لايفوووتكم لازقه بالسووووق
[align=center]
هلا والله شلونكم شخباركم
تسيف أصبحتو وتسيف أمسيتو <<<<<<<<<<محششه من قلب
عساكم طيبين
وش أخباركم مع الصيام
الا على طاري الصيام شريتو ثياب العيد <<<<<<<<<تحسون لم بعض
اشترو الحين أزين لكم وشوله تسعسعون بالسوقه بالعشر[img]http://julyana.********************************************/7_18_5.gif[/img] <<<<<<<<الي مافهم تسعسعون يرجع لاقرب قصيمي أو قصيميه
انا بالنسبه لي نص ثيابي جديدات<<<<<< له 5 شهور خازنه بالبيت
وعشان تسذا قررت ماي مذر اننا نخرج في رحلتن الى السوق <<<<<<<ادوووخ على الفسحى
عاد أنا مدري وش الي خامن مابي أروح لسوق <<<<<<<بالعاده من تشم ريحة روحه تلبس عباته وترتز
وبما اني المستشار الأول لامي بشغلات اللبس والتنسيق <<<<<شوي شوي يااليا صعب :tongue:
من فوق خشمي بروح...
وعَقِبَ صلاة التروايح <<<<<<<خخخخخخ حلوه عَقِبَ ترا مب كله ذاهنتن بي بس دايم أسمعه بالاخبار
بدت حالة الاستفار <<<<<<<<يمديكم على الاستنفار
أمي تصرخ على الشغاله جوهااااااااااااي وصمخ<<<<<ياحبيله جوهاي بكل موضوع تدخل
وين عباااااااتي ؟؟؟
ومنور تهاوش مع نوير [img]http://julyana.********************************************/spor.gif[/img]
منور:كدي شوشتس والا منتب رايحتن معنا <<<<<<عامله فيها شخصيه
نوير:غصب عنتس أصلا مب على كيفتس <<<<<<والله ياهي وحده
وزعقت امي لااااااااااصقه وين شنطتي <<<<نفرمل عند شنطة امي شوي
مهيب صاحيه ذا الشنطه كل شيِ به
اذا ضيعنا اي شي على طول نلقاه بشنطته
المشكله انه كبرمخباتي ومابه شي مهوب به فواتير مكتوب عليهن طبخات بنادول قلم ناشف ابو نص والبوك طبعاً "ياحبيله أهم شي"
وبما اننا في حالة استنفار من البيت شي طبيعي يصير سرا عند الحمامات <<<بالدور ياشباب كل واحد ياخذ له رقم
الي يشوفهم يقول مابه حمامات بالسوق ابد
وبعد عراك دام30 دقيقه <<<<اخس يالدقه
ركبنا السيارة ورحنا لسوق أول مادخلت أخذت ابعثر نظراتي يميناً وشمالاً يساراً وجنوباً <<<<<لاتقولون وش لون جت متري
وقعدت أبحلق بالخلق زحمه وحاله والبزران يتزلقون <<<<قالبينه صالة تزلج
واللي يفحط اما واحد كاعد يخمس بعربية أخوه والبزر مسكين رايح فيها كسمن انخضت مصرانه وانخرش مخه مايدري من وين الدنيا مفتره
والا عاد البنات اللي وينهن عند انفسهن مرزرزات اعمارهن بالعبايات والرموش ترفرف <<<شدعوه عصافير
بس خلوه تفصخ عباته [img]http://julyana.********************************************/4_13_12v.gif[/img]
قل أعوذ برب الفلق من شر ماخلق بسم الله تقل جنيه ماودك تناظر وجهه والقميص قطن متمسحه الوانه ومتمطط أبو ابوه الي جابه
المهم كيف الناس وش دخلنا بهم <<<<<تراه ماقطعتهم ابد
ومن دخلنا السوق الين طلعنا وأختي لاصقتن بي <<<<<عجزتن عن العلك تجي هي بعد
وكل شوي تويز بوجهي وتقول هاااه وانا كسمن ماقلت ولاكلمه بالعتن لساني[img]http://julyana.********************************************/10_5_3.gif[/img] <<<بيني وبينكم أحياناً السراحه اصير اغني :تصفير: ولا شي بس مهوب كل مره عاد
بس الدلخه تحسبن أحتسي وكل شوي ناطتن بوجهي هاااه آخر شي مليت صرت كلما قالت هااه هفيته بكف[img]http://julyana.********************************************/hit.gif[/img]
وأختي الثانيه لابستن نعال تزلق ومن زين الطبايع تلعب وكل ماقلت له سوسو اهجدي <<<<اخس ياسوسو
ترى بتخمين الارض قالت مالتس شغل ابلعب وحنا بحدى هالامحلات طبعاً سوسو تمارس هوايته رايحه جايه بالمحل تزلق
وزززززززززززززززززطع
يتبع[/align]
