المشاركة الأصلية كتبت بواسطة محمد بن دحيلان
[align=center]السلام عليكم
للتواصل
وعسى الله يكتب لها قبول
سلمان المقصود ... هو ابن عمي .. المهندس سلمان بن نمشان السهلي مدير استاد الملك فهد الدولي .[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الله يكثر خير سوداليالي = خلتني اعرف كم للاصحاب ملة
لامن طغت ماوقف إلا الحالي = واندرهمت لي جات شلة وشلة
مشكور ياوقتي على اللي جرالي = مانيب ضايق من عطايك لله
وإذا على الصدمات ياهم لالي = حظي مقفي والزمن فية خله
البارحة يوم اكثر الناس سالي = وانا ارقب انجوم السماء والاهله
من همي اللي ماله اول وتالي = فوحه على حدب الحنايا يزلة
لونها على الحمول الثقالي = مهتز متن كايد الحمل شله
لاكنها طعنه ومن كف غالي = رجة صفى صلب الجبال المطله
سلمان طال الهم ياخوك طالي = همٍ يابو مخلد خفوقي يتله
سلمان ياحظ الحجر مايبالي = وياحظ من لا ضاق دمعه يهله
وياحظ من حظه فرش له زوالي = وكفّي دقايق هم وقته وجله
عالي واعرف الطيب ياخوك عالي = وان الكرم ظل المناعير ظله
ساطي وربعي يحتمون التوالي = لاجا نهارٍ فيه لسيف سله
لكن اشوف الوقت ينكر سؤالي = وقتٍ سؤاله ما تلهمة حله
اليا متى يالقرم وانا شمالي = واليا متى ندمح ونجزى بزله
جعل الردي يفدى زحول الرجالي = اللي دروب الطيب مثلك تدله
وختامها لله در اليالي = خلتني اعرف كم للاصحاب مله
وسلامتكم[/poem]
