يـــــاربي ياحلو المـباريات !!!!
[align=center]سلاااااااااااااااامي عليكم
شــــــاونكم شخباركم عساكم بخـــــــــــير
المهم هالايام الجــــــو بديــــــــع والايام عــــــيد .... فلذلك لا بد من الطلعة <<
فقررت انــــــــــاا وصديقاتي نطـــــلع وين نروح وين نروح مافيه مكان في الكويت الا زحمة
مالنـــــــــــــا غير المطــــــــاعم جنه ناقصين اكل ببيوتنا لذلك قررنا ننثبر ببيوتنا لحسن لنا
وقبل امس قاعدين قاعدين نقلب يالتلفـــــــــزيون والا القناة الثالثة الرياضية حاطه اعــــــــلان
عن مباراة الكــــــــــويت ومــــــــــاليـــــزيا ويسالــــــــــــــــون الجمــــــــــــاهير الكــــــويتيه
الفزعة لمنتخـــــــــبنـــــــــ ــا <<< اهني حن عرج الوطنية في وحدة فينا
قالت حكمت << النك نيم لاول وحدة من صديقاتي ... بنات تخيلوا نكون في المباراة في هذه
اللحظه لفينا عليها كلنا ورمقناها بنظرة تعجب واستنكار وسخريه
وردت تفيـــــــــــده : ايـــــــه عشــــــــــأن ياكلونـــــــــــا << ياربي البنت من وين طالعه
ردت حكمـــــــــــت انا اتكــــــلم من صجي اشفيكم ... ليش لا احسن من هالمـــلل اللي حاسين
فيه قالت نعمت ايه انا سمعت انهم باجر بيخلون الدخول للنساء فقط خخخخخخخخخ
قالت تفيده ايه صح حتى انا سمعت جذي حتى يقولون ان اللاعبين بيلبسون بواشي وغطوات
خخخخخخخخخخخخ عاد في هاللحظه حكمت ثار بركان غضبها
وقامت تسب وتهزء الشرهه مو عليكم على اللي تبي تونسكم عمى بعيــــنكم << مو جنها طبت فينا
قالت عطـــيات يابنات والله حكمت معا ها حق بس اسمعوا باقي خطتها هي اليوم قالتها لي بس
انا في البدايه ماعطيتها وجه
بس بعد تفكير عميق لقيت معـاها حق قلنا يالله امرنا لله اتحفينا قالت تذكرون هذيك المره يوم
لبسنادشــــــــاديش وشمغ ريايـــــيل والله محد عرفنا حتى اهلنا يعني بيكون الوضع عادي محد
راح يلاحظ وانا راح اسيطر على الوضع تمام ( ترى مو اعلان بامبرز بامبرز << حللاه من يجيبلي
اللي يسوي هالاعلان اروح اذبحه خخخخخخخخخخ)
المهم نرجع لمحور حديثنا قالت رفعت والله فكره حلوه خندخلهم في عقر دارهم والله محد راح
يجكنـــــــــــا :ياهو:
انا طبعا من بداية السالفه كنت سرحانه ولا ادري وش السالفه << الملل ومايسوي
:confused: يمكن اكون افكر في ايوووووووان << لاتروحون بعيد افكر اقلده خخخخخخخخ
لمهم خططنا للفكره واعجبتنا حــــــــيل عقب ماكنا معارضين وحكمت تـــــــافف من القهر تقول
من اليوم اقولكم وتتطنزون علي
المفروض اللي يتطنزون علي مايروحون بس علشان اخلاقي الكريمه بوافق خخخخخخخ
وتفرقنا وكل وحده راحت تنام وهي تتحلم في بكره ووشراح تسوي فيه.
اشرق النهار وغنت الاطيار في الغابة السعيده <<<<<<متابعه جيده لسبيس تون هههههههه
ماقعدنـــــــــا الا بعز القايلة وبدينا بالتجهيز من ملابس وميك اب حتى وحنا رياييل مانستغني
عنه بس هو ميك اب رجالي :خجل: خخخخخ
عاد نجي عندمشكلة اختيار الدشاديـــــش والبدلات المناسبة للمباراة قعدنانتهاوش كل وحده
تبي الدشداشه الفلانية و البدله الفلانية
وحدة تبي تسوي جريمبه << عشان الشعر مايببن والثانية تبي تلبس طاقية والثالثه تبي جوتي
اخوي بعرسه عاد قررنا نهون لاننا
اختلفنا في وجهات النظر بس بعدين تصالحنا واتفقنا وحان وقت التنفيذ انطلق خخخخخخخ
يوم جهزنا وكل شي تمام كل وحده تطـــــــــــالع في الثانيه وهي ميته من الخوف :يمه: كنا بنهون
للمره الثانيه بس هدانا الله عاد ركبنا السياره ... وطول ما حكمت افندي تســــوق العالم اللي
وراهـــــا يضحكون ياربي شسالفة << هم اسمترينا واثقين الخطي
ووقفنا السياره بحمد الله وراحت تفيدة واقطعت لنا تذاكــــــــر
يوم نزلنا :يمه: عيوننا تتحرك يمين ويسار ندور احد نعرفه او يعرفنا << طلع امان
حنا شفنا هالشباب بغت تجينا ام ركب من اشكالهم مافيهم اللي يفتــــح النفس احنا على بالنا
بنلقى نــــــاس تفتح القلب مثل ايووان ومثل هيرثك روشن ومثل شادي اسود بس احلامنا راحت
هباء منثورا بس لاحظناان الشباب مو بس يشوفون الحرمه لا بعد يشمون ريحتها لاننا كل ما مشينا
من طريق بدا القز على اصوله
المهم دخلنا الملعب عاد تخبرون البنات مع الخيل ياشقرا يشجعون اي فريق اللي يفوز شجعوه بس
انا صراحه كنت اشجع الكويت وبالامارة كان لبسهم ازرق :rolleyes:
عاد احسن شي يوم جا واحد يتغيشم (طبعا كل اللي في الملعب تقريبا عرفو اننا بنات)سألني
قال اخوي انا ورفيجي متحدين اهو يقول جاسم يعقوب احسن وانا اقوله فواز بخيت
انت اشرايك <<<<< هذا من وين جا اهو وسعالوووووه
انا قمت اتفلسف قلت والله ياخوي هالايام يمدحون حارس فــرنـــــسا والله ياعليه صلعه تهبل
وبعد شوي قامت تفيده تصارخ يوم دخلو اللاعبين
ويوم جت تقعد من النعومه قعدت تعدل البلوزة قبل لا تقعد عاد شباب الصف اللي ورانا انطقوا من
الضحك قال واحد اقص ايدي اذا ولــــد
بدا الشوط الاول وكل مادخل هدف صارخنا لاي فريق عادي اهم شي انه قووووووووووووول
وحنا نشجع اللعب النظــــيف خبركــــــــــم اهم شي الاخلاق والروح الرياضية وحب الوطن
عاد تفيده من الحماس طاح الكــــــاب مالها قال واحد اموووووووووت انا على الشعر الكاريه
يابكهام والله متطورين يعرفون بيكهام
البنت من الخـــرعة خمت الكاب ولبسته
المهم خلصت المباراة << الموهم ولله الحمد اكتشفنا بعد نهاية المباراة انه الاقوال كلها اكويتيه
ولله الحمد << يعني ويهنا عليهم ويه خــــير
ويوم جينا نركب السياره الا الجمهور الغفير ينتظرنا حشى احنا الفايزين مو المنتخب طبعا
كعادة الشباب سووولنا مسيرة ووصلونا لين البيت كثر الله خيرهم يخافون على اخوانهم والدنيا
مافيها امان
وهنا تنتهي هالمغامره اللي تعتبر من اقوى الى المغامرات اللي قمنا فيها خخخخخخخخخ
وطـــــبعا المغامـــــرة كلها خيال بخيال :ياهو:
[/align]
