وفي العـــــيد .. اهرج والا ترطـــيق !
(( قلوووووووووووووووولوولولو لولولوولولوولوولولييييييي ييش
:كلوش: :كلوش:
بين أصوات زغرودات العيد ..
والصــجة
واللجة
والرجــة
والصــواريخ
والفــحم ..
وأنواع الطراطيع اللي تدهر
كنت أسلم على وحدة ..
.. طبعن هي تقول " كل عام وانتي بخير "
وانتي بخير الله يسلمتس
" عــيدتس مــبارك "
.. وعـــيدتس أبرك ..
أنا خلصت هالكلمة .. المرة ابتسمت ابتسامة واحد سامع نكتة ومستحي يضحك
وســيدااا مشت
وطول اليوم انا كنت محتارة ,, وش سويت أنا حتى تسوي هالحركة اللي مثل تنورته الخضرا
كلة أدب
ولا دريت وش السبب إلا بعد ماسلمت على خالي ..
وقلت له ( وعيدك أبرك )
ويلفعن بتهزيأتن معتبرتن
طيب أنا وش ذنبي الناس هم اللي يبدعوون
خلاص ماله داعي يكثرون القرق
تسد كل عام وانتي بخير
أنا مايفقع مرارتي إلا إذا قاموا يمطخووون ويعايدون
ماشاالله ماأدري وش يبدون
قسم بالله يشبببن تسبدي
من العايدين من الفايزين من المقبولين
تقبل الله عساكم من عواده
وش أخبارتس وش مسوية وشلون أمتس << طاعوشتاا أمي قدامي اسأليه هي
قسم بالله أستاثم بهم أنا
عاد انا من انخلقت وانا أتعذب مع هالكلمات
حقات العيد .. وحقات العزايم .. واذا سافر لك أحد ورجع
مرة حنا كانت العزيمة على أبوي
وطبعن لازم نحفظ خرابيط لزوم السنع يعني
مثلا .. حياكم تفضلوا .. ولازم أنا أصب القهوة .. أقطع السلطة
غـــثا
الله يهدين زاد ماصرت ولد :مدري:
الموهم
بالعشا .. دايم أنا أسمعهم أي أحد يخلص
يقول للي عليه العشا
( أنعم الله عليــكم )
أنا طبعا سألت أمي وشلون ينرد عليهم
يعني أقولهم ( صحة وعافيه )
ويم جلسنا نتعشى .. والله العظيم ماتهنيت بالعشا أحتري أحد يخلص يقوله
خلصت وحدة يوم قامت .. اسمعوا تكفون وش قالت :
( ســـفرة دااايمـــــــة )
علمون وش أزين له أنا ؟؟
ألحقها بصحن الرز اللي قدامي ؟؟
يقلع ابووووه تميلح
طيب يعني يضره لو قالت ( أنعم الله عليكم )
عاد صراحة .. فشلت اني ماارد عليه
قمت ورديت بس اني جبت عيد الضحية
:( وسفرتكم أدوم ان شاءالله )
طايحتبهن أنا .. أي أحد يدعي تسذا ... أرده له
موب صح اذا أحد قالك .. جزاك الله خير .. تقوله وياك ان شاءالله ؟
فأنا أخذتها قاعده .. أي أحد يدعي لي أرجعه له ( وعيدتس أبرك ..
وسفرتكم أدوم .. واصبروا بعد يجيكم العلم :ياهو:
ومرة أمي وأبوي كانوا حاجين ..
بعد مارجعوا .. عمتي قالت لي ..( قرت عينتس )
أنا لا شعوري قلت له :( وعينتس ان شاءالله )
خخخخخخخخخخخخخخخخخخخخخخخخ
أنا وأنا أكلمه .. انتبهت لروحي
جتني البططططحة .. بس مسكت روحي
يعني أغديها ما انتبهت ان شاءالله
يالله عاااد وش أسوي ؟؟
هذي الدووونيا
بس والله دايم أتفشل ..
عاد بنت عمي تقولي ..
لاتهتمين أي أحد يقولتس أي شي
بس قولي الله يسلمك
ولاعليتس من أحد
أطنشش أبوووو الشععععب يعني
والله شكلي بسوي هالحركة
مع ان ابوي دايم ياقلبي .. يسوي لي دروس بهالأمور
يقول :
( أغديتس تنخطبين مير طايحتن على قلبي !! )
8
8
8
آآآولي بابي .. ماتسني أقهويك كل صبح :واء:
الشكوى لله بس دئلت
تصـــــــــدقون ؟؟
أحس العـــــيد ذا موب بلحيل ؟؟
يعني موب حلو
مدري أحس أنه غير الأعياد اللي راحن
تقل انه راح بس فشايل :cool:
خخخخخخخخخخخخخخخخخخخ
أنا أحس انه ناقصن شي بالعيد بس مادري وشو ؟؟
<<< ماتحسين انتس مالتس داعي انتي ومازوعتس ؟؟ :نأ:
لااحد يقول وشتبي ذي بالضبط ؟؟
ترى بس هذرة العـــيد ماطلعتها لأحد ..
قلت أنسفها هنا
<< مــاأدري وش تبي بالحــياة ذا البنت ؟
خلاص مانب مطووولة الحين ترطقونن
.. نشوفكم بالأعــياد القــادمــة ..
<< تطيبين ان شاءالله
.,. بنـــgggتــــة .,.
