اجمد .. واسيحه ..!!!

[align=center]

غرابيل



قلت حروفي في الآونه الأخيرة



علّهم روادك ومرتاديك



يغفرون خطيئة الابتعاد



بلحظة الوصل



اتمنى ان تروق لكم



طلال ..



[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
القاف يطربني ليامن بديته = وحروف قافي في عيوني مليحه
وإن ضقت اسويها على اللي بغيته = أترك مخابيها وأجيب الصريحه
والفكر يتثنى ليامن طريته = وإن زان فكري له تجود القريحة
فياراكب اللي للسلاطين صيته = جيب(ن) من الوعرات كاسب مديحه
سوبر سفاري جمّلك لاعطيته = يعطيك مايبخل عليك بكديحه
لونه كما ليل الدجى لاسريته = وإليا سرا ماقدم بديه يزيحه
وإليا لقم بإثنين حر(ن) نخيته = زاد انصرامه والحباري سديحه
منصاك شخص(ن) فالبشر لا إلتقيته = تلقى الشبب والعود ويّا الذبيحه
وتلقى العلوم الغانمه لا لفيته = وتلقى العرب في مجلسه مستريحه
يندل فالشده وفالضيق بيته = وأقسى صواديف الزمن ماتزيحه
حر(ن) قطامي فالنوايف لقيته = عالي ومن عاداه ذاق القميحه
لامن نخيته حل ماقد رجيته = وخلى المشاكل من ورايه طريحه
والهم لا أطغى ببوغازي كويته = أبيح له سر(ن) حشا مايبيحه
فإليا لقيت الصاحب اللي نصيته = سلم جوابي علّي ألقى النصيحه
وقله ترا حالي غدت شبه ميته = من صاحب(ن) عجزت لا أشم ريحه
الصاحب اللي بالحياة اشتريته = صد وعساي أعرف وش اللي يريحه
ضاق الزمن فيني وأنا مارويته = وأمسيت ضايق والمشاعر جريحه
ماغير أدوده والعذاب ابتليته = مرات أصيح إله ومرات أصيحه
من بعد ما أصبح حلمي اللي بنيته = أمسى ألم جا للفرح يستبيحه
يضحك وأنا من دم قلبي بكيته = ويخلط حكيه الجد ويّا مزيحه
بين الضلوع الحدب بيته بنيته = ووسط الألم خطط لقلبي مطيحه
يلعب على عمري وفيه إفتديته = وألذ لعبه من مذاق الشريحه
مثل الشهد ريقه وحكيه وليته = يسمع نداي وحبنا ما يطيحه
ويزيد شوقه والتجاهل يميته = ويكتب لقلبينا حياة(ن) مريحه
وألقاه فالنسيان لامن نسيته = ويقرا الغلا داخل عيوني وابيحه
وأقرا عيونه وأكتب اللي قريته = شعر(ن) عليه الحب كابح جميحه
وأدندنه في لحني اللي هويته = وأرقص عيونه محبه وأطيحه
في بحر شوق من الخيال إصطفيته = واتضمضمه لأمواج وتهب ريحه
واضمضمه بالحب لامن ضميته = وأزيل كل الخوف عنه وأزيحه
وأذوب لامن ضمني واحتويته = وأجمد على صدره محبه وأسيحه
وأعطيه كل اللي بعمري خذيته = وتزهر له بجوفي ركون(ن) فسيحه
وأعامله باللين وإليا عصيته = يارب تجعل خاطرينا سميحه
وإن حل ذكره بالكلام إنتشيته = كن المشاعر بالمحبه لقيحه
وإليا سهيت أسهاه كاني سهيته = وأبني بسهوي كل فكره رجيحه
وإليا تضايق من همومه حميته = لين الهموم إن حل ذكره تصيحه
وأبختره بالحب واللي جنيته = وأخلي العذال تحته رزيحه
لكن خلي يحسبني جفيته = وأقفى ومن فكره غرامي مزيحه
مدري وش اللي غيره يوم جيته = صد ونطقها قال فرقا(ن) صريحه
ماقدر اللي من حياتي عطيته = ياعبيّد ولا قال وشو يريحه
وهذاه حظي خابره من وعيته = إن زان يلقى مايسبب مطيحه[/poem]





آسف على الإطــاله.. :smile: :smile:[/align]

وألقـاه فالنسيـان لامـن نسيـتـه
ويقرا الغلا داخل عيونـي وابيحـه
وأقرا عيونه وأكتـب اللـي قريتـه
شعر(ن) عليه الحب كابـح جميحـه
وأدندنه فـي لحنـي اللـي هويتـه
وأرقص عيونـه محبـه وأطيحـه
في بحر شوق من الخيال إصطفيتـه
واتضمضمه لأمواج وتهـب ريحـه
واضمضمه بالحب لامـن ضميتـه
وأزيل كل الخـوف عنـه وأزيحـه

الله الله الله

بوح وعزف ونزف اكثر من رائع

تعودنا منك دائما الجمال متوشحا احرفك وها انت تأتي الينا بهذه الرائعه لتعانق مشاعرنا قبل اعيننا

صح قلبك ياطلال صح قلبك

وإليا تضايق مـن همومـه حميتـه
............... لين الهموم إن حل ذكـره تصيحـه
وأبختـره بالحـب واللـي جنيتـه
............. وأخلـي العـذال تحتـه رزيـحـه

صحح قلبك ياطلااال


واهلاا بك بعد هذه الغيبة

اشتقنا لك ولحرفك كثيراً


فلا تتأخر علينا

وأدندنه فـي لحنـي اللـي هويتـه
وأرقص عيونـه محبـه وأطيحـه
في بحر شوق من الخيال إصطفيتـه
واتضمضمه لأمواج وتهب ريحـه
واضمضمه بالحب لامـن ضميتـه
وأزيل كل الخوف عنـه وأزيحـه





ياسلام عليك يامشعل


قصيده رائعه يالغالي

وتألق جميل بصراحه


انشدت فاطربت


لك تحياتي


ماجد ابن حباب

أخوي طلال الحافي
مرحبا بك من جديد
افتقدنا قصائدك الرائعة
صح لسانك على هذه المصافحة والمصالحة
كم هي رائعة وخفيفة
رغم طولها لانشعر بها
لا تحرمنا من جديدك

طلال الحافي




اسم مرتبط با الابداع






بيض الله وجهك ياجزل





هذا الهواء يسوي سسسسسسسسوايا




تقبل تحيات اخوك

أخي الغالي ،، المتألق على الدوم

طلال حافي

أسعد الله جميع أوقاتك بكل خير و مسرة

أي إطالة تتحدث عنها ،،

و نحن من تمنينا أن لا تنتهي الأبيات

و لا ينتهي بها اللحن ،، و لا الخلود ،، و لا الإستعمار الجميل

أبداع كل الإبداع

و قدمت لنا قصيدة ،، تحفة

سلمت

لا حرمنا الله تواصلك

و في رعاية الله دمت ،،،

الاخ العزيز




طلال الحافي


الصاحب اللـي بالحيـاة اشتريتـه
صد وعساي أعرف وش اللي يريحه
ضاق الزمن فيني وأنـا مارويتـه
وأمسيت ضايق والمشاعر جريحـه



اقل مايمكن ان نقوله



راااااااااااااااااائعه وجزله !










أخوك


فهد بن عبدان

أخي طلال الحافي

أجدت يا طلال

وكنت رائعاً في هذا النص الوارف


تقبل تحية أخوك

السلام عليكم


اخى العزيز طلال الحافي


صح لساانك ولا هنت


اختك ديمة الشوق

طيف الوله


اعتادت حروفي تواجدكِ


ورائحة عطوركِ



صحّت مشاعركِ



ودمتي لنا

عشق


تشتاق لك العافيه يابعدي


صح بدنك يالذيب



وعند الطلب

ماجد



صح بدنك يابن حباب




وجودك شرف لي




دمت لنا

الله عليك


قصيده تحمل من الجزاله في الحرف والمعنى الكثير

لا أملك الا ان اقول

صح لسااااااانك مليوووون ولاتهووون

طلال ...... !!





صح الله قلبك وفكرك ملايين يالجزل





مبدع مبدع مبدع الى حد الثماله




قلم يجبرك على قرأة جميع ما يكتب دون تردد ومتابعه صفحه الشعر متى يحل قلم طلال بروائعه




لله درك اشبعت الغياب ابداع




صح الله قلبك مليووون ولا يكفووون




اخوك



عذب

[align=center]الله


الله


قصيده رائعه من شاعر رائع


صح السانك لاهنت


تحياتي نايفه[/align]

مرااحب
سيدي
طلال الحافي
رائع جدا كالعاده,,
دايما تشد انتباهي بقصاائد ك الفائقه الجمال
واحرص دوماعلى متابعة جديدك بشغف
دمت للجمال قلم ينقش على كفه

صح اللساااااااانك ملااااااااااااين
قصيده جزله وراااااااايعه
من مبدع
دام وهج وابداعك
تحيااااااااااتي