مصافحه اولى .. (( المنبطح والحبّاي !! ))
[align=center]الأخوه أعضاء ومشرفين
كل سنه وانتوا بصحه وسلامه
يطيب لي أن أهديكم هذه المتواضعه
عسى أن تجد استحسانكم !!
.
أنا / لو العزوم تخون مرّه ماتجي ويّاي
أبدّلها بخنوع يعز من في الذل متّسمه
.
(( المنبطح والحبّاي ))[/align]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
على كثر الحزن في داخلي يابسمة محيّاي = قهرتي عاذل(ن) كل امنياته تختفي البسمه
يحسب ان الظروف ان عيّت تجيني على مشهاي = أبسكت واقتنع من باب / كل(ن) راضي بقسمه
حبيبي / عاذلي / وسنين عشره / ماثبتله راي = أبرسلّه حروف(ن) في الحشا غاديلها وسمه
أنا يمكن مقصّر في حياتي / ماحسب للجاي = أعيش اليوم / حرّ / غيوم / أتعامل معه باسمه
عشقت امن العذارى كم / كثر ماتمتمته شفاي = هويت الغيد / سمر وبيض / كل(ن) ميزه رسمه
ولكنك الوحيد / أمرك / ويوم(ن) قلت / روّح جاي = تلقيته مثل مايلتقي المكتوم بالنسمه
لك الله والجوارح / قدم عيني / تسندك لرضاي = تجيني / راي واحد / ماخبرها جات منقسمه
عشقتك كثر مايكره / غريق / يشرّبونه ماي = ولفتك / كثر مالطماع / يرفض مبدأ القسمه
رحمتك/ كثر ماني قاسي(ن) فــ امعاملة أعداي = ويثبتها/ خفوق امن الغلا لك / ضاق به جسمه
ولاقد مرّ / فكّرت أتسمّع / هرجة الحكّاي = مني في عازته / ولاّ في عاز أخباره الدسمه
ثقه عميا / قرادة حظ / غيّر لوتبي / معناي = خطاي انّي أبقطف لي ثمر / ماوقتنا وسمه
تفاجأت بجنونك / ياجنوني / يستبيح ابكاي = يبي يلمح علامات الحزن في الوجه مرتسمه
غشيم(ن) مادريت المنبطح يصعب على الحبّاي = وكايدتن أجي في وسطها / في الساع / منحسمه
أنا / لو العزوم تخون مرّه ماتجي ويّاي = أبدّلها بخنوع يعز من في الذل متّسمه
تركّد / واعرف ان الوقت مايمحق على النسّاي = وعمر الرجم مايجزع الى من جارت النسمه [/poem]
[align=center]أخوكم
فهد بن عبدان[/align]
