المشاركة الأصلية كتبت بواسطة !شيخ الشباب!
[frame="7 80"]
السلام عليكم
أسعد الله أوقاتكم بكل خير........
هذا جديدي ,,,
وهي قصيده موجهها لأخوي الشاعر / فالح الشلوي
وأتمنى أن تنال أعجابكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الدله الصفراء على صالي النار = كيف النشاما والرجال المشاكيل
في مجلسٍ يلفونه وجيه الاخيار = مارددوا حكي المقالات والقيل
تطرب لي الجلسه وتطرب لي الدار = لاصار راعيها على الطيب حلحيل
ويردد الترحيب ترحيبة الحار = وتشم ريح العود والبن والهيل
وتساق لك دله على العز وتدار = وابريق شاهي ٍ ذللوا فيه تذليل
سواة من زله بحرفه ومقدار = ضار ٍ على شغل الرجال المداهيل
ان جيت له ناصيه وان جيت له مار = يطربك شوف مصففات المعاميل
يازين فعل الرجال اللي لهم كار = اي والله تنومس فعول الرياجيل
لاضاق صدرك ثم لفيته بمسيار = تفرح بشوفه مثل فرحتك بالسيل
ولو هو بعيدٍ عنك في وسط الاقطار = يقرب له الكيلو ويقرب له الميل
حطه على يمناك لو صار ماصار = هذا الخوي اللي يفز الك ويشيل
يامسندي ولّم على الجيب فكس آر = موديل خمسه اسودٍ كنه الليل
ياماحلا جنبه ووجهه اليا دار = وان شفت نوره قلت نور القناديل
مهبط مظبط مافيه مسمار = تصنيع ياباني بشكن وتفصيل
اركب عليه ونحره اسود القار = لشرق الجزيره انص دار المشاعيل
واذا أنثنى خطك توجه به يسار = حتى تشوف الغاز بايمنك وتميل
على يمناك اتشوف بيتن له انوار =رمز الكرم والجود سوق الفناجيل
وسلم على أبو مشعل الطيب البار = وعطه الكتاب ورتل العلم ترتيل
وقله تراني من هوى البال محتار = من ام العيون اللي هدبها مظاليل
العين تصب الدمع مدرار مدرار = وانا على الفرقى اجر المواويل
وان رد فالح بالقوافي والأشعار = يبيض الله وجه من يحكم القيل[/poem]
وسـلامـتـكـم,,,
أخوكم
ماجد ابن حباب[/frame]
