله
انصفّ من دونه حميّا وتحصين = ولو حتّم الموقف .. نموت بسبيله
هذا الحكي في ظاهره والمضامين = مدخال طيب و كلبونا انعنيله
قالت أنا اشهد حق .. وافين وافين = أنتم عتاد المجد .. سيفه وخيله
قلت القبايل كلّها دلّها زين = تاريخهن أبيض قبيله قبيله[/poem]
[align=center]أخوكم
فهد بن عبدان[/align]
