[align=center]
http://www.arab3.com/images12/52042822.jpg[/align]
[align=center]السلام عليكم
مبروك عليكم العشر ،،
وكل عام والجميع بالف خير
للتواصل
جديدي
،،
،
وعسى الله يكتب لها قبول وتنال اعجابكم ،،
،
،،[/align]
[frame="10 80"][poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لبيه ،، يا دم الشرايين ،، لبّيه = لبيّه ،، ياجوع المشاعر وزادي
لبيه ،، ياسيدالترف باشة التيه = العيد فـ اوصالك يا ثالث عيادي
انتي غرامك شي مدري شسميه = بس ادري انه صار نبض الفؤادي
القلب تحت أمرك ومتحكمه فيه = تسيّدي وسطه غلا يامرادي
وضميه ضمه كنها لاخذيته = امٍ تضم صغيرها بالايادي
وخليه لحظه ورجعي له وضميه = محتاج يدفى من صقيع البرادي
ولامن غفا تكفين خليه ،، خليه = على ذراعك يهتني بالرقادي
من راحته ،، ياراحته مايصحيه = غير الموادع لاطرى والبعادي
خليه غافي حلو الاحلام تسريه = وسري معي جو المواليف هادي
ولدي بوجهٍ جل ربٍ مسويه = سبحانه المعطي عليه اعتمادي
اللي كما بدر الدجا في مواريه = ويداعبه ليلٍ طغى بالسوادي
ليلٍ ليامن الهوى هب قافيه = قام يغشاني ريح عنبر وكادي
واحكي بصوتٍ خاثرٍ كل موحيه =اسرح معه واهيم في كل وادي
واقف على ثلجٍ غريمه يخاويه!! = واعلن خضوعي له وجيه انقيادي
واضيع ف السود المعاكيش واتيه = ضيعت وتر عود المغني عبادي
كوبليه رمش وللحجاجين كوبليه = ولصبي عينك بادي اليل بادي
خرسٍ هدبها ناعم الخد كاسيه = مثل السيوف المرهفات الحدادي
من صابته سلم ولا عاد يمديه = يذكر رسول الله ورب العبادي
وجسمٍ ليامنه انثنا كن تثنيه = غصنٍ يلاعبه الهوى بالحمادي
واليا مشا كنه يحسّب خطاويه = كنه غريب ديار تايه وغادي
مايلتفت للي وزانه يمشيه = تقول كن الناس حوله جمادي
الله عطانيّاه والله يخليه = ونا له اصفى من صفات (المهادي)
مادام يغليني وانا حيل مغليه = ماهمنا هرجت لسان المعادي
يضحك احجاجه كل ماجيت ناصيه = وانا اضحك بشوفة غلاي وودادي
طيب ،، ولااطيب منه ،، الا مجانيه = غالي ،، ولا اغلا منه ،، الا بلادي
بدري على زين الصبايا يوازيه = لو يجتمع زين الحضر والبوادي
فارق مثل فرق السما عن مواطيه = بالزين ،، والاخلاق ،، والحسن سادي
هرجه يسليني وهرجي يسليه = وهرجٍ بغير لسان خلي دوادي
راسي سفه غيره لو انه يناديه = صوتٍ مهوب ابـ صوت خلي نكادي
دام الغلا مالك فؤادي وحاديه =بصد عن غيره واجيه امتحادي
احدٍ يفز القلب لا مر طاريه = وحدٍ يجي طاريه ويروح عادي
واحدٍ يناديني ولا كني اوحيه = واحدٍ اجي يمه بليا منادي
غصبٍ عليه لا توجّهة ناصيه = لانه غذى جوع المشاعر وزادي
وسلامتكم
،،
محمد ابن دحيلان السهلي
[/poem][/frame]
[align=right](المهادي) = القحطاني صاحب القصه المشهور مع جاره مفرّج السبيعي[/align]
[align=center]
[align=center]،،،
،،
،[/align][/align]v
