مرحوم يا زايد ( تاج العرب )
[align=center]
زايد الخير
رحمه الله
حق على كل شاعر وكل كاتب وصحفي
أن يرثي هذا الرمز
أبيات كتبتها للتوّ والشيخ يستحق الكثير رحمة الله عليه /
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لو القدر يقدر يعمّـر لـه ارجـال=كان استخار وعمّر الشيـخ زايـد
بس القدر حكمه على كل الأجيـال=وجهٍ سوى ربي على الكون بايـد
مرحوم ياشيخٍ له الطيـب مدهـال=عَلَمْ علـى راسـه تولّـع وقايـد
ياما بكى موتك صناديد وأبطـال=ثوب الحزن غطّى بياض الجرايـد
أبكيك لكن والبكى عنـد الأطـلال=لا صار مايرجعْك ماهـوب فايـد
يا ابو اليتامى والفقارا والأطفـال=مرحوم يا زايد لك الحـب زايـد
تاج العرب تاج الفخر رمز الأفعال=غيرك فـلا ينعـدّ بيـن الفقايـد
أنت الكرم يمشي معك كنّه ظـلال=كن المراجل جيش والشيـخ قايـد
يا شيخ قدرك فالعرب ما بعد مـال=تبقى على كـل المجـالات رايـد
القدس عقبك يابطل صار مغتـال=أرضـه تدنّـس ياوسيـع البنايـد
شلت الحمول اللي على غيرك جبال=يا شيخ ياحـلاّل مـا كـان كايـد
قد قلتها يا شيخ في كـل الأحـوال=دم العروبه مـا يجـي بالزهايـد
النفط لو حقّق معه كثـرة أمـوال=لا خير به لا صار ماهوب فايـد
صحيح زلت ولكن الذكر مـا زال=ذكرك معَ كـل المخاليـق سايـد
لولا اعتقادي أن الأعمـار بآجـال=لقول : زايد ياهـل الكـون عايـد
الناس قد قالوا مثل بيـن الأمثـال=يحفظ كما حفـظ العـرب للعوايـد
ما مات من خلّف على دربه رجال=هـذا خليفـه سالـكٍ نهـج زايـد [/poem]
[align=center]مقولة الشيخ زايد /[/align]
[align=center]
النفط ليس بأغلى من الدم العربي .[/align]
أخوكم
راكان محمد .
"[/align]
