لاهــانت بثينــه ولاتهــون عــــزَه !!
اعزائي أعضــاء هذا المنتدى الجميـــل .. كل عام وانتم بخيـــر .. وأعتذر لكم عن غيــابي
في الفتـــره الماضيـــه لظروفي الخــاصه .. وأطرح بيــن ايديكــم هـــذه الأبيــات متمنيــاَ
أن تكون بجمـــال ورقي ذائقتـــكم .
======
[poem=font="Simplified Arabic,6,black,normal,normal" bkcolor="transparent" bkimage="backgrounds/17.gif" border="ridge,5,teal" type=0 line=1 align=center use=ex num="0,black"]
بين الهقاوي والجفا والمعـزَه=لاطايب قلبي ولانيب طايب
لافات همِ جاك همِ يلـزه=كتايب تقفي .. وتلفي كتايب
يللي غيابك تل صبري وجـزَه=الى متى قلبي برجواك ذايب
العمرواحد وأجمل العمر حـزَه=ترجح موازين الرضا بالحبايب
عن جفني اللي كل طيف يقـزَه=وتشد يمك من هجوسي ركايب
علم طيوفك لاتجي تستفـزَه=وتروح نظراتي شتات ونهايب
الله كساك الحسن والزين بـزَه=والله على عبده سخي الوهايب
وسخر لحبك مثل قلبي وكـزََه=ولاحلت القدره تضيع السبايب
لك شامخ في خافقي ماتهـزَه=هرجة عذول ولاتهده نوايب
وبيرق غلا ( إنت ) بيديك رزََه=بين الحنايا يستثير الهبايب
لاهانت بثينه ولاتهون عـزَه=ولاهانوا الخفرات شقر الذوايب
ماغيرك احد في خيالي تنـزَه=وعن غير زولك شوفي سنين تايب
بين الهقاوي والرجا والمعـزه=متى تجيني علم يااعز غايب
الله يجيبك .. واعذب الوصل حـزَه=اكون انا وياك والهم طايب[/poem]
وسلامتكــــم
