المشاركة الأصلية كتبت بواسطة سيف الركود
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="double,5,gray" type=2 line=0 align=center use=ex num="0,black"]
رقيت لي رجمٍ طويلٍ المشاريف = رجمٍ طويلٍ هيض اللي رقابه
ودي ابين ماخفى للمواليف = سحابهٍ تقفي وتقبل سحابه
متى نشوف الي له اسنين ماشيف =اللي على غاليه طول غيابه
من عام الاول واول العام بالصيف = وانا صويب منه وشكي صوابه
ابحرت في حبه بليا مجاديف = غرقت في بحرالغرام وعذابه
قالوعشقت الطيف قلت اعشق الطيف= على طريقه واتمنى سرابه
واليوم يا اهل الحب جيتو مناكيف = بيني وبين الحب مابه قرابه
مدري القلوب اشباع والا ملاهيف = عزي لقلبٍ مات محدٍ درابه
مات ودفنته بين عوج السرجيف = عقبه عرفت ان الليالي تشابه
واليوم همي بين صفرٍ مشاعيف = نرعى بها من حدنا للهابه
لاهوبل الراعي تجيله على الكيف = يمشي بها درب الوعر ماتهابه
في شفها نمشي نبي مرتع الريف = في مرتعٍ ما قبلي احدٍ وطابه
جدي حماها في زمانه بلا سيف = لا صاح ذوده في الطويل التوابه
لي الفخر في لابتي يالمعاريف = اهل الفعول الطيبه والحرابه
هذا هواي ان كان للطيب تعريف = ابوي قبلي ما بعد صك بابه
يسلم ذرانا بين عج وعواصيف = الي ليامن غاب يحسب احسابه
في مجلسه و مكرم الجار والضيف = عزٍ لمنجاه ولجا والتجابه
يارب تاقاه المحن والصواديف = ونمشي معه في دربه الي مشابه [/poem]
