شاعر مبدع يستحق الاحتفاء ,,,
[align=center]الشاعر العذب عبدالله من راجس شاعر متمكن استطاع خلال فتره قصيره ان يكون له جماهيريه جيده ومتابعين
دائمين لما يطرحه من قصائد تميزت بالافكار الراقيه وبالمفرده العذبه والالفاظ التصويريه الجميله
اقام عددا من الامسيات كانت حديث كل من حضرها او سمع عنها وآخر امسياته كانت بمنطقة الاحساء بمناسبة اليوم الوطني
بأختصار هو شاعر يستحق ان يسلط عليه الضوء
هذه بعض من قصائده[/align]
[poem=font="Times New Roman,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعاذل القلب ...
ياعاذل القلب جنب لاتجي دربه= حبيب قلبي بوادي وانت في وادي
لوغاب عني بعيد اقول ياقربه= زوله على شاشة التفكيرينعادي
انا برجواه مهما طالت الغربه= ماهمني هرج حساده وحسادي
اقول فيه القصايد واتفاخربه=ولابغيره حشى مانيب قصادي
هومنوة القلب هو الي تومربه=هوغايتي هومنى قلبي هومرادي
الله عطاه الغلا وانا الي اشعربه=احس به في خفوقي قام يزدادي
منه السوالف اذاسولف تجي ذربه=يحسبني اسمع وانا في نظرته غادي
يلعبي الفكرلوعيني تناظربه=في موج بحر العيون السود ينقادي
واشيل همي علي همه واسافربه=واعيش جو السعاده والدجى هادي[/poem]
-
-
[poem=font="Times New Roman,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الغياب ...
يمكن تمر السنه ماشافتك عيني = لاصار منتب حريص اللي بقى خله
جاني من الهم لجلك مايكفيني = والذكريات الجميله عودت عله
اول متى مابغيت اشوفك تجيني= واليوم لاعاد لاجيه ولاطله
شمسك حبيبي تنورلي وتدفيني =ذبحت عبدالله ارحم حال عبدالله
لا لا تطول المسافه بينك وبيني =شف دمعت الشوق والحرمان منهله
ياروض عمري وياشمعة بساتيني = يياسمين المولع بك ويافله
ماقول انا من عرفتك زانت سنيني =اقول من غيبتك شان العمر كله[/poem]
-
-
[poem=font="Times New Roman,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
رايق ...
سولف وقلي ماتبي باالتفاصيل=رايق وجيتك وانت باالحيل رايق
لاتستبيح الصمت ياشمعة الليل=ساعة لقاك تصير عندي دقايق
فرصه تراها ماتعوض بتبديل=ولاحدً على الفرصه لقاله وثايق
ماللعنا والهم يمك مداخيل=فيك الغلا ورضاك والحسن لايق
لولاك ماغنيت باحلا التماثيل=وتباشرت يمي جميع الطرايق
واسهرت عيني والقلم والمعاميل=وصخرتها في صفحتك والحقايق
واصبحت اغنيها بكل المواويل=ولاعاقني فرضاك يا الترف عايق
انت الغلا والشوق والهم والويل=وفي شوفتك ضيقات صدري طلايق
امر .. تدلل .. وحكم العدل والميل =لرضاك لو تزعل جميع الخلايق
قل ماتبي عطني جميع التفاصيل=رايق وجيتك وانت با الحيل رايق[/poem]
[align=center]-
-
(( رأي بعض المنتمين للساحه الشعبيه في الشاعر عبدالله بن راجس ))
عبدالله من الشعراء القلائل على الساحه الشعبيه الذين تتمتع قصائدهم بالاصاله ويملك مفردات رائعهه وهو بلاشك شاعر اباَ عن جد وقصائده جدا ممبزه بالرغم من انه قليل النشر
( حمد السحيمي - صاحب منتديات النداوي الشعبيه )
-
شاعر عذب وله اسلوب خاص يميزه عن غيره في الساحه وله علاقاته الجيده مع زملائه وقد حضرت له امسيه بمدينة الطائف وكان بها متألقا ورائعا واكتشفت بأنه شاعر وانسان بسيط وواقعي
( ضاوي العصيمي - شاعر وصحفي )
-
عبدالله شاعر اشاد به الكثير من الشعراء الكبار وتجربة الشاعر عبدالله الشعريه اكبر من اقيمها وخصوصا انه شاعر وابن شاعر والشعر ليس بغريب عليه ولا على والده ولا على قبيلة سبيع وعبدالله من الشعراء القله الذين تجد تعاملهم خارج اطار الشعر تعامل راقي جدا
( فهد الوايلي - شاعر وصحفي )
-
عبدالله بن راجس شهادتي فيه مجروحه فهو شاعر بلاشك موهوب ومسألة الشعر ليست بغريبه عليه فهو قد خرج من بيت شعر والملاحظ ان عبدالله اسلوبه مختلف عن الكل فقصيدته تستطيع تمييزها من بين عدة قصايد فله كلمته الخاصه والعذبه
وايضا هو شاعر متمكن من المفرده والكثير توقعوا ان لايخرج من عبائة عبدالهادي بن راجس ولكنه استطاع ان يسلك مسارا خاصا ميزه كثيرا
( محمد بن فرزان - مسؤول الملف الشعبي بمجلة خليجيه )
-
الشاعر عبدالله بن راجس شاعر علم وبارز في الساحه الشعبيه ولايحتاج الى شهادتي ولكن يجب ان يقال الحق وهو انه شاعر نبراس لشعراء لازالت تطلق عليهم مقوله ( مكانك راوح ) فلقد حضرت له عدة امسيات واثبت بانه فعلا جدير في اعتلاء المنصه ويستحق الحضور الجماهيري لذلك وله بصمته الخاصه والواضحه في نظم القصيده
( بشير اللويش - شاعر )
وبأختصار ..
عبدالله بن راجس شاعر مبدع ويستحق الاحتفاااااااء
عبدالله[/align]
