السلام عليكم ورحمة الله وبركاته
اخواني الأعضاء هذه قصيدة من قصائدي
التي أتمنى أن تحوز على رضاكم وإعجابكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يا بنت روحي ما بقى شي ترجيـن =أرجوك روحي وأتركينـي لحالـي
حبك نسيته يـا مـرة قبـل عاميـن= وأبشرك قلبي غـدى اليـوم سالـي
أمشي طريق الغدر مع نـاس ثانيـن= أمـا أنـا مالـك بقربـي مجالـي
ودامك سمعتيبي حكي ناس واشيـن =روحي لهم ما بـي أشوفـك قبالـي
كم قلت لك يا بنـت تكفيـن تكفيـن =لا تطولـي بعـدك علينـا تعـالـي
ويا ما نصحتك بالمورفـات والليـن= وأنتي بنصحي شامتـه مـا تبالـي
غرك جمالك والكبر يعمـي العيـن =حتى رخص حبٍ من سنيـن غالـي
أول بهجرانـي وصـدي تباهـيـن =واليوم أشوف الدمع بالعيـن سالـي
ما أطرد ورى المقفي ولو كان غالين= بأطرده من فكـري وقلبـي وبالـي
وروض المحبة بعد ماهـي بساتيـن =صارت صحاري ما بها الا الرمالي
حبك تهدم مثـل مـا يهـدم الطيـن =لأنه ضعيف الساس غـضٍ هزالـي
وش رجعك يا حالفـة مـا ترديـن= وش رجعك لي جاوبي عن سؤالـي
أكيدودك يصبـح الجـرح جرحيـن= والجـرح الأول تلحقينـه بتـالـي
مايلدغ المؤمن مـن الجـرح ثنتيـن= مانيـب ناقـص عقـل ياهمـلالـي
من يقرصـه حيـه وداب وثعابيـن =محدٍيلومـه لـو يخـاف الحبالـي
وشلون أنا بشريـك وأنتـي تبيعيـن= ماأشريك لو كنتي بقـرش وريالـي
أهتزت الصورة وطحتي من العيـن =وأنحط قدرك عقـب ماكـان عالـي
ولا مايأثـربـي حشىلوتصـديـن =يابنـت أنـا شامـخ سواةالجبالـي
ومانيب طامع في جمـالٍ ولازيـن =الطمع والله فـي خـوات الرجالـي
شف كيف تفكيـرك يوديـك لاويـن= خذهانصيحةخـل عنـك الهبـالـي
وإن كان تحسبني بأجيلـك فمسكيـن= والله لأحرمهاولـوهـي حـلالـي
أناعزيزٍصلـب نــاسٍ عزيـزيـن =عـادة لشيبـانـي وورث لعيـالـي
والله ونعم يالقرم
غريب ماتعـرف خصالـي أللحيـن =كل ذالسنيـن وماعرفتـي خصالـي
باقولهـالـك وأختصرهافبيـتـيـن =مالك أمل يا هاجرة فـي وصالـي
وإن كان رجليني على الوصل ناوين= نذرٍعلـي لأقطـع يمينـي شمالـي
وإن كان أذل النفس من شان ترضين= أحسن لي أرمي غترتي مع عقالـي
[/poem]
للاستماع للقصيدة
http://members.lycos.co.uk/adn249/y_bnt.ram
لتحميلها
http://members.lycos.co.uk/adn249/y_bnt.rm
وسلامتكم
أخوكم
حزين الحرف
عبد الرحمن سعد
